أول شي السلام عليكم يا أحلى أخوات
أنا اليوم دخلت أحكيلكم مشكلتي ألي مـأرقتني ألي كم يوم مو نايمة
أنا الحمد لله متزوجة من 9 أشهر تقريبا و حامل بالشهر الثامن بتوأم بنات و لله الحمد
كنت كتييييير مدلعة ببيت أهلي و يوم كنت طالعة من بيتنا مسكتني أمي و قالتلي أني لازم أطيع زوجي و أتحمل مهما صار و أنو الدلع ما ينفع و من هالكلام يعني فـأخذت كلامها حلقة بوداني و طلبقتوا بالحرف الواحد و مع انو زوجي عصبي لدرجة لا توصف و يتمشكل عكل شي و يرفع صوتو كتير علي لأتفه الأسباب و أنا مو متعودة هالشي كنت ما برد بولا كلمة ولو شو ما قال بس بنزلهم دموع و حتى هالشي و ما سلمت منو بيطنشني و يقلي انتي بتبكي عأتفه الأسباب ما علينا بس أكبر غلط لي و بحكم أني بحبو كتير كنت كل ما أتزاعل أنا و هو و لو شو ما عمل أنا ألي براضيه و أبدا ما في مرة صبرت و خليتو هو يراضيني و كنت أتذلل ألو بحكم أنو زوجي و ما فيها أي شي أني أذل حالي ألو "للأسف لأني هبلة و ما عندي أي خلفية بها المواضيع" و بحكم أني عايشة معو ببيت أهلو و متفاهمين من أيام الخطوبة أنو أهلي و أهلو خط أحمر ما ينمس كنت كأي كنة بسمع كلام و أطنش و لا كأنو صار شي و عمري عمري ما وصلت لزوجي الأشياء الي بسمعها منهم بقول أول شي كلام نسوان و يعدي ثاني شي صادر من عند أمو و هي خط أحمر فطبعا أنا الخسرانة ثالث شي أشياء تتعدى ببكي هذاك اليوم من القهر و بعدين أنسى"للعلم أنا من النوع الي مو حقود بالمرة و صراحة هذا الشي بيقهرني مرات و هو سبب ذلي لأني لو شو ما عمل معي أي حدا بنام مقهورة بصحا الصبح و لاكأنو صار شي و بحاول مثل أني زعلانة و ما أعرف و هذا بعتبرو عيب فيني صراحة" المهم أسفة طولت عليكم بس لأني و الله ما في حدا ممكن أفضفضلو غيركم و ما في من يديني نصايح صريحة بدون مجاملة مثلكم
أنا من شي 3 ايام و حماتي و بناتها ما بيكلموني لسبب تااااااااافه و الله حتى بخجل أذكرو"زوجي عندو أختو عمرها 11 سنة و كان عندها قطة فقرفت منها قالت خلينا نرميها و يوم كانت طالعة بمزح معها و الله بالمزح بقلها ماكنت مفكرتك قاسية مثل هيك و هي ما قالت شي و بعد ما رمتهم لقيتها تبكي و أمها تسكتها فكرت مشان القط جيت أصبرها الا و الاقي حماتي طايرة فيني كلو منك انتي الي بكيتيها بكلامك؟؟؟؟؟؟" المهم طنشت و قلت زي كل مرة ما رح رد و راح اتعامل كأني مو سامعة بس اتفاجأت انو الكل مخاصمني بالبيت مشان هالشي فقلت هالمرة ماراح كلمهم الا اذا كلموني فكنت بروح أجلس معهم بس ما أحكي بس جالسة حتى قرفت ’اول مبارح المسا بحكم أني بشتغل 4 أيام بالاسبوع و3 جالسة بالبيت كان يوم راحتي فقمت الصبح عملت كل شغل البيت و ما خليت حماتي تلمس شي بقول المسكينة اليوم الي بشتغل فيه كل شي تقريبا عليها المهم المسا جا زوجي و كانت ريحة كريهة طالعة من المطبخ و الريحة كانت من الثلاجة كان بها مشكل و أنا خبرت حماتي الصبح عن المشكل بس لما دخلت سمعتها تقول انو ممكن لما غسلت الأرض اليوم ما وصلت المي لورا الثلاجة و طنشت كمان أجا زوجي قلي هلا بتعيدي تغسلي أرض المطبخ قلت ما علينا مع اني و الله كنت ميتة تعب من الحمل و من شغل الصبح و هالشي قمت عادي بعيد الشغل و بالنص بديت أستفرغ و أقسم بالله العظيم أنو حماتي مقابلتني و بنتها عمرها 24 سنة و كنتها الثانية الي هي بنت أختها بيشوفو فيني و أنا أسنتفرغ و لا وحدة تحركت المهم كملت شغلي بشق النفس و أخذت المصحف قريت سورة مريم و ما في فمي الا حسبي الله و نعم الوكيل و كانت أول مرة أدعي عأي أحد بس من قهري كملت و دخلت غرفتي و أنا أبكي و زوجي مطنشني و بعدين طلع من الغرفة و تركني لحالي لما جا وقت العشا ما تعشيت و طول الليل و أنا ساهرة بصلي و بدعي و ببكي لين أغمي علي ناديت زوجي الي كان بسابع نومة حطني بمكاني و رجع نام للصبح و من قلة النوم الصبح ما كنت قادرة أشيل رجلي فقلت لزوجي اذا ممكن خذني شوي بيت أهلي أرتاح الا هو طاير فيني ليش هو انتي شو عم تعملي لترتاحي و من هالكلام و ل بعدين قالي يلا دبي غراضك وصلك لبيت أهلك هنا الكلمة الوحيدة الي أنا قلتها أني حاسة حالي مثل عفش البيت و الا هو نزل فيني كف قمت أصارخ خايفة عبطني و دخلت أمو و هي مو عارفة شو حاصل و لقتها فرصىة قالتلو عارفة انو كلو مشاني و أنا مو سالمة من لسانكم و انا مثل الخدامة عندكم و انو مع كل الي انا عاملتو معها و ساكتة عني و أنو برد عليها الكلام و المسا رح روح أمك أشتكي عليك كلو قدام زوجي و أنا و الله من صدمة الكف و الكلام ما عرفت رد المهم وصلني زوجي لبيت أهلي و بقول رماني مو وصلني و لأني هبلة بيقلي دبي غراضك و لأني ما لي خلفية تركت كل شي الا حقيبىة أيدي أخذتها معي
المسا جات حماتي و بنتها تشتكيني لأمي بس الحمد لله ما تركتها تقول شي عني و انا ما عملتوا بس بالأخير تفاهمنا أنو بس يوصلهم زوجي للبيت و يرجع تحكي معو ماما كلمتين و أرجع معو.تخيلو من طلعو أقسم لا أجا زوجي يحكي مع أمي و ياخذني و لا تكلمو سألو عني و أنا حكيت لأمي أنو المسا تروح تجيبلي ملابسي من البيت لأني موووووووو راجعة
ملاحظة "كل هالشي بابا مو سامع بيه لــأنو و الله ما راح يخليني أرجع لهم لو سمع خاصة بالكف"
هل أنا غلطانة و هل راح أندم لو جبت ملابسي من البيت و أني ما راح أرجع الا لما يجي هو بأرادتو ياخذني لأني أعتبرتها اذلال لماما أنو ما جا لما طلبت تحكي معه لأنها دائما تحترمو و تكبر بيه لما يجي البيت و هو كان يحترمها"
شاورو علي لأني ماعندي بعد الله غيركم
اسفة طولت بس كلو من قهري
05-21-2013, 12:47 PM
قصتي و زوجي و أهلو"طوييييلة بس أبي مشورتكم"
مروة الجزائرية 
رد: قصتي و زوجي و أهلو"طوييييلة بس أبي مشورتكم"
ههههههه شكلك خايفة علي كأنك امي الله يخليلي ياكم و الله حسستوني بفرحة أنكم حاسين فيني و خففتو عني الله يخليلي ياكم
جديد منتدى منتدى الحياة الأسرية والزوجية
العرض العادي
