ساعدوني شوي ويجيني انهيارعصبي

[رومنسيه حزينه]

بدون مقدمات ببداء ع طول اهل زوجي حسبي الله عليهم يبي يزوجون زوجي وزجي راضي بس عشان يقهروني لاني سكنت ببيت لحالي وانابصراحه مره منهاره انامره حساسه وماتحمل وتوي حامل من القهر راسي فيه صداع فضيع وعندي قيلون عصبي شوي ونجن اذاتذكرت انوزوجي يبي يتزوج وتخيل ليلةدخلته وسفره معاها وزياراتهم والبيت اللي بيحطه لها والاثاث وحاجات كثير لاني مره غيوووروانهارزياده مدري وش اسوي اطلب الطلاق بس وش اسوي اناوعيالي وين نروح فكرت انو بعدزواجه اغيرمفاتيح البيت واخليه يطق الباب ويرجع وبعدين قلت لاماراح اخليه لهاومرات اقول وش ابي فيه اجلس بييتي ويصرف ع عياله وانااعيش حياتي بدونه يعني صرت كأني مجنونه بس اكلم حالي وافكر واللي قاهرني انولساتتي صغيره 26 سنه ماتهنيت بعمري مع زوجي ولاتهنيت بشبابي بدون زواج تكفووووووووووون ساعدووني خففوعني قسم بالله شوي واتجنن ماني قادره انام ولاااذاكرلولدي وهوولاهامه بالعكس مستانس ياويلي مقهوووووره والله احبه ومع ذالك اقول ليته يموت من غيرشرولايتزوج شفتوالجنون كيف اقول يمووت من غيرشر هههههه فيه احديدعي ع احدبالموت ويقول من غيرشر لاتستغربون هبالي لان طبعي احب الضحك والمزح واضحك حتى واناابكي واستهبل تخيلوالحين ابكي واضحك ع نفسي عشاني قلت من غيرشر اه اه اه اه بس يالقهر الله يشغل اهل زوجي بنفسهم عشان مايزوجونه واسفه طولت عليكم ههههه نسيت اقولكم اني مارحت شهرعسل ولاتمشيت ولاشي يعني لوبيسافرمعها يمكن اموووووت بس عسى ساهريارب يصيده بكل شاعر وعندكل اشاره ههههه عشان مايتهنى بشهرالعسل عساه ينقلب شهرثووم

[fony]

هههههههههههههههه ،

حبيبتي والله فآهمتكك وحآسهه فيكك ، بس الحيآة مو كذآ ،

لآ تستلمين لليأس ، لأتخلينه يدخل حيآتكك ، بالعكس آكسبي زوجكك ،

خليه يندم إنه فكر يتزوج ، آهتمي ببيتكك وطفلكك ،

ولآ تخلين زوجكك مع غيركك ، هو لكك إنتي ومآفي أحد له حق فيه ،

صدقيني لو كآنت نيتكك صآدقهه وتوكلتي على الله وعملتي على كسب زوجكك ،

مآفي أي قوة في الدنيآ بتخليه يتركك أو يقهركك أو يتزوج عليكك ،

خليكك قويه وآكسبيه ، حببيه فيكك وفي بيتك ومهمآ صآر لآ تيأسين ،

خلي الأمل دآيم في حيآتكك ، تقربي أكثر من الله وآدعي وآستغفري كثير ،

وآهتمي بـطفلكك ترى في النهآيةة محد خسرآن ومتألم غيركك ،

والله يهديكك ويهدي زوجكك ويسخره لكك يَ رب ،

موفقهه حبيبتي =))

[رمش الغلاا]

والله اختي مدري وش اقول كيف هو راضي انه يتزوج عليش طيب مو كل شي يطاوع اهله فيه انتي ام عياله وغير كدا في طفل بالطريق


اه بس هالرجال ماتملى عينهم الا التراب
الله يهديه ويسخره لش ياااارب
ادعي في الثلث الاخير من الليل وقبل ما تشرق الشمس بعد صلاه الفجر تراه الدعاء بأذن الله مستجاب

[رومنسيه حزينه]

مشكورين حبايبي ماقصرتو كلامكو عين العقل بس ماني قادره كل ماقربت من زوجي وتذكرت انوبيروح لوحده غيري ابعد عنه وانافيني طبع ماحب ابين للي قدامي ضعفي وزوجي يسمع كلام اهله بذات خواته اي شي يقولن له سوه يسويه ماني قادره اتحمل ودي انفجر بوجهه واقوله وش انت مانت رجال ماتحس مالك كلمه يمشنك خواتك ع كيفهن اول زوجهن وخلنانرتاح منهن ومن غيرتهن وبعدين فكربنفسك وودي اقوله بصراحه ماتزوجت رجال لونت رجال ماكان خليت خواتك يمشنك ع كيفهن بس خايفه احس كلام قوي ماينقال واناعارفه نفسي ابي اصبروابي انفجربوجهه يوم زواجه عساه مايتم عسى اخته اللي اخطبت له تمووت ان شاءالله وينشغلوبعزاها وينسوالزواج اه اه بس بمووت من القهر

[um farah]

حبيبتي قربي منه اكتر حسسيه انه عشقك وحبك هو
لا تسمحيلهم يتدخلوا
اجعلي من نفسك وبيتك جنة
و انسي فكرة انه بده راضي يتزوج
ضلي اقرأي سورة البقرة والمعوذات عالاكل و الشرب و في البيت
وانشاءالله ربنا بيرجعه لصوابه
طمنينا شو بيصير معك

[طيبتي أكبرهمومي]

عزيزتي لاتدعي ابدآ قولي حسبي الله ونعم الوكيل هو حسيب على الخلق..
وخواته باين امهم غايرين منك شايفنيك احسن حريم وافضلهم في كل شئ عشان كذا حرضوه على هذا شئ
ولا تخافين دام له خوات فكما تدين تدان
فاكرين حالهم ان محد متزوج عليهم ووالا لا والا ملكات انفسهم الحين والله انهم مرضى نفسين ومختلين عقليا و
دام انك واثقه من نفسك ومن شخصيتك واناقتك وبيتك ..
فمستحيل احد يأخذه ويتزوجه صدقيني..
دام له اطفال بينكم مستحيل يفكر يتزوجك بس كلام كذا
وتحسبي زواج لعبه لا والله فلووس وسؤال وراتب وليش تزوج
بنات ناس مو لعبه يروحون يرمون انفسهم على ازواج زوجات ناس
الناس لهم عقول ويفكرون فيها
لكن اكثري من الدعاء ان الله يصرفه عنه ويسخرك له ويحنن قلبه عليك وعلى عياله
الله يوفقك

[حبيبة فهد]

بصرررراح الله يكون بعونك وينصرك ع اهل زوجي وانشاءالله يسخرلك زوجك يارب بس انتي انسي ان زووجك بيتزوج عليكك ادري صعبه انك تتناسين هذا الموضوع بس دامه في البدايه وماصااار شي للحين مجررد خطبه ومابعد دخل عليها هينا فرصه لك انتي تستردين زوجك قبل مااايفوت الفوت اجذبيه يمك املي عليها حياااته كوني انتي وعيااالك في مقدمه وخلي خواااته حسبي الله عليهم بعيدين عنه انتي مااكسبتي زوجك في البدايه اكسبيه اللحين ترى الرجاال طفل صغير يجذبه الكلام المعسول والبتسامه في كل حين وحضن منك تنسيه الدنياء ومافيه احتويه ولما يرتاح لك وراااح يعرف خوااته ع حقيقتهم لانهم اكيد متكلمين عنك وهو يشوفك باللي يتكلمون عنه انتي لازززم تتغيرررين والحين ضررروري علشان نفسك وعيااالك وزوجك اللي تحبينه من كل قلبكك وادعي لرربك والحي واستودعيه كل مااطلع من عندك واستغفري لربك وانتبهي ع نفسك واللي بطنكك وضرروري تحافظي ع نجااح عيااالك بمدرستهم وتفوقهم خليه يشوفك وكيلي امررك لربك والله يزيل همممك حولت اني اسااعدك واخفف عنك بكللامي والله يكونن بعونك

[حمووشه المطيري]

الله يكون بعووونج .. والله حاسه فيج خيتي ادعي ربج وتوكلي عليه وترجيه الله يخلي زوجج لج ولا يحرمج منه وعسسى تتعدل امورج امين

[حرم السلطان]

شوفي ااختي اول شي اتقربي من ربك كثير واكثري من أدعية الهم والحزن..ثاني حاجه زوجك لاتخلينه بهالوقت ابد ..تغيري للافضل بكل شي واهم شي انك تكوني بشوشه ورايقه ..وعامليه افضل معامله قبل زواجه خليه حبيبك وتاج راسك..ومايحتاج اعلمك انتي متزوجه وتعرفين هالامور زين..اعرف صديقتي زوجها تزوج عليها بسبب تحريض اهله واثناء الخطبه تقول كنت اسويله اللي يبغى وتذكر موقف تقول جا زوجي ضيوف قبل زواجه بأيام وكان بيجيب اكل من المطعم وتقول كنت اقول لاتجيب انا اطبخه لك وامه واخواته يسمعن..تقول ينظرن باستغراب وغيض ويقولن اكيد مرضيها بشي بذهب اوفلوس وهي تحلف انه ماجابلها اي شي ولاطيب خاطرها بحاجه..وصبرت ونهاية صبرها انه طلق العروس من ثاني شهر ...والان ماعندها غيرها
واذا انتي صغيره وماعندك اولاد كثار الزمي بيتك عند زواج زوجك...ضيقي عليه لاتخلينه يستانس..اذا تذكر انك لحالك بالبيت بدون محرم ماراح يتركك راح يضطر ينام عندك بالليل
خربي عليه هو وعروسته واهله بصبرك وملازمتك لبيتك اقول كلامي هذا عن تجربه..
انا زوجه ثانيه ولماتزوجت كانت زوجته زعلانه عند اهلها شهور وصراحه استانسنا انا وزوجي وفكتنا من شرها وعشنا احسن ايام ولما رجعها..ولما رجعها بعد كم شهر تضايقت بالمره وكنت ابكي والوم نفسي ليش تزوجت رجل متزوج..بس وحده نصحتني قالت لاتفارقين بيتك عشان يتعود عليك ويشيل همك انك عروسه وماعندك احد وفعلا صرت انام ببيتي وهو صار مايتركني الا بأخر الليل ومن الصبح يكون عندي..بعذر ان اهلي بعيدين حوالي 100 كم..وبعد شهر زعلت الزوجه الاولى وللان مارجعت...وانتي استفيدي من هالشي انك لاتفرحين احد عليك لان الكل راح يراقب من بعيد وش صار لك اذا تخانقتي مع زوجك او زعلتي او غير لك...
وصلاة الليل لو تداومين عليها ماتزوج زوجك والله يوفقك.