الاهتمام قبل الولاده بشهرين وفي النفاس!! أرجو المشاركة للفائده

[ملمس حرير]

السلام عليكم ورحمة الله وبركاته

لي فتره طويله وانا معجبه بهالموقع والسبب يرجع انه كل ما عملت بحث عن اي شيء يطلع لي هالموقع وفيه كل ما احتاجه فمن فتره قررت اسجل فيه رغم انه ما انضبط بالمنتديات لكن إن شاء الله بنضبط لان هالموقع كثير كثييييرررررررر عاجبني والله يخلي العضوات لانهم كثير متساعدات وانا احلى شي عندي اساعد واشارك كل معلوماتي خصوصا المفيد عسى نكسب أجر ونفيد بعضنا البعض

أنا في الشهر السابع من الحمل وإن شاء الله الله يسهل لي الحمل والولاده ويسهل على كل مسلمه يارب ويرزقنا جنين سليم ومعافى وبخلقه تامه ويطول اعمارنا واعمار أحبتنا على الخير والصلاح ويارب نربي الجيل القادم تربيه تنهض بها الأمه الاسلاميه قولوا آمين

هالفتره كتبت بعض ما احتاجه من أغراض للولاده والحمدلله بمساعدة أمي وأختي رتبت الأولويه لبعض الاشياء وياريت نتشارك بأفكار وخطط الاهتمام فالحمل وبعد الولاده وحابه أسألكم أي خلطه تنصحوني بها ؟؟ أنا أفكر بخلطة الكركم والفازلين وطبعا اذا ثبت على هالخلطه بحاول اضيف لها زيوت مثل اللوز المر والحلو وزيت الزيتون والخروع والى الآن مو مستقره الفكره معي لاني مو متأكده هل لها نتيجة حلوه أو لا فأرجوووووكم يا أخواتي كل وحده تكتب اذا جربت الخلطه هذي او اي خلطه وفادتها او لا وياليت بعد تكتبون كم الفتره المستغرقه في ظهور النتيجه أرجوووووووووكم كثير متحمسه لخطة الكركم والفزلين لانه الدكتور جابر القحطاني نصح بها بس احب اشوف التجارب والي عندها خبرات ماتقصر معي وإن شاء الله ما بقصر معكم .. اصابني احباط من بشرتي سمرت كثيييييير ووجهي شاحب وحتى لو عملت سنفره ما تفيد وحتى الكريم اساس يجي باهت كثير قالوا لي عادي يروح بعد الولاده وبعض الحريم يقولون اهتمي من الشهر الثامن علشان توضح النتيجه بعد الولاده بفتره وانا متحيررره ومهمووومه

سؤال أخير أفكر أعمل جدول للاهتمام في نفسي بعد الولاده إن شاء الله بس ما اعرف كيف ارتب الجدول وبعد وش اسوي علشان ارتب الجدول اي وحده منكم عملت جدول ياليت تفيدني ونفيد البقيه وربي يعطينا الثواب على مساعدة بعضنا .. وأي سؤال أنا حاضره

على فكره أنا عضوه جديده

[صاحبة السمو الرفيع]

وانا كمان زيك الله يسهل علينا يارب

[رزينة]

انا ناوية جلسات دلكة وجلسات حمام مغربي

بعد الولادة
وفترة نفاس بستخدم خلطة سدر ممتازة للجسم


سدر -حليب بودرة -ماء ورد-طحينة -ماء
تخليها
وتستخدميها ممكن معا الساونا

[ام نرجوسه]

اوﻵ اهلا بيك ونورتينا وتانيآ انا تمنيت اتني أفيدك بس والله أني غشيمة بهاﻷمور ما أعرف إلا أنالحامل المفروض تستمر على الفيتامينات لبعد الولادة وخاصة لو كانت بترضع وكمان المفروض أنها تعمل رياضة طوالي وتربط على بطنها من أول يوم ولادة علشانترجع لوضعها الطبيعي وكمان قبل الولادة او باﻷحرى من الشهر الخامس المفروض اننا ندهن البطن بي زيت بيبي او زيت زيتون حتى ما تتشقق البطن والله اعلم ربي يسهل علينا حملنا وولادتنا ويفرحنا بشوفة أطفالنا ساليميين من كل شر ويطول بي عمرهم في طاعته

[ملمس حرير]

أهلا حبيباتي
صاحبة السمو الرفيع ورزينه وأم نرجوسه شكرا على الردود وجزاكم الله خير ريحتوني بردودكم أهلا فيكم
ويارب البقيه يردوا ويفيدونا بتجاربهم .............

[المجتهدة...]

انا متضايقه من شغلتين
وزني
وسواد مناطق الحساسة
وقالوا كل شيء يرجع مثل اول بعد ماتمر شهور من الولادة
وخلطات منتديات كثيرة وناس تقول زينه وناس تذم
واحترت :(

[لكاعه]

وأنا بعد بكريه و سمرت مرره وأبي اتفتح شوي و زاد وزني كثير و شايله هم كيف أنحف !!!

[ناعسة العين]

حلوه الليفه المغربيه وصابون مغربي
وكمان حناء مع شويه سدر وكركم الجسم وزيت الزيتون وليمون تفركي فيه جسمك
بالصراحه هذا اول حمل لي وقلت باستخدم هالاشياء ان شاء الله
وطبعا بعد الولاده فيه مشد ع البطن والفخوذ حلوو مره يمدحونه تكوني لابسه علشان بطنك
وانا استخدم زيت جونسون حق الاطفال ادهن فيه بطني وفخذي ووركي


بالنسبه للي تتكلم عن الوزن دامك من اول مو دبه تطمني بترجعي طبيعي وعن السمار هذا من الحمل بيروح بعد الولاده لا تتعبي نفسيتك واستخدمي بعدين
خلطات طبيعيه


وعن نفسي ما قد سويت لي برنامج ولا اشتريت شي

[ملمس حرير]

أهلا فيكم .. أنا صراحه فتره طويله وأنا متحطمه ولا زلت متحطمه بس هالفتره احاول اتفاءل واقول ان شاء الله بعد الولاده اصير احسن وارجع صافيه
لكن اكثر شي شجعني اعمل هالموضوع انه اكثر من وحده تنصحني وتقول لي اهتمي بنفسك فالشهر الثامن قبل الولاده بشهرين لانه فتره الاربعين ابدا ماتقدرين تسوين شي بالكاد تشربين السوائل وبقية وقتك مع طفلك ومره وحده اعرفها قالت لي نفس الكلام وطبقته واهتمت بنفسها قبل شهرين واستخدمت اشياء طبيعيه وفعلا بعد الولاده ظهر عليها البياض والنظافه اسرع من الي تهتم فالاربعين
فأرجو من كل وحده مجربه خلطه طبيعيه وخصوصا اذا كان فيها كركم تكتبها لنا وبحاول بإذن الله ابدأ فيها قبل الولاده بشهرين والله يعيننا
نصيحه صدقوني افضل اننا نهتم من لحين علشان بعد الولاده بفتره قصيره تظهر النتيجه اسرع واساسا بعد الولاده نلبس المشد ولا نطيق نهتم بشي غير الاكل والشراب

[ملمس حرير]

وين الحوامل ؟؟؟
بس هذا هم الردود !!!

أرجوا من الكل المشاركه