فيدوني .. عسى الله يرزقكم بالذرية الصالحة

[Senyorita]

السلام عليكم يابنات

ياريت الي حملت من قبل تفيدني

انا من البداية كان عندي ارتفاع بسيط في هرمون الحليب قبل لا اتزوج

والحمدلله من فترة صار في المعدل الطبيعي ، وكانت دورتي ابداً مو منتظمة

و في شهر نوفمبر في سنة 2011 صار عندي حمل الحمدلله بدون أدوية

وكنت قبلها باسبوع مسوية فحص الحمل المنزلي وطلع لي سالب

مع اني كنت متأكدة لأن كانت فيني اعراض مثل انتفاخ الصدر

والنوم الكثير واشتاق لأكلات معينة ..

بس كرمكم الله كان عندي التهاب في البول، الحمل ماطول معاي

اسبوعين وصار عندي نزيف وما الله كتب انه يثبت .. الحمدلله على كل حال

وبعدها بـ شهرين او ثلاثة ما اذكر سويت الترا ساوند وقالت لي الدكتورة عندج تكيس

يومها حسيت كأن كل شي انسد بوجهي ، وأهل زوجي من النوع الحنان الزنان

لو مابغوا يجيبونها بوجهي، يقولون لي "متى بتفرحين ولدنا وعسى الله يرزقه"


خذت علاجي وهو عبارة عن حبوب كلوميد ، استخدمته شهر بس

وكنت آخذ منظم السكر عشان التكيس و الفوليك اسيد عشان لو صار حمل ..

ومن يومها وانا دورتي بدت تنتظم صارت تجيني كل شهر حتى لو متأخرة شوي


بس من شهر صرت آخذ القسط الهندي كل يوم كل مااتذكر اخذ لي ملعقة صغيرة

من القسط الهندي المطحون واخلطها في ربع كاس ماي واشربه


المهم ان هالشهر ماجاتني الدورة مع اني احس بأعراضها قبل اسبوع الم في اسفل الظهر

وانتفاخ في الصدر يألم وتعكر المزاج شوي وابي انام وايد احس اني ما اكتفي منه

وعزكم الله رائحة البول صارت شوي أقوى خفت والله يمكن رجع لي الالتهاب .. :(


كان المفروض تجيني تاريخ 20 ، مابي احمس نفسي عالفاضي وانتظرت

اليوم تاريخ 26، وكل ما احس انها بتنزل .. تنزل علي افرازات بيضة مائلة للإصفرار


سويت تحليل حمل منزلي اول مرة طلع لي invalid يعني خطأ ماظهر شي

سويت للمرة الثانية وطلع لي سالب ..




والسموحة طولت عليكم ، حبيت شوي افضفض أخفف عن همي


تهقون إني حامل ؟ ادعوا لي يا بنات

لأن هالموضوع صج تعبني نفسياً

[ثقتي بربي تغمرني]

حبيبتي سوي تحليل دم وان شاء الله حامل لان دورتك متأخر ه6 ايام راح يبان في التحليل اذا حمل او لا

[amani_nor]

الله يجبر بخاطرك و تطلعي حامل يارب

[neeevooo]

حللي دم حبيبتي ويارب يفك كربك ويفرحك

[أسيرة الغروب]

ربنا يفرح قلبك وتحملي وتبشرينا بحملك
اللهم امين
الافضل تفحصي دم
وبشرينا

[huyam]

ربنا يجبر بخاطرك و تحملي عن قريب و تجي تبشرينا
رب هب لأختنا في الله الذريه الطيبه الصالحه عاجلا غير آجل

[HANAN.]

انشالله اختى حامل
الى حكيته من علامات الحمل كله
بنصحك تشترى فاحص حمل قوى
او تفحصى بالدم مشان ترتاحى

[Senyorita]

المشاركة الأصلية كتبت بواسطة ثقتي بربي تغمرني

حبيبتي سوي تحليل دم وان شاء الله حامل لان دورتك متأخر ه6 ايام راح يبان في التحليل اذا حمل او لا

إن شاء الله يارب، اسمك بروحه يجيب التفاؤل :)

المشاركة الأصلية كتبت بواسطة amani_nor

الله يجبر بخاطرك و تطلعي حامل يارب

آميـن يارب، تسلميلي على هالدعوة الطيبة حبيبتي

[Senyorita]

المشاركة الأصلية كتبت بواسطة neeevooo

حللي دم حبيبتي ويارب يفك كربك ويفرحك

مع إني خايفة، ودي احلل بس اخاف انحبط

بس إن شاء الله بتشجع، تسلمي حبيبتي :)

المشاركة الأصلية كتبت بواسطة أسيرة الغروب

ربنا يفرح قلبك وتحملي وتبشرينا بحملك
اللهم امين
الافضل تفحصي دم
وبشرينا

اللهم آميــــــن

إن شاء الله بسوي تحليل دم واخبركم

الله يبشرك بالجنان يارب :)

[Senyorita]

المشاركة الأصلية كتبت بواسطة huyam

ربنا يجبر بخاطرك و تحملي عن قريب و تجي تبشرينا
رب هب لأختنا في الله الذريه الطيبه الصالحه عاجلا غير آجل

آمين يارب ، الله يسمع منك ويرزقك كل شي تتمنينه على هالدعوة الطيبة

المشاركة الأصلية كتبت بواسطة hanan.

انشالله اختى حامل
الى حكيته من علامات الحمل كله
بنصحك تشترى فاحص حمل قوى
او تفحصى بالدم مشان ترتاحى

رفعتي من معنوياتي، إن شاء الله أسوي فحص دم ويارب أطلع حامل

والله لأدعيلكم بظهر الغيب سواءً حامل ولا لا

تسلمي حبيبة قلبي :)