هل اعتذر و أنا لم أخطئ.. !!

[Om Rateel]

السلام عليكم ورحمة الله وبركاته ..

اليوم حابة أتناقش معاكم في مشكلة مرة ما أعرف ايش النهاية معاها ..
والله أنا مرة تعبت من زوجي وتصرفاته اللي مافيها أي نضج ..
أمس وربي جلست أبكي لاني خلاص محتارة أنا صح ولا خطأ . . !!

حقولكم الهرجة ..

أنا دحين في فترة النفاس ..
وزعل مني زوجي على هرجة سخييييييييييييييييفة ...
ليش اني ما رديت ع الجوال وكنت مشغولة مع بنتي ومع الضيوف اللي عندنا ..
وما قدرت ارجع اتكلم معاه الا اخر الليل ..
وتعالوا شوفوا سيل الشتائم .. وبالاخر كمان زعلان ..
تخيلوا اسبوعين ما زارني ولا كلمني ولاشاف بنته ولا سأل فيها ..
طبعا الهرجة عرفت فيها أمي و أمه ..
أمي مرة حقدت عليه ومهي طايقته ..
وامه بتحاول تصلح بيننا بأي طريقة .. واخر شي قالتلي يا بنتي اعتذري منه ومشي حالك ..

رسلتله فعلا وقلتله انا اسفة .. ( على ايش ما أدري )
بس انه خلاص يسكت ويقفل الموضوع ..
ماما مرة ما عجبها طريقة تعاملي كده وتقولي ليش الذل وانتي ما سويتي شي. .

طيب بالله قولولي ايش بيدي أسوي ؟؟
اكبر الموضوع يوصل لبابا واخواني ..؟؟
ولا أسكت وامشي الموضوع مدام زوجي عقليته متخلفة وهادا هو اللي حيرضيه
اني أعتذر المهم ..
ومو مهم السبب ولا مهم اي شي تاني ..


خلاصة الموضوع ..
هل صح تصرفي بأني اعتذر وخلاص مدام هادا اللي حيرضيه
ولا أعاند معاه وما اعتذر اذا أني فعلا ما اخطأت بحقه ..؟؟


اتمنى تشوروا عليا بآرائكم ..
تحياتي ..

[يآ أرحم الرآحمين]

حبيبتي هو صحيح مكبر الموضوع و أعطاه أكثر مما يستحق بكثييير
بس يمكن هو فكر انك ما اهتميتي فيه
اقولك شغلة عن الرجل لما بتولد زوجته بيحس ان كل إهتماماته منكبة باتجاه طفلها
وفعلا المرأة لما تولد بتنسى زوجها و بتهملو لفترة
يمكن هو انفجر على أهون سبب
لذلك اقترح عليك تراضيه بكلام حلو و تقتربي منو و تقوليلو انت حياتي كلها بس ما سمعت التلفون و ما اقدر انشغل عنك و شيء من هذا القبيل لأنه سبب تافه صراحة و ما يستحق انكم تتزاعلو عشانو

[Om Rateel]

و انسى كل الشتايم اللي قاللي هيا ..
وتطنيش اسبوعين بدون ما يسأل عني وعن بنته ..
واعتذر بعد كل اللي سواه ..!!!

رأيك كده ،،، !!!

[سهام فرنسا]

أكيد حبيتي أنا رأيي مع الأخت أنت أعتذري و كلام حلو ودلع و الله العظيم عن تجربة راح يذوب معاكي
قوليلو أنا أشتقتلك و حابة أشوفك لحتى مايحس أن بنتك أخذت كل قلبك هو متعود يعمل هكذا أولا ؟
إذا لأ فأكيد حبيبتي هو عم يشوف إذا خلص راح مكانو بقلبك ولا لأ
لا تكبري الموضوع و أوعك يوصل لأخواتك أنا بالبنسة لي حتى أمك وأمو ماكان لازم يعرفو يالمشكلة
الله يسخرلك زوجك يارب و نصيحة الموضوع مايستاهل راضي زوجك أحسنلك

[Om Rateel]

لا والله مو اول مرة ..
هو في كل مشكله بيننا
يبغاني انا اللي اعتذر سواء اخطأت ولا لأ ..
نفسي اغيره بس كيف مني عارفة .. ًً:(*

[عروستة]

حبيبتي سلامات تعتذري ؟
صراحه قهر تاركك اسبوعين و لا سأل عنك و لا ع الاقل سأل عن ضناه ؟

المهم ماله داعي تعتذري و تقولي اسفه او سامحني او من كلام الاعتذار


لكن جيبي راسه بطريقه ثانيه يعني اتصلي و كلميه عادي و حسسيه انك تبغيه و كذا بس بدون ماتعتذري


و حاولي تكسري خاطره ببنته و انت ادرا زوجك شوفي كيف تجيبي راسه من غير متعتذري منه


و بكذا تكوني حليتي السالفه ع الاقل صحيح ماعتذر لك


بس المهم انك مو كل مره بتجلسي تعتذري له


و ممكن لمن يجي تبوسيه و تضميه هذه احلا اعتذار

[Om Rateel]

اول شي شكراً لكم جميعا على ردودكم
مرة مبسوطة انه في احد بيساعدني ..

عروسة ..
ياقلبي هو لا بيرد ع اتصالاتي ولا بيكلمني
كيف ابغااا اتكلم ولا اسوي معاه اي شي ..!
اصلا تخيلواااا ..
رسلتله و برضووو ما عبرني ولا رد عليا...

مرة مقهوووورة منه والله ..
بداأت اتعود ع غيابه وعدم وجوده
وانا ما كنت حابة كده .،

بس حسبي الله ونعم الوكيل .. :(

[rawa]

حبيبتي فترة النفاس للرجل خاصتا للي اتعود على زوجتة كثير وما يقدر يستغنى عنها
فتره بنزين يستنى شراره
ما راح يعترف ويندم الا لما يحس بوجودك مررة تانيه صدقيني راح يعترف بغلطة زي الطفل ويقولك ان كل ما في الموضوع كنت محتاجك مررره
من تجربة مرتين اقولك هذا الكلام
ما كان المفروض احد يعرف
لان كون امه كلمتة راح يعند بزيادة
ولما ترجعي بيتك اختاري الوقت المناسب وصارحية ان كلامة وسبه شي ما توقعتيه منه
بعدين اكثر الاصحاب وقت النفاس يلعبو بحسبة الرجال
لا تطولي عليه اكثر من كذا
استغفري 1000 مره وأرفعي التلفون وكلميه بشوق مكتوم
يعني لا تعطيه الشي اللي يبيه
عشان يجيكي يزحف....

[شوق وحنين]

أحسن حل في وضعج الحالي ان تعتذرين له وتمشين اللعب على قولتج، بس المرات الياية الي تكونين مشغولة أو في عرس أو عزيمة هيئيه قبل ما تروحين، قولي له حبيبي عاد أنا باكون واايد مشغولة ويا الضيوف وويا البنت والمكان إزعاااج وما باكون شايلة التلفون في يدي طول الوقت.

هو لأن مو متخيل وضع حفلات النسوان

[أمنيه]

والله هو المفروض اقولج اعتذري بس انا من الاول معودة زوجي انه اذا صار زعل اهو يصالحني حتى لو الغلط عليي عشان بالاخر ما تنقلب على راسي بس في بعض الاحيان اصالحة اذا حسيت الموضوع بيكبر اكثر من اللازم

فلا تصيرين نفس اختي عودة زوجها انها تراضي وتصالحه والاستاذ تعود صار حتى اذا الغلط منه ما يصالحا ينطرها اهي تجي تصالحه !!
اذا الغلط عليه اهو المفروض يعتذر! خلي يحس بقيمة زعلج وخاصه ان الموضوع اللي صار مو مستدعي الزعل لانه شي غصبا عنج ما طنشتيه بكيفج