كيف اخلي زوجي يحرم يخوني ؟؟؟

[مياسه محمد]

السلام عليكم..
قبل اسبوع اكتشفت ان زوجي وحبيبي الي تحديت الدنيا كلها وتزوجته..يخوني!!!
كنت اشك لكن بدون دليل..وبالاخر تأكدت من اخته الله يجازيها خير انه عنده تلفون ثاني..ويكلم وحده وصار له معاها اكثر من سنه!!
اكثر من سنه واني مغفله..واحنه صارلنه سنه ونص متزوجين..وهسه ابني عمره سبعه اشهر..احبه ومتأكده انه يحبني ومومقصر ويايه بشي ..ولا اني مقصره معاه بأي شي..ما احسيت بتغير قوي..حتى الجماع زاد ما نقص..
واجهته..نكر..لكن بكى وتوسل وقال لي الي تريديه يصير حتى لو اني مو غلطان..بس اني احبج وما
استغني عنك..ضليت ثلاثه ايام وانا ابكي بأستمرار وبحركه لان مو مصدكه..احنه تزوجنه عن حب..ليش وشنو المقابل..خيانه..
اريد اعرف واريدكم تنصحوني..كيف اخليه يحرم يكررها..مع العلم ان الاوضاع رجعت طبيعيه لاني حسيت اني عاقبته وهو اعتذر..وللعلم تلفونه الثاني ..يتصل فيه لما اخرج من البيت..ويخبيه في محل شغله..الي هو قريب عن البيت..يعني يتصل بيها لما يكون بالشغل ..ولما اكون خارج البيت في بيت اهلي مثلا..انا تأكدت من اخته ان الموضوع انتهى لان اهله وقفو ضده..لكني خايفه ليرجع يكررها ..ساعتها راح نخسر كل شي..انصحوني خواتي لاني ماعندي غيركم ..اهلي ما عدهم علم بالموضوع..كيف اشغله وما اخليه يشوف غيري؟؟
اسفه ع الاطاله ودوختكم..بس مخنوكه ومتضايقه ومالي غيركم..