الله يوفقكم ويسهل عليكم ردوا علي بخصوص الطلق الصناعي

[نبض وعشق]

السسلام عليكم والرحمه

انا بكريه وكملت التاسع تاريخ 6رمضان ع كﻻم الدكتور
تجيني الام وتروح بس الرحم مافتح الا 1سم
يعني الامي مب منتظمه وتبخرت والالم راح قلت يمكن الل وياي هوا
وحسيت نفسي خفيفه مفيه شد وثقل نفس قبل
والدكتور عطاني يوم الثلاثاء موعد وﻻدتي اذا ماجاني طلق بيركبون لي صناعي
وانا خايفه موت ﻻن كثير يحذروني منه تكفون الل جربته تنصحني
وبنفس الوقت خايفه يركبونه وﻻ يفتح ﻻن احياتا تجيني اﻻم قويه بس مب جاي يفتح اكثر من 1

[ملكتني بهمسك]

وعليكم السلام ورحمه الله وبركاته

ليش يحذروك منه ؟ لو الطلق الصناعي خطير كان ماحطوه في المستشفيات !!!

وهل الي حذرك منه دكتوره عنده شهاده !!!

والله ان بعض الحريم يحذرون من اشياء من غير علم ولا شهاده بس سمعو شي ويتناقلونه وياليتهم يخافون الله في كل كلمه يقولونها لانهم ينقلو كلام بجهل وممكن نصيحتهم تضر اكثر ماتنفع

شوفي يالغالي انا جربته مره وحريم كثير مجربينه قبلك هوا نفس الالم الطلق الطبيعي الفرق الي بينهم

الطلق الطبيعي يطول وكل ساعه الرحم ينفتح 1 سم

الطلق الصناعي قوي شويه عن الطلق الطبيعي لانه بسرعه يفتح الرحم يعني 4 ساعات او 6 ساعات او ممكن اقل من 4 وجنينك في حظنك يعني ممكن الطبيعي تجلسي فتره طويله اما الصناعي بسرعه يفتح الرحم وبسرعه تولدي وترتاحي

فلا تخافي منه بعكس لو موكويس مابتحطه لك الدكتوره وهيا اعلم بحالتك وقبل تحطه لك بتكشف عليك اذا الحوض يتحمل ولاده طبيعيه بتحطها لك واذا وزن الجنين كبير او حوضك مايحمل الولاده الطبيعيه بتحولك عمليه قيصريه
واتوقع انها كشفت عليك من تحت وقاست حجم الجنين وعرفت وضعك يعني مستحيل تحطلك شي يضرك

الاسباب الي ماتخلي الرحم ينفتح هيا اذا الحوض صغير مايتحمل الولاده الطبيعيه او كان طلقك بارد او الجنين مانزل للحوض

ان شاءالله اكون قدرت اوضحلك الصوره والله يهون ويسهل عليك ويرزقك بساعه ميسره

[يارا محمد1]

انا جربته في حملي الاول صحيح الالم متتابع لكن مافيه اي خطورة توكلي على ربي ..الله يسهل علينا الولاده بحق الشهر الفضيل ..

[نبض وعشق]

مشكورين ماقصرتوا حبايبي
انا اللي افكر فيه كثير يقولون يطول والمه حيل مب طبيعي
بس يارب تتسهل علي بتكل ع ربي ويارب تفرج علي وعلى كل حامل

[نونتي انتظرك]

وعليكم السلام ورحمة الله وبركاته
اسأل الله ان يسهل لكِ ويتمم لكِ على خير
عندك إلا يوم الثلاثاء
امشي كل يوم بعد التراويح
انتي وزوجك نص ساعه
وإذا تقدري سااااااااااااعه
وإذا رجعتو يضير جماع لين تولدي
وراح تروحي وتقولك مفتوح 3 سانتي
ولا تخافي من الصناعي
ولا تسمعي من البنات
كل وحده لها احتماليه
انا ولدت قبل يومين
وكان 2 ونص
http://forum.hwaml.com/t265259.html#post3301362
وحطولي صناعي
محتمل بإذن الله والدعاء والإستغفار والصلاة
طمنينا عليك

[جونة]

عزيزتي البنات ماقصرو
انااسمع زيك انو الطلق الصناعي مومرغوب فيلو لدرجة اني افضل القيصري على الطلق الصناعي بس المجربات اكيد اكتر ناس يعرفو ..
اهم شي الدكتورة تتاكد من حوضك من الان قبل ماتعطيكي طلق ..
لانو كثيرين وقت الولاده يكتشفو انو حوضهم ضيق ويحولوهم قيصري مع انو كان بامكانهم يكتشفو من البدايه قبل مايتعبوها بالطلق ..
ادعي خلال دي اليومين يجيكي طلق طبيعي وتولدي ان شاءالله ..
بالسلامه حبيبتي

[بنِت النوُر]

الله يسهل عليك ياررررررب وتولدي بالسلامه وتكون ولاده سهله ميسرررره. وتقومي بالسلامه انتي وجنينك يارب