تأخر الحمل بعد الاجهاض الاول

[alooosh]

مرحباااا صبايا كيفكن شو اخباركن
انا حابه اخد مساعدتكن والي عندها خبره يا ريت تفيدني الله يخليكن

انا حملت بعد زواجي بشهرين تقريبا وكان الحمل طبيعي الحمدلله بس صار معي التهابات قويه لدرجة اني كنت ابكي منها ورحت عند دكتوري صار يعالجني منها وانا حامل بعد شهرين وعشر ايام من حملي رحت افحص البيبي حكالي الدكتور انو ميت صرلو 4 ايام وما حكالي السبب الله يسامحو

تاني يوم عملت تنضيفات ورجعت الالتهابات معي رحت عند دكتور نسائي طلب مني اعمل مانع طبيعي لحتى اعالج الالتهابات عملت مانع طبيعي 5 شهور والحمدلله خلصت من الالتهابات

بس انا حابه احمل ويكون عندي بيبي وهلا عم نحاول من 4 شهور تقريبا وما صار حمل
نصحتني وحده من اخوات زوجي اني اروح عند ختياره تملسني لانو احتمال تكون المولدة او (ام الاولاد) مش بمكانها بسبب الاجهاض
ورحت وملستني بس كمان ما صار حمل
وفي ناس عم تحكيلي اني اعمل قفل للظهر لانو احتمال يكون مفتوح
بس انا خايفه صبايا يكون معي شي ما بعرفو

انصحوني اروح ع دكتوره نسائيه او استنى شوي؟؟

بلييييز ساعدوني

[احلى شيء الاموموة]

اختي انا حملت حملي الاول عادي واجهضت بعد شهرين وبعدها بقيت عام ونص حتى حملت ثاني حمل بدون اي علاج بس ايتروجيستان لمدة 10 ايام واجهضت وبعد 3 شهور حملت بالثالث وكمان اجهضت وعندي 20يوم ولسا ما نظفت....ربي يعوضنا خييير اختي انصحك تروحي على دكتورة نسائية واعملي تحاليل وسونار وانشاء الله خير ربي يفرحنا في القريب العاجل ياااا رب بالحمل الثابت السليم ....

[alooosh]

حبيبتي ياااااا رب الله يسمع منك

ان شاء الله الشهر الجاي بنفرح بخبر الحمل

[يا رب عوضني 777]

كلام اخت زوجك صحيح بدك وحدة تمرخك
انا عملت تنظيف وعملت تمريخ بعد التنظيف بكم يوم والحمدالله حملت بعد دورتين تقريبا ادعيلي الله يتمم علي لاني اجهضت بالشهر الخامس من قبل
وانا قالتلي الرحم نزل عندك بعد التنظيف
توكلي واعمليه مع الدورة الجاية

[يا رب عوضني 777]

وما تنسي تعملي تحاليل عشان تتاكدي من سبب الاجهاض ولازم تاكلي فولك اسيد من الان

[faatiinaa]

ما عندي فكرة تابعي دكتوررك عل الأقل حبيت أدعيلك يا رب تشوفي أولادك المرة الجاية انشاء الله

[heba yousef]

انت الافضل انك اتابعي مع دكتوره وان شاء الله بعوضك وبعوضني وبعوض كل محرومه يا رب

[سيلين 10]

حبيبتي انا متلك تماما اجهضت بشهر شباط (2)
وصار الحمل بشهر شبط السنه الي بعدها سنه كامله تماما وماخليت دكاتره ومنشطات وكله عبث
بس اخر شي رحت عند مره بتعمل كاسات هوا وتحاميل واول شهر ما حملت الشهر الي بعده الله كرمني والحمدالله هلا ابني كمل 4شهور وبدا بالخامس الله يحميه ياااااارب

[Reemon Z]

ما حبيت اطلع من غير ما ادعيلك الله يعوضك ويرزقك بالذريه الصالحه وان شاء الله ما مالك إلا كل خير و كل تأخيره فيها خيره يعني الحمدلله الله كاتبلك الأفضل

[اعشق جنونك]

الله يرزقنا الحمل يا رب