شاركونا ياحوامل ميزانية تجهيزات الولاده

[وردة الغالي]

السلام عليكم
انا بكريه اول ولاده وجديده في هذا الصرح الرائع
حبيت نتشارك في موضوع تجهيزات الولاده كل وحده تكتلبلنا كم حاطه ميزانيه وايش تشمل والاشياء الضروريه ياليت نستفيد من بعض
وانا بالنسبه لي لسى مأخذت شي وحابه يفيدوني ذوات الخبره كم يكفيني ميزانيه لمستلزمات البيبي ومستلزمات النفاس
ودمتم بود

[الحياه حلوة#]

والله يبيلك ميزانيه انا دصراحه ماقد ولدت
باذن الله البنات بيساعدونك

[وردة الغالي]

افا ياكروشات مافي ردود

[رونق الصبآ]

والله حبيبتي ماني فاكرة بالضبط كم كانت الميزانية ..
لكن اتوقع بحدود الالف وخمسمية الى الالفين

[وردة الغالي]

المشاركة الأصلية كتبت بواسطة رونق الصبآ

والله حبيبتي ماني فاكرة بالضبط كم كانت الميزانية ..
لكن اتوقع بحدود الالف وخمسمية الى الالفين

حبيبتي وش كان شامل هالمبلغ؟

[نسائم الفجر]

حبيبتي يعتمد على المحل اللي بتشتري منه
مثلاً لو تجهزي من سنتر بوينت يكلفك 2000 ريال أو أكثر
لو محلات عادية يمكن أقل من. النصف
بإختصار إذا تبغي أغراض حلوة ومميزة
يبغالك ميزانية جامدة
وربي يسهل عليك

[سوزان الرياض]

هلا وسهلا فيك
يعتمد على المحل اللي ناويه عليه سنتر بوينت يجنن واتوقع راح يكلفك حول ٢٠٠٠
وخذي مفرش استقبال ماركه حلوه
والله يوفقك

[fo0fo0]

ملابس البيبي في الأربعين ما افضل تأخذين غالي
خلي الغالي لحد ما يكبر شوي
يعني أخذي له القطعه اللي تجئ مثل القميص مع البربتوز واللفه تجئ طقم وما تكلف إلا ٤٠ ريال
أخذي كذا وحده. ،،
مع كم لبس حلوو وخلاص
وانتي أخذي لك ملابس رضاعه كشخه كم واحد ع حسب أن كان ضيوفكم كثير ولا شوي
وملابس فضفاضة للبيت
ومفرش حلو
او أخذي الطقم سرير الطفل مع مفرش الأم ولبس رضاعه وهيك. ،،،،
ونصيييييحه لاتكثرين ملابس البيبي
الطلع تي من الأربعين ابدي اشتري له وكشخيه ع رااااحتك
لانه بالأربعين اغلب وقته نائم وبسريره
ورضاعات ومنظفات البيبي وبسسس

[وردة الغالي]

يعطيكم الف عافيه على الردود وبإنتظار مزيد من الاراء مع تكلفة الميزانيه كامله

[وردة الغالي]