للي حابه تتناقش...

[ياويل حاااالي]

صباحكم ورد















بتكلم عن قناه الـmbc

تجاوزت حدودها كثير كثير في هالشهر


بدايه بطاش ماطاش وهذا اعتبره اكبر تجاوز عملوه الحلقه الثانيه اعتقد
اللي تكلمت عن الدين المسيحي ومدح في المسيحيين ودينهم وبالمقابل
انتقاد للمسلميين وتعاملهم!!
ومشالله الخال المسيحي المثقف اللي حاافظ القران (( بس مايبغى يسلم))
وقاعد يعلمهم احادث رسولنا الكريم(( مشالله مسيحي وحافظ
القران والسنه !!اجل ليش مااسلم ؟؟ مااعجبه الدين مثلا!! ))
وبالمقابل يقول القصبي ((يالله مايدروسنا بالمدارس الا احاديث
اللي بما معناها تحذر من الكفار وكذا ,,, يعني كنو يقول مايدروسنا
احاديث تنفعنا,,, ياخي استح على وجهك احاديث الرسول فيها
شي ينفع وشي لاء!!!!!!او فيها شي مفروض يدرّس وشي لاء؟؟؟؟؟


شلون كذا شلون تقارنونا احنا المسلميين بالمسيحيين؟؟ لا وتخليهم
احد منا بالتعامل ؟ تقول انو الاديان مكمله لبعضها ؟شلون مكلمه
لبعضها واللي مايشهد بالله ومحمد رسوله فهــو كااافر فاكيف
تقول احنا مثلهم!!! لا وجاب لك زواج المسيحيين
بالكنسيه بادق تفاصيله وصييغه العقد كمان وموسيقى الكنيسه وووو ؟؟
يالله صراحه ,, شلون يعني يبونا نصير مسيحيين والا ايش بالضبط؟
وش هالهدف من انهم يجيون زواج بالكنيسه؟؟ وش زاد للحقه ايش
اضاف للمشاهد؟؟

والله ياجماعه اخوي الصغير يقول للي هذا المسجد حقهم شكله غريب؟؟
وبعدين ليش يتزوجون في المسجد؟؟؟

مو حرام مو حرام تدخلون طفل بدواره اساله قد تاثر على افكاره؟
يعني قاعديين تقدمون مسلسل يعرض بالوقت الذهبي ويشوفه الصغير
والكبير المثقف وغير المثقف البنت والولد ,, ياخي راعو هالشي
احترموا المجتمع اللي قاعديين تسوون هالشي علشانهم




يالسدحان انت والقصبي وش المغزى من حلقتكم؟؟
ايش الموضوع الخطير والمهم اللي عالجتوه؟؟ يعني مثلا
بتغيرون فكره مجتمع كامل عن ناس كفار يؤمنون بان المسيح ابن الله؟؟
بتعلمونا انهم هم احسن منا؟؟



لا يااخي الواقع غير كذا لا همّ زي ماصورّتوهم ولا
احنا زي ماصورّتونا,, والكل شايف وعاااااارف انو المسلميين
دايم مغضوب عليهم وعليهم تشديد اكثر من غيرهم




يعني ليه كل هذا ليه؟؟ وش الفايده اللي طلعنا بها من الحلقه؟
ايش القضيه المره مهمه اللي عالجوها؟؟
ولا شي


وللاسف محسوبه علينا قناه سعوديه






ثانيا برنامج حليمه
البرنامج اللي اسمحوا لي اقول عليه سخيف لانك ماتطلع منه بمعلومه
واحده مفيده,, برنامج لعرض ازياء ومفاتن حليمه وبس !!
هذي كل فكره البرنامج
حليمه تجاوزت الحد بلبسها ودلعها اللي تحول الا سماجه مالها اي معنى
شوفوا الفرق بينها الحين ويوم كانت مذيعه بقناه الكويت؟؟
تطلع بشكل حلو وبلبس يتقبله المشاهد مو زي الحين تقدم برنامج
سخيفه بمسابقات سخيفه ماتطلع منها بفايده وحده




وللاسف محسوبه عليها قناه سعوديه!!







وعاد مسلسل القعقاع بن عمروا انا امانهَ ماشفته لكن قرات
عنه و قالوا انه فيه تجوزات ومغالطات كثيره بالنسبه للصحابه
والاحداث نفسها فيها تدليس واغلاط كثير






وللاسف محسوبه علينا قناه سعوديه!!


مااقدر اتكلم اكثر عن المسلسل لاني بصارحه ماشفته







وهذيك السنه لما وقفوا عرض مسلسل للخطايا ثمن اللي جاء فيه
شغلات او خل اقول تجاوزات بالنسبه لاخوننا الشيعه ,,

وطبعا مايهون مسلسل اسوار اللي بدّع بقوّه بتشويه
المجتمع السعودي ارجع اقول




للاسف محسوبه علينا قناه سعوديه!!







وين الناس وين الرقابه على هالقناه اللي كل سنه عن سنه تزيد
وتتمادى بالغلط وينهم عن هالقناه اللي فشلتنا قدام الناس