الظهر يمين يعني ولادة صعبه

[همسة وهم]

بسم الله الرحمن الرحيم

كيفكم صبايا وكل عام وانتم بخير وصحة وسلامة

حبيت أسألكم من مثلي وولدتي ولاده سهله بإذن الله

رحت البارح لدكتوره وقالت اني دخلت التاسع لي اسبوع يعني 37

وسوت لي سونار وقالت ظهر الجنين على اليمين ولادتك راح تكون صعبه شوي

وراح تأخذين وقت طويل في الولادة يعني على ماينزل الراس ويطلع

صراحه خوفتني وانا بكريه تكفون طمنوني وريحوني الله يسعدكم من صار لها مثلي

وكيف كانت ولادتها ....

ايه بعد قالت لي وزن البيبي صغير وسألتها كم قالت 3 كيلو احس ثلاثه كيلو كويس

الدكتورع اللي قبلها تقول انتي ماتتحملي يكون وزن البيبي حقك كبير لاني صغنطوطه

ونحيفه :(

[رونق الصبآ]

حبيبتي ماعندي علم والله ..

بس اتوقع 3 كيلو ما شاء الله كويس .. خصوصا مثل ماقلتي انك نحيفة وصغنطوطة

الله يكتب لك ولي وللجميع اللي فيه الخير يارب

[ملكتني بهمسك]

وعليكم السلام وانتي بخير يارب

وزن الجنين كويس مررره اما عن ان الجنين في اليمين اول مره اسمع الي اعرفه يكون مرتفع عن البكريات ماعليك من كلامها استودعي جنينك الله وكثري مشي وسجود واجلسي جلسه القرفصاء واباذن الله بينزل الجنين تحت وتتسهل ولادتك وعموما البكريه تطول في الولاده



والله يهون ويسهلك عليك ويرزقك ساعه طيبه ولاتخافي كلها تساهيل من الله

[عروستة]

حبيبتي واضح انه دكتورتك تفلسف كثير و تبغي تسوي فيها ابو العريف

وش هالكلام الي مايدخل المخ ظهر ع اليمين

حبيبتي خليها ع ربك و اتكلي عليه و ادعي و اقري قران و قري سورة مريم كل يوم يوميا سوي حاحات قرائنيه تسهل الولاده و الله راح يسهل عليك ان شالله

بعدين حبيبتي البيبي ٣ كيلو ماشالله لا قوة بالله تمام
و ان شالله راح تولدي بسهالات

وحطي ببالك الله ماسن شي الا وله حكمته يعني الله سن ٩ اشهر حمل مو لعبه كل يوم الجنين فيه بتغذا و يكبر و تطور اضائه

و خلق جسم الحرمه عشان تتحمل الجنين و تتحمل وزنه و تولده فأنت وكليها لربك

و اذا خايفه مره غيري دكتورتك نرا بعض الدكاتره والله بس حركات بايخه تخوف المراجعات و تكدر الخاطر


شوفي ماشالله اول جداتنا تحمل و تولد ماتراجع ابد و ماشالله كل شي سهالات مو الحين ع اقل شي اللهم يا كافي حطو بلاوي الدنيا

[ورودي البيضاء]

مادام قالت 3 كيلو قليل شكلها حقت هرج وهذرة وماعندها سالفة

اذا انتي قلقانة كدا روحي اي دكتورة تانية .. لو حتى مستوصف واطلبي سونار و شوفي راي دكتورة تانية

وان شاءالله حتسمعي اللي يريحك

[المهــــــره]

هلا حبيبتي لاتخافي وكلي امرك لله انا لما كنت بالثامن قالوا لي ولاده مبكره عندك بسب نزول دم وخوفوني وصرت ابكي مع انه حملي الثاني واعطوني ابره الرئه وسقايات وارتعبت كثير كنت ادعي واقرا سوره يس ومريم كثير بس وفاليوم الثاني رخصوني ...ولما دشيت التاسع قالولي عندك نقص دم من لما كنتي ف الشهر السابع واتخيلن ماعندي خبر وقلتلها كيف عندي نقص من السابع وانا اتابعكم واتنومت مرتين ولاحد خبرني ولاه الطامه الكبرى تقولي يمكن يسبب لك نزيف ويضعف نبض البيبي ونسوي عمليه او يمكن يسبب وفاتك او وفاه البيبي الله يجيرنا ويجيركم توكلت ع الله خوفوني ع الفاضي والله رزقني بنوته بولاده ولله الحمد سهله وبدون مضاعفات والله العظيم ياختي مااكذب عليك هذا اللي صار لي وكانت ولادتي سهالات من رب العالمين وللحين لما اتذكر ولادتي اشكر رب العالمين

[المهــــــره]

و على فكره بنتي ماشاء الله وزنها 3كيلو

[حلوه بعينه]

بعض الدكاتره حسبي الله عليهم تخوف الحامل

وتسوي نفسها تدري عن كل شي

وانتي ياقلبي لا تاخذين بكلامهم

انا تتابعني دكتورتين وحده اخصائيه والثانيه استشاريه

سبحان الله الاخصائيه تبالغ والاستشاريه مسهله علي الموضوع مره

ويارب اقابلها يوم الولاده


ما عليك من احد وكلي امرك لربك سبحانه واحسني الظن به

[همسة وهم]

الله يسعد قلوبكم ويفرحكم بما يسركم يارب العالمين
مشكورين وماقصرتوا جزاكم الله خير طمنتوني
لكم مني دعوات بظهر الغيب ....