اختي رح تخرب بيتي. ...!

[بيرو المدينة]

السلام عليكم
حابه افضفضلكم لان مالي غيركم بالكون واتمنى تساعدوني وربي تعبت
انا متزوجة لي سنة و 4 اشهر وعندي بنوته وحاليا انا في فترة النفاس عند امي طبعا وزوجي موظف وراتبه مايتعدي 4000 والحمدلله عايشين وانا استلم حافز يارب لك الحمد وانا من قبل اولد لما كنت في بيتي اذ زوجي محتاج شي ما اقصر معه ابد لاني مابيه يتدين ابد المهم من اول نفاسي واختي بس تحرشني ع زوجي وتقول انتي غبيه وماتعرفي تتصرفي تقول لاتعطيه حافز لو بيموت جوع دوم ع هالموال دوم تدخا نفسها بحياتي وتسبب مشاكل حتى امي صارت زيها طيب انا راضيه وماخذت منكم شي وربي هم اللي جابولي اكتئاب احس كرهت اختي بالحيل مع ان عندي 5 خوات غيرها ومنهم 3 متزوجات ولا وحده عمرها اتدخلت بحياتي ودوم احس يبون لي الخير الا هاذي مع انها ثاني اكبر خواتي وربي ان زوجها دوم يخاصمها ع اتفهه شي ومو مهتمه هي بزوجها وبناتها دوم حتى طبخ ماتطبخ اللي يشوفها تنصحنى كانها مثاليه بحياتها وساكنه تحت اهلي عشان كذا دوم بوجهي اخر مره أيوم زوجي جاب لي طقم ذهب هديه نفاسي وناعم شوي وربي لما شافته ماقالت حلو سكتت وكل خواتي وامي قالو مبروك تتهني فيه بعدين قالت زوجك يضحك عليك ياخذ حافز ويجيب لك الهديه من حافز وربي الهديه من راتبه وحافز طار مصاريف لي وللبنت بس سبحان الله احسها ودها تخرب علي حياتي حتى اختي الثانيه توها متزوجه واكبر مني دوم تحرشها ع زوجها زوجك مايصرفك وانتي تمشي ورا زوجك وربي تعبت خلاص ماصرت احب اجلس معها احس تبا تكرهني بزوجي والله يابنات حالتهم الماديه ضعيفه شوي وشخصيتها عند زوجها عدم يعمي مالها رأي ابد
ادري طولت عليكم سامحوني حبيباتي بس انصحوني وهدوني وربي كرهت بيت امي ،السبب هي بس ماقدر اتكلم بسبب مشاكل

[حبيبة فهد]

والله اختي وامك واختك ماادري شنوا اقولك بس هذي اختك طنشيها وماعليك منها اذا انتي راضيه خليها تتكلم مع نفسها او قولي لها انا غبيه ووانتي وش دخلك فيني وفي زوجي هو يصرف علي ولا انا اصرفه عليه انتي وش دخلك اذا اشتكيت لك قولي اللي عندك وخليها واما امك قولي لها يا يمه تبيني اكون مستانسه بحياتي خليني اسوي اللي ابيه وما ابي احد يتدخل فيني وفي حياتي اتمنى اني افدك

[بيرو المدينة]

حبيبة فهد. .. ربي يسعدك ويحقق لك امانيك.
... وربي دوم اقولها لاتتدخلي بس سبحان الله ماتسمع ابد مع ان عمرها 34 ومتعلمه تقولي انا ابي مصلحتك وانتي صغيره وماتعرفي مع ان عمري 21 الله يهديها

[ρυяỉтч •]

حبيبتي ريحي مخك وقوليلها معليش انتي اختي وعلى عيني وراسي بس حياتي رجاءا لا تدخلين فيها ..
والحمدلله ياقلبي انتي مبسوطه مع زوجك وعندك منه بنوته منه ومستور الحال يارب لك الحمد ايش تبغين اكثر ؟
يعني اللي عندهم ملايين سعداء ؟؟ او اللي ٢٤ ساعه تتمشكل مع زوجها ولا تفوت له صغيره ولا كبيره سعيده !
بالعكس انا شايفه انك ماشاءالله عليك عاقله ومرتاحه كثير مع زوجك ومبسوطه ، ليش تخلين اختك تدخل
لا تسمحين لها ابدا تدخل لا بصغيره ولا بكبيره ..
لو اختك فيها خير كان اصلحت بيتها وزوجها ، وانتي بنفسك شايفه اهمالها بناتها وزوجها ..
يعني اكيد تبيك تصيرين مثلها !!
احسن واريح حل مثل ماقلتلك اعطيها بالوجهه .. قوليلها انا ماحب اتدخل ف حياه احد ولا ابغا احد يتدخل بحياتي
اذا جيت وشكيت لكم الحال تعالوا وانصحوني ..
وكثر خيره الرجال جايبلك ذهب ومهديلك .. وهو حاله على قده ، مين بالوقت ذا يهدي ذهب ؟ حتى لو خفيف ذا قدرته
جزاه الله كل خير .. فرحك واهداك شي عليه القيمه .. يمكن شكله خفيف بس الذهب غالي وتلاقين راتبه كله راح عشان يجيبلك شي يفرحك
انتي فكري بعقل وبتلاقين ان اختك يا انها حاسدتكم انكم مرتاحات او لا ، او فيه خوات هيك مسويات سنعات وهن من جنبها
واذا صارلك شهر اعتذري من امك وقوليلها خلاص الرجال يبغاني ارجع لحاله ف البيت ومتبهدل
وخوذي بنتك وروحي لبيتك ريحي نفسك .. تفكين نفسك من ضغط اختك ومن الحاله اللي انتي فيها
واهم شي لا تقولين لزوجك شي عن اهلك .. مشاكلك مع اختك ذي بينكم والله يصلح الحال ويسهل الامور يارب

[بيرو المدينة]

تسلميلي يالغلا وربي ماينفع معاها وانا بكرا اكمل شهر ان شاءالله برجع بيتي وربي شي يقهر .. purity

[مريم العنزي]

قولي ان شاءلله ويصير خير بس طنشيها هاذا زوجج

[**سماسم**]

مهما كان يالغاليه هذولا اهلك ..
الغلط يالغاليه منج من البدايه ماتقولين لاي احد خواتج صديقاتج حتى والدتج عن حياتج وعن طريقة معيشتج انتي وزوجج مهما كانت ..
وهذا انتي تعرفين ان اختج تنصحج بالغلط فهذا يدل على وعيج وخوفج ع بيتج ..
فيه كلام ماحبيتيه خلاص دخل بالاذن اليمنى خرجيه من الاذن اليسرى وصلى اللهم وبارك..
لاتعادين اختج على كلام تحسستي منه مهما كان شالكم بطن واحد وتربيتو بمكان وبيئه وحده ..
وإنتي اذا شفتيهاا تنصح بالغلط قولي لهاا ترا حرام تتكلمين بشي ماتدرين عن نتائجه ممكن لاسمح الله بسبب هالنصيحه يحدث طلاق وتكونين السبب بخراب هذا البيت .. صدقيتي بعدها ماراح تتدخل بحياة احد منكم ..

**

[بيرو المدينة]

مريم العنزي. .. وهو كذالك

سماسم وربي كل كلامك ع عيني وراسي وربي صادقه كله خطا مني بس وربي انا اللي في قلبي ع لساني

[شعور الامومة]

اختي بيرو المدينة انا اتفق مع سماسم في الكلام راي اسمعي كلام اختج وطنشيهة يعني دخلي من اليمنى وطلعي من الاذن اليسرى ولاكانو سمعتي شي بهالطريقة لاخسرتي اخحتج ولاخربتي بيتج وبالتوفيق

[om yosof]

المفروض تمنعي عنها حياتك بالمرة لانها واضح انها غيوووووووووووووووووووووووووووووووووووووووووووووووو ووووووووووووووووووووووووورة وممكن تسبب لك مشاكل لك كبيرة انت ف غني عنها.. شوفي اختي في ناس قلبها يحرقها حرق لما تشوف اي علاقتين حب ماشية كويس ** عشان كذا انصحك اولا انك تخبي عليها حياتك كلها وعن امك واخواتك مالو داعي حياتك تكون عند الناس كلها وخصوصا اختك هذي بالذات وتعطي فرصه لهم للنميمة لو حبوا في اي وقت.. ولا تقولي اللي ف قلبي ع لساني لانو بعدين ما بينفعك وبتكوني غلطانه.. وثاني شيء مو كل ما اهداك زوجك شيء تروحي تفرجيه لاي احد خصوصا اختك وانت عارفه انها لها هدف معين تبغى توصل له..ثالث شيء واهم شيء عوذي نفسك وزوجك وبيتك وبنتك بالاذكار يوميا .. ولا تتاثري بكلامها ابد كل ما جاء الشيطان يزين لك كلامها تعوذي بالله وتذكري محاسن زوجك واللي يسويه عشانك انتي وبنتك..دمتم