مساء الخير و العافية على جميع العضوات و على المنتدى الرائع ,,
حبيباتي ,, عندي مشكلة مع زوجي و اتخاذ قرار من جهتي ,, و اتمنى ان تعطوني رايكم و وجهة نظركم بمشكلتي مع زوجي الي متخلص سبق و تحدثت بمشاكلي مع زوجي ,
انا اشعر باختناق كبير و باحباط و بكابة شديدة بحيث ما عندي واهس اطلع من البيت و اغير جو حابسة نفسي بالغرفة و الطبخ و تنظيف البيت ,,
ما اعرف كيف ابدي ,, زوجي هاملني قبل ان يجون اهله للعيش في البلد الي نعيش بيه
كانت مشكلتي مع زوجي هي ادمانه على لعب القمار و كانت عنده صديقه اجنبية بنت البلد الي ساكنين بيه يعرفها من ايام الدراسة الجامعية من اجى يدرس هنا في هذا البلد , كانت مشاكلي وياه بسبب هذه المسئلتين , و بعد ما اهله انتقلوا للعيش هنا في البلد الي نعيش بيه زادت المشاكل من يوم الي اجوي هنا الى الان صار سنة ونص بالظبط و زوجي مدخلني في دوامة مشاكلهم و التفكير بحياتهم وطريقة عيشتهم و النصحائح الي يقدمها الهم و المساعدات الي يقدمها الهم سواء من جهته و من جهتي ولم اقصر باي مساعدة او خدمة تجاههم حتى كان هو متخاصم مع اخته الكبيرة وانا سعيت بالصلح بينهم و رجعت المياة الى مجاريها ,, بس اهله ميستاهلون اي طيبة و خير و مساعدة مني لانهم ناكرين للمعروف خاصة اخته الوسطانية و خواته كبار بالعمر عجايز , بس كل الخباثة و التحقير عدهم ,, المهم اني اطنش الهم و ما اهتم اغلب الاحيان بس وصلت مرحلة طفشت و زهكت و مليت لان حياتنه صارت عبارة عن حديث الساعة عن خواته كل الوقت زوجي يتكلم بمواضيعهم و شنو الي راح يسويه الهم و شراح يشتري الهم و اني ممانعته من هذا الشي بس كل شي يزيد عن حده يصير ضده يعني لعبت نفسي نسينه نفسنه و حايرين نفكر بيهم و همه وضعهم وامورهم استقرت و الحمد لله و مناقصهم شي و اخته كل يومين تتصل على اخوها و تطلب منه يروح يتغدى عدهم بحيث يجبرني اروح بالبداية كنت اروح برضاتي و اخذ الامور برحابة صدر بس الشغلة زادت و صارت متنطاق لان احنه عدنه بيت و الحمد لله اعرف اطبخ و طبخي طيب و زوجي يحب طبخي و اهله هم يحبون طبخي و كل الي نعرفهم من ياكلون من طبخي يحبوه و يمدحوني ,, اني بديت شويه امانع بالروحة بس مكنت احجي وياه بطريقة استفزازية او عصبية بالعكس من كان يقول لي اهلي رايدينه نروح يمهم على الغدى كنت اقول له ليش مو اني اريد اطبخ الطبخة الفلانية وقبل يومين او مرات قبل يوم نكون احنه ماكلين يمهم ,, زوجي تبدي ملامحه تتغير و يضوج مع الرغم من اكلمه بطريقة عاديه ما المفروض يزعل ,, اقول له ماعندي مانع انروح ناكل يمهم بس مو يوميا او كل كم يوم خلي شويه تصير النه خصوصية و اريد احس انه اني الي استقلاليتي و لو احنه نعيش بغير بيت بس احس بخواته يحاولون يسحبون اخوهم يمهم بالبداية كان عندي شك بس بعدين صار عندي يقين قاطع على هذا الشي وتحاول اخته تجر اخوها باي طريقة كانت ,, و مع ذلك الله شاهد اروح على الي يريحه و امشي ورى الي هو يريده وما اعترض على الي يريده ,, بس زوجي من النوع السليط اللسان و يغلط من اتف الاسباب و امام اهله يسبني و يرفع صوته عليه و على مواضيع جدا تافهة متستوجب كل هذا الغلط و الشتم ,, و هو حتى على خواته يغلط و يرفع صوته و همه خواته اكبر منه بالعمر ,, دائما يقهرني و حذرته عشرات المرات و نبهته ان ميرفع صوته بوجهي امام خواته او اي احد و لا يسب , بس ميفيد ابد , قبل 5 ايام انتقلوا اهله الى بيت جديد المهم 3 ايام واني اساعدهم بجمع غراضهم و نقل غراضهم الى بيتهم الجديد بعد ان نقلنه الغراض اني وزوجي و بعد ان هلكت من التعب قلت ال زوجي اريد ارجع للبيت حتى اطبخ لان اهله يجون يتغدون عندي بالبيت لان منتقلين جديد و البيت بعده ممرتب ,, يصرخ بو جهي ويسبني و يقول لي اني لو اعرف انتي تضوجين من نقل الغراض كان مطلبت منج تجين تنقلين الغراض قلت له وشنو مناسبة هذا الكلام بمكان متشكرني على مساعدته اهلك بنقل اثاث بيتهم الى بيتهم الجديد و صارلي 3 ايام ممرتاحة من تعب النقل و رايحة للبيت اطبخ الغدى حتى يجون يتغدون عندي بالبيت و كل هذا و تحاول تفهم اختك اني جاية على مضض لو مجبورة او انت جابرني و قلت له انت تعرف حق المعرفة دا اساعدهم عن طيب خاطر ولا اني لو ما اريد ممجبورة اجي اساعدهم و هاي مو اول مرة اساعد اهلك و لليوم مقصرت بحقهم ولا غثيتهم بكلمة و لا بتصرف ,, طبعا اخته دتسمع الكلام كله و ساكته تلهي نفسها بالغراض و بالكذب منطقت كلمة الحق او قالت بحقي كلمة شكر او اي شي ابد عبالك عبيدة لو خدامة عند اخوها وعدهم ,, واخوها يقول اي هاي احد واجباتك الزوجية قلت له لا هذا مو من ضمن واجباتي الزوجية المساعدة الي اقدمها ال اهلك مالها علاقة بحياتنه الزوجية و غير مجبرة بيها اني ,, و قال كلام يشيب شعر الراس و كله اخته تسمع هذا الكلام و السب و الشتم قلت له يعني شنو قصدك من هذا الكلام شنو الرسالة الي تريد توصلها ال اختك تريد توضحلها بانه اني جاية مجبورة دا اساعدهم بنقل الغراض ,, قلت له يعني انت بهاي الحالة ضيعت حقي و طيبة نيتي و امام اهلك المهم تركت البيت و طلعت انتظره يوصلني بالسيارة وصلت للبيت و قلت له كلمه اني ما اسامحك على التصرف الي تصرفته اليوم امام اختك و الغلط و السب و الصياح بوجهي و اني ممسويه شي الك مجرد قلت لك اريد اروح للبيت حتى احضر الاكل ,, المهم عافني وطلع و اني انهاريت من البجي و حسيت بالذل و الاهانة و كسرني امام اخته و هي هاي اخته لو اشعل الها عشرة اصابيعي شمع متحبني لان رادت تزوج اخوها على مزاجها و مقبل هو ,,, و اني هسه ما اكلم زوجي الا على قد الامور الظرورية و الا هو يسال ياله اجاوبه على قد السؤال و اسكت ,, وقبل مشكلة اهله الي صارت زوجي هاملني من ناحية ثانية وهي الجنس شهر كامل يوم واحد فقط من الشهر يتقرب مني و على مزاجه و مع الرغم كنت البسله و اهتم بيه و اكتشفت يتفرج افلا خلاعية اباحية من تليفونه و البارحة شفت موبايله منزل بيه فيديوات سكسية يمكن 30 فلم منزل بجهاز الموبايل مالته يتفرج عليهم و يمارس العادة السرية على هاي الافلام ومن واجهته يقول لا هاي زين الي حتى تنشط الدماغ و تزيد الطاقة عندي ,, قلت له شنو اني ما اغريك حتى تتفرج عل مثل هاي الافلام يقول لا مالج علاقة انتي بس اني و كل الرياجيل بالعالم يتفرجون على هاي الافلام ,, هم تعصبت و انهاريت بسبب طريقة كلامه و قلت له بعد لتتقرب مني قلت له اذا انت مثل متقول تنطيك الافلام طاقة و رغبة لعد اشو ما اشوفك تتقرب مني بس بالشهر مرة ,, مع الرغم اني صغيرة بالعمر بكثير عنه يكبرني هو 26 سنة يعني اني شابة مو كبيرة بالعمر حتى ينفر مني و مع ذلك مداريه نفسي و مداريته احسن مايكون ,,, ولا شغلة القمار و ادمانه على القمار و اهله اخر شي طلعوا بالنص ,, اني حياتي ادمرت دمار ,, احس بشعور بالنقص بسسبه وصار عندي برود جنسي و احس نفسي غير مرغوب بيها ,, يتركني بالبيت الليالي و يسهر لوجه الصبح في الكازينو للعب القمار و فلوسه كلها على القمار ما اشوف من فلوسه غير مبلغ جدا جدا جدا تافه بالشهر مرة ينطيني و باقي فلوسه يصرفهم على القمار و مرات ياخذ من الملبغ التافه جدا الي ينطيه الي و يداين مني حتى يروح يلعب قمار ,, اني احس شبابي اندفن هاملني معنويا و ماديا و جنسيا يعني شنو الي اسويه اني كلمته اكثر من مية مرة و نصحته باسلوب هاديء و قلت اله يترك سوالف القمار و الافلام الاباحية و شويه يقلل من تفاصيل حياة اهله الي مدخل نفسه بيها اكثر من حدود المعقول ,, واحنه دنحاول نسوي طفل و نلتفت الى حياتنه ,, قلت اله وفهمته يمسع كلامي منا و ينساه ثاني يوم ,, اخر شي اتصلت على امي بعد ان طفح الكيل بيه بعد ان سبني و شتمني بيت اخته بعد كل الشي الزين الي سويته بمكان ما اشوف احترام منه و اسمع كلمة شكر منه بالعكس جرحني هو و سبني ,, و القمار و الافلام التعبانة الي يشوفها و مدايرلي بال ابدا حاسبني قطعة اثاث بالبيت مركونة ,, كلمت امي و اني منهارة من البكي و صدري متضايق امي نصحتني انفصل منه لان هي تعرف بيه يلعب قمار و يتركني بالليل وحدي بالبيت و يروح يسهر للصبح يرجع بابا هم نصحني انفصل منه ,,, يعني حاولت قدر الامكان ان احافظ عليه و امتص سلبياته و سلبيات اهله الى ابعد الحدود بس بعد مالي حيل و قوة تعبت ,, قررت اطلب الطلاق منه هو ميعرف الى هسسه بقراري يتصورني راح ارجع عادي منا كم يوم و انسى السب و الشتم وقلة الادب مالته مثل كل مرة ,, بس هل مرة مقررة بشكل جدي لان تعبني و يريدني اجاريه على اخطائه بلعب القمار و الافلام الاباحية الي يشوفها و اهماله الي و عدم الشعور بيه كانسانة ,,
اسفة اطلت عليكم بكلامي بس مخنوقة و اريد قراري مال الطلاق ما اندم عليه و شنو نصائحك الي بعد ان تقرون مشكلتي ,, شكر ا جزيلا لكم مقدما و ربي يحميكم و يبعد عنكم كل سوء يارب
تحياتي للجميع
12-15-2013, 04:02 AM
افكر بقرار الطلاق
نتاليا 
جديد منتدى منتدى الحياة الأسرية والزوجية
العرض العادي
