الذكيات اللي لكل شي عندهم حل ينقذوني ضايعه:-(

[سترك يارباه]

السلام عليكم خواتي مالي بعد الله غيركم ارشدوني للحل
انا عندي بزر عمره سنتين وعله بمعنى الكلمه موذي شطانه مو طبيعيه متعذبه معه لاانام ولا اكل ولا اقعد ولا اسوي شي زي الناس وكل شي معه صعب البس احاول فيه ساعتين والسبوح واكل ماياكل الا بكيفه بس يخرب ومريض ادويه لو اموت ماياخذ اذا غصبته يطرش ووو.......
المهم الحين انا بالتاسع وبيجيني عله زيه
وشقتي جحر غرفتين وحمام وصاله ومطبخ متر في مترين
يعني وش الحل¿¿¿وابي اجيب شغاله وين انومها مع العلم ان غرفتي مقابله الغرفه2

[سترك يارباه]

انا محتاجه في نفس الوقت الراتب ماني قادره عليه800 ادور عن وحده تأجرها لي من 7الى ثاني يوم 11الضهر تجي بس وش الضمانات وكم توقعون بلقى؟؟؟؟

[روز بااريس]

طيب ماتقدرون تغيرون الشقه اذا وضعكم يسمح يمكن تتغير نفسيتك شوي ..

وبالنسبه للاطفال كلهم بهالعمر يكونون اشقياء كذا تحمليه

بس ليه حملتي بدري وولدك توه صغير


على الشغاله مااعرف حبيبتي الله يعينك ..

[Kiamed]

يا اختي احمد الله الله لا تشكي ولدك هكدا للناس نصيحة لله ودا شئ عادي اعرف جداً انه صعب جداً عليك بالإضافة انك حامل بس الشكوئ لله والحمدلله أولا وأخيرا علي نعمة الأولاد كله يومين ويصبح رجال

[ام لؤي05]

شوفي حبيبي بعد رد السلام
بالنسبه للشقه اذا ظروفك تسمح ضروري تغيريها خلاص انتي جايبه الثاني انا كان معي نفس شقتك اول ماولدت علطول نقلت صح اننا خسرنا شي ومبالغ ضخمه بس اللحين الحمدالله وساع وارتحت اربع غرف وصاله وحمامين ومطبخ ووساع يالله من فضلك والحين حامل لي 2 شهرين ومعي ولد فديته شادي
انا بنظري ماطيق شي اسمه شغاله لو بيتي ايش كبره وعيالي عشرين نفر ماجيبها مستحيل تدخل بيتي لو اموت عند اهلي بس عندي لا ماثق فيهم ولا احبهم ايا كانت جنسيتها وبيتك صغير يالله شايلك انتي وولدك وزوجك والحين جاي واحد هاذي مايبيلها 1ذكاء لازم تنقلي

[ام لؤي05]

ولا تقولين على اللي ببطنك عله حرام عليك ادعيله بالهدايه ولدك
واحمدي الله ع حملك غيرك بالسنين مولايقين حرام عليك راح تتحاسبين ع هالكلمه ترا الله يعاند ولايتعاند
احمدي الله وربي اولادك احسن التربيه اللي على الطاعه واياك تدعين عليهم اياك اياك اياك غير بالهدايه
واذا ماتبيبن اللي في بطنك اعطيني انا ابيه خخخخخخخخخخخخخخ
الله يسعدك ويوفقك