عندي جمعه وابي صواني عشاء تكفون

[التائبه لله]

السﻻم عليكم ورحمة الله وبركاته
اخباركم ان شاء الله بخير
ياحلوات ابغى مساعدتكم
عندي جمعه بعد اسبوعين تقريبآ ان شاء الله
ومحتاره ايش اسوي عشاء
اسوي كبسه او صواني
وابي طرق لصواني حلوة والله مااعرف
تكفون ساعدوني
وربي ﻻ يحرمكم اﻻجر ويفتحها بوجهكم يارب
ربي ﻻ تذرني فردآ وانت خير الوارثين

[جمره غضى]

خذي صينيه

قطعي دجاج ارباع او انصاص على راحتتتك بدوون ماتشيلي الجلد

قطعي مكعبات كوسه بطاطس وجزر بصله طماطم
حطيها كلها بالصينيه

خذي مقدار نص كاسه مويه وذوبي فيها ملح وبهارات
وصبيها على الصينيه

غطييييها كوووووويس بالقصدييير
اكتميها صح

ودخليها الفرن من تحت لمده ساعه او ساعه وربع

واذا خلصت افتحيها بحذر عشان البخار اللي يطلع منها
وحمريها من فووق


وبالهناء والشفاء


ممكن تجربين الطريقه قبل العزيمه سوويها غداء والا عشاء
ان عجبتك ادعييييلي وسويها يوم العزيمه

سوي معاها رز ابيض
وسلطه
وجيبي من برى ورق عنب




بعطييك كمان طريقه بيتزا سهله جددا

كاسه مويه دافييه
ملعقتييين خميره
ملعقتييين حليب بودره
ملعقه سكر
خمس ملاعق زيت
رشه ملح
اخلطيييها شوي مع بعض ثم اضيفي كوبيين دقيق

تتخمر نص ساعه فقط
مره رووووعه




كمان فيه حلا سههل ولذييييذذ جدا

علبتين قشطه
ظرفين دريم ويب
12 ملعقه شووكلاته بودره نسكووويك
8 ملاعق حليب بودره

اخلطيها مع بعض

صفي في الصينيه طبقه بسكويت مغمسه في الحليب
ثم ضعي شووي من الخلطه السابقه

وطبقه بسكويت
وشوي من الخلطه
حتى تحصلين على ثلاث طبقات بسكوويت

تقدرين تزينينها بحليب مركز مع جبن كيري وتصبينه فوقها بشكل مموج

او فتتي بسكويت فوقها عادي على راحتك

كلما بردت في الثلاجه فتره اطوول كلما طلعت جووونان


دعووووواتك

[المهـ ـرة]

وعليكم السلام ورحمة الله وبركاته

تامرين امر ياقلبي
هذا الرابط يمكن يساعدك

http://forum.hwaml.com/t186640.html
واذا تبين زيادة بالخدمة
المهم نبيكِ تبيضين الوجه بالعزيمة
اسأل الله ان يبيض وجهك يوم تبيض وجووه

تقديري واحترامي

[التائبه لله]

الله يجزاكم خير
وربي ﻻ يحرمكم اﻻجر
يارب تساعدني تقريبآ هذي ثاني جمعه لي
لي سنه متزوجه وفي ناس اول مره تجيني علشان كذا ابي مساعدتكم
مره محتاره
والله ماقصرتو بس ابي افكار جديده
وان شاء الله ابي اجرب الصواني والحلى والبيتزا
يارب ييسر لكم كل خير
يارب يفرج همومكم ويفتحها بوجيهكم
يارب يدخلكم الجنه بغير حساب وﻻ عقاب
ربي ﻻ تذرني فردآ وانت خير الوارثين

[امجااد]

فيه صينيه مكرونه بالجبن والقشطه روعه
ماينشبع منها


((( مكرونه بالقشطه والجبن )))

المقادير :
- علبة قشطه .
- ثلاث ملاعق جبن سائل .
- كيس مكرونه .
- لحم مفروم .
- فص بصل .
- ثوم .
- جزره واحده كبيره .
- فلفل بارد حبه واحده .
- طماطم حبه واحده .
- بصل أخضر .
- بازيلاء .
- جبن موزريلا .
- ملح وبهارات .
الطريقه :
- تسلق المكرونه
- ثم يوضع عليها الجبن السائل والقشطه وتخلط مع بعض
- ثم توضع في الصينيه
- ثم يوضع على المكرونه
- ثم يبشر على الوجه جبن موزريلا ثم توضع في الفرن
- ثم يعمل الحم المفروم بالطريقه العاديه
- ثم يقدم

ان شاء الله تعجبك وتعجب ضيوفك

[التائبه لله]

الله يجزاك خير
وربي ﻻ يحرمك اﻻجر
ربي ﻻ تذرني فردآ وانت خير الوارثين