بنات المدينه دكتوره نجوى في الدار .. اللي تعرفها تدخل

[تالين الحربي]

السلام عليكم ورحمة الله ..

كيفكم ..

انا ولدت مرتين عند دكتوره نجوى في الدار والحمدلله في الولادتين عجبتني ..

ودحين افكر ان شاء الله اولد عندها بس فيه ناس خوفوني انو سارت حالات وفاة عندها وطلع كلام عن المستشفى

ومرا اترددت وخوفت .. مع اني ارتاح للدكتوره والخياطه تجميليه عندها ودحين تساوي ليزر ..

مين ولدت عندها قريب وكيف كانت ولادتها

في النهايه راح استخير ان شاء الله بس ما أعرف دكتوره شاطره زيها وتجي اي وقت مو شرط تكون مناوبه


في انتظاركم ...

[تالين الحربي]

ولا وحده تعرف ...؟؟؟!

[ام فيصل وجود]

والله مااعرف ولاجربتها
بس في وحده مدحتها لي .. ومن ناحية الوفاة هذا أمر الله مؤ بيد الدكتوره

وكلي أمرك لله وكملي ولادتك عندها ..

[تالين الحربي]

مشكوووووره ...

[ديالا2]

انا والده ليا عشر ايام عند الدكتوره امل بالمطبقاني عسى يدها ماتمس النار الانسانه هاذي رائعه بكلل معنى الكلمه انا كانت ولادتي جدا عسيرا. جددا بس كانت حنونه مرا وربي يسرها ليا من عنده ثم شطارة الدكتوره انصحك فيها تخاف الله وهادا الي حبيته فيها

[تالين الحربي]

مشكوره حبيبتي ...

والف مبروك المولود

[SaraKh]

امم واللهي في كتير ما يحبوها بسبب اسلوبها بس ازا هيا كويسه معاكي فولاداتك كلها و مبسوطه اتوكلي وروحيلها :)

[تالين الحربي]

انا ما أراجع عندها اروحلها بس وقت الولاده واشوفها تتحمل الوحده وكلامها عسل والله..

بس خوفت شويا من الكلام اللي سمعتوا عن المستشفى .. لأن اخر ولاده كانت من ٧ سنوات وما ادري عنها اتغيرت او لا ...

مشكوره قلبي ... ماقصرتي

[Orchid109]

والله علمي علمك
حبيبتي ان شاء الله صبايا المدينة يفيدوكي

موفقة

[سلوره السنوره]

شفي انا اعرفها تابعت عندها مرتين ما عجبتني احسها ما تفهم شي اي كلام زحمه عندها مؤه ولا عندها احترام لمرضها تقعد تخليهم يستنوها بالساعات و هيه لسه في بيتها ..انا ولدت من 5شهور عند د.حسين محمد عبد الرحيم برضه في الدار ما شاء اله ما يقصر في الادويه المسكنه و كان موجود طول الوقت ماراح البيت الفحص النسائي كان يخلي الدكتوره المناوبه تسويه او القابله و جا ولدني و خياطته جدا حلوه و ما المني مكان الخياطه يومين ومشيت عادي لما سالته قال انا اسوي الشق في النص زي البرطانين عشان تلم اسرع و ما تألم .