ذكرى زواجي

[ام كيونه]

السلام عليكم بنات ممكن احد يساعدني باافكار لذكرى زواجي بس لاتقولون بالونات لأن كل حفلاتي بالونات هههههههههههههههههه طفشت ابي شي جديد وغريب ابي ليله ماتنسي ان شاء الله

[أمنيه]

تقدرين تحجزين بفندق عشا وليله عندهم تكسرين الروتين وطبعا بدون علمه يعني تودين اغراضكم وتجهزين غرفة الفندق اتزينينها ورد وشموع وبلالين وتكوني مجهزه لبس السهره ولبس لزوجك وبعد العشى تفاجإينه انك حاجزه ليله

واذا الوضع مايسمح برا البيت تقدرين اتجديدين من فرش الغرفه وفي ينباع اضواء على شكل قلوب تضوي وتطفي بروحها او الكره اللي اطلع ألوان وتلف حول نفسها وتنثرين الورد عالسرير وتحطين كم شمعه بالزوايا بس انتبهي انه مع الحركه لا تطيح يعني حطيهم بمكان آمن
وتقدرين ترسمين قلب عالسرير من الورد وتحطين بالنص الهديه مالتج

وولعي شموع الصغيره اللي تنطفي بعد نص ساعه من اشتعالها تنباع رخيصه ،، ورسمي فيها طريج من باب البيت لباب الغرفه اذا كنتي في شقه.. واذا كان بيتك وسيع تقدرين تحطينها من اول الممر اللي يودي لغرفتج لباب الغرفه
وشغلي موسيقى هاديه
ونطري بالغرفه واهو يدش من الباب مايلاقي الا طريج الشموع ويدش الغرفه يتفاجأ

وان شاءالله البنات يعطونج افكار أحلى

[الحياه حلوة#]

في افكار كثيره تقدرين تضبطين عشا مرتب وتنظفين الببت مزبوط واذا في اطفال اما ينامون او يترحلون لامك
اذا في بانيو تعبينه مويا دافيه ورغوة بانيو تكون لها ريحه توت والا فانيلا شي حلو تشغلين بالبيت فواحات وكل مكان له ريحه مختلفه
بعد العشا تجهزين غرفه فيها زيت مساج يكون له ريحه نفاذه تمسجينه وتربينه تكون تحته شرشف وضوء خافت وبعدها عالبانيو انتي وياه وحركات الي خبرتك ومن البانيو للسرير علا طول مفرش ياحبذا يكون اول مرا يشوفه واضاءه خفيفه عطر يجنن وبخور وتكون ليله ماتنسي وادعيلي هاااا