الله يسعدكم الي عندها معلومات عن مستشفى خالد ادريس

[قمر جده]

خواتي الله يعطيكم العافيه انا حامل وابغا استفسر عن مستشفى خالد ادريس من ولدت في مستشفى خالد ادريس والا تعرف احد ولد هناك كيف النظافه وكيف التعامل وبنسبه هل يستعجلو عليكي بالقيصري ولا لا وكثير يمدحو ميمي بس انا عشان كثر الزحمه ابغا احط دكتوره ثانيه في بالي في عندهم دكتوره ميمي وجان وريم وشيماء من تعرف احد فيهم وكمان في مليكه بس ماخذه اجازه ودريه خرجت نهائي هذا الي انا اعرفه من الي سمعته من عندها تجربه في هذي المستشفي الله يسعدكم تفيدني بكل شي

[بحــ العيون ــــــــر]

هذي بعض أراء النااااااااااااااااااااااااااااااااااااااس وانتي الأفضل وروحي الله يعون عليكي ولا تنسينى من دعواتك حبيبتي الله يرزقني الذريه الصاااالحه

××××××××××××

انا انولدت من29 سنة في هذي المستشفى واخواتي جابو بزورتهم من كم سنة برضو في هذي

المستشفى وسمعة المستشفى كويسة وتراهم مو غالين اسعارهم معقولة

÷×××××××××××××××

مستشفى سليمان فقيه بجده

ممتازين جداااااااااااا , من ناحية الدكاترة والنظافه والاهتمام بالمريض والتعامل الرااااااائع

وبالنسبة للخياطه ( ممتااااااااازة جدااااااااا) وترجعي كإنك بنت , وعن نفسي أتابع عندهم وكل أخواتي وبنات عماتي وخالاتي ..

وحتى الولادة عندهم سهله , وعلى طول يحطو لك كمام وما تحسي بها أبدآ .. ولاتحسي بنزول الراس , لانهم على طول يعطوكي وقتها إبرة البنج .

ولو جيتيهم طوارئ (على طول ينادو لك الدكتورة , ويسوو كل الإجراءات ) ,والله عن تجربة مني شخصيا ..

وأفضل الدكاترة الرجال(عمر محجوب , مصطفى كامل , وهبه مدكور)

وأفضل دكاترة النساء ( سحر ملودي , زهرة , عفاف النوري , فاطمه العتيبي )

××××××××××××××××××××

طبعا أكيد ما في أفضل من مستشفى سليمان فقيه ..

روووووووووعه رووووووووعه (من ناحية الدكاترة , والرعاية والاهتمام والنظافة) وتعامل الدكاترة مع المرضى (ولا أروع منها مافي ) وبعدين أغلبهم إستشاريين وممتازين وعلى درجة كبيرة من الخبرة ..
وحتى الولاده سهله وما تحسي بيها أبدااااااااا .. والخياطه( ممتااااااااااازة

××××××××××××××××××××

سمعت في دكتورة اسمها فاطمة العتيبي في سليمان فقيه
بس ماعندي خبرة في دكتورات انا اروح عند دكاترة ممكن افيدك فيهم عثمان سندي في التخصصي وتمريض التخصصي مرة كويس
هشام رمضاني وهشام عرب في الاطباء المتحدون وتمريض عندهم ممتاز

بس دكتورات ما اعرف بس عندك التخصصي والاطباء المتحدون التمريض كويس حاولي تشوفي دطتورة كويسه في هذي المستشفتين

××××××××××××××××××××××

مرحبا

الله يسهل ولادتك ويرزقك الذرية الصالحة...

أختي ولدت عند الدكتور نبيل إسماعيل في مستشفى عرفان صراحة قمة وروعة والخياطة رائعة وهي راحت عند دكتور بعد ماتعقدت وجاها نزيف وكان بينها وبين الموت شعرة بسب غلط الدكتورة اللي ولدتها في ولادتها الأولى. ..

أنا سمعت شيء موطيب عن الدكتورة فاطمة العتيبي في سليمان فقية ولدت بنت خالي وأنتظرت عليها كثير وقت الولادة كانت تحاول تولدها طبيعي إلين مانفجر عندها الرحم أو قناة فالوب المهم صارت فيها مصيبة ودخلت غرفة العمليات الحمدلله على سلامتها مع إن كان حملها هذا الثالث والولادات اللي قبلها كان طبيعي..مدري هذا شيء بيد الله سبحانه وتعالى..

كمان الدكتورة باسمة دلعو في الأطباء المتحدون ممتازة.....

وأنا ولدت ولدي الأول والثاني في مستشفى السلامة سابقا والثالث عند الدكتورة سمية في مستشفي بخش..
صراحة الدكتورة رائعة بس المستشفي مستواها أقل من المقبول خاصةالغرف والنظافة مرة ماعجبتني

صراحة اللي تولد قيصري تروح عند دكتور أفضل لأن الدكتورت جزارات وماهم هالزود...

أنا أولد طبيعي وأروح عند دكتورة ....


فمان الله


×××××××××××××××××××××خ

مستشفى الاطباء المتحدون اكثر من ممتاز في كل شي,,انا ولدت فيه الدكتوره ممتازه و الرعايه و الاهتمام و كل شي رائع

×××××××××××××××××

اختي انا ارجع في مستشفى الاطباء المتحدوون بجدة عند الدكتورة امال شبكشي عن طريق متابعت برنامج الحمل و الولادة المبلغ تدفعينة من اول شهر 4500 ريال هذا غير فلوس الحضانة الطفل تدفعين لما تولدين 1000 الف ريال فقط يعني كلها خمسة الاف وخمسة مائة والمبيت لمدة يومين وجناح على البحر غرفه مفردة لكي وعليهم تطهير الطفل والبنت التخريم الاذن بس والله تبين الجد والراحة والفخامة والنظافة

بس الى مخوفني انا وقت الولادة لاني ماقد جربت عندها بس وحده من جاراتي تقول كويسة وانا زرتة في المستشفى وقتها
وانا حامل الحين بشهر السابع الله يفرجهاا واذ عندك اي استفسار انا حاظرة


×××××××××××××××××××××××××××

ابالنسبة لمستشفى بخش انااستنكر على احد قريباتي الولادة فية لانه مب نضيف والخدمات زفت والاهم انهم مايعطون بنج يعني على اية تولد فية الله العالم

اما بالنسبة لسليمان فقية فاكثر من رائع من 000000الخ

واما بالنسبة للاخت الي تكلمت عن تجربةاحد قريباتها عند الدكتورة فاطمة العتيبي

فاقول لها يااختي الفاضلة

اولا
انا عمري مارحت عند د\ فاطمة ولكن سمعتها الطيبة كفيلة بان تذهبني لها

ثانيا
اعتقد ان الدكتورة عملت كل جهدها حتى تساعد قريبتك على الولادة الطبيعية0000 والاما فية اسهل من انها تعمل لها عملية قيصريةوتاخذ المبلغ الفلاني

ثالثا

اننا نعلم جميعا ان كل شي بقضاء الله وقدرة وان التسهيل بيدة وحدة00000 سهل الله على كل امراءة حامل

وبالله التوفيق
×××××××××××××××××××

الدكتوره فاطمه العتيبي اسمع انها ممتازه
الاطباء المتحدون ممتازه بس الدكتوره عزه تستسهل القيصري وهذا عن تجربه لاني ولدت عندها بس في النهايه جا الدكتور حسان عبد الجبار وهو ممتاز
الدكتور عثمان سندي ممتاز في التخصصي وانا انصحك بالتخصصي ممتاز
والله يسهلك
الدكتور ه اسماء شحرور ممتازه

××××××××××××××××××××××

احسن مستشفى في جده هي الاطباء المتحدون ... يعني لو عليه كان بعطيهم جائزه ...
نظافه وخدمه ودكاتره واجنحه تفتح النفس اما غرفه الولاده كانها غرفه عاديه ما تخوف ابدا والجدار ملون
انا ولدت هناك عند البروفسور حسان عبدالجبار .. والحمدلله ربي سهل الولاده اما الخياطه ماشالله رائعه ونظيفه وتجميليه كمان ...
اما الدكتورات اللي هناك كلهم مو مره كويسين


×××××××××××××××××××××

وانا كمان اضم صوتي لاصوات البنات اللي قالوا الاطباء المتحدون
ما شاء الله نظافه وعنايه فوق الوصف وكفايه غرف الولاده اللي تفتح النفس ما شاء الله
انا اولد عند الدكتور هشام رمضاني ماشاء الله يساعدك كثير وقت الولاده
وهذي الولاده الثالثه لي وان شاء الله حتكون في الاطباء عند نفس الدكتور


××××××××××××××××××××××

اختي انا ارجع في مستشفى الاطباء المتحدوون بجدة عند الدكتورة امال شبكشي عن طريق متابعت برنامج الحمل و الولادة المبلغ تدفعينة من اول شهر 4500 ريال هذا غير فلوس الحضانة الطفل تدفعين لما تولدين 1000 الف ريال فقط يعني كلها خمسة الاف وخمسة مائة والمبيت لمدة يومين وجناح على البحر غرفه مفردة لكي وعليهم تطهير الطفل والبنت التخريم الاذن بس والله تبين الجد والراحة والفخامة والنظافة

××××××××××××××××××××××
بالنسبه للدكتوره امال شبكشي في الاطباء المتحدون ..صحبتي ولدت عندها ببناتها الاثنين وتمدح لي فيها وتقول كويسه ... اما انا حامل وفي الشهر الثامن بس كنت اروح لدكتوره نوال السناني اللي بمستشفى بخش..الدكتوره كويسه بس انا مارتحت للمستشفى وبعد يومين بروح ان شاء الله عند دكتوره اسمها سماء ناظر حبووووووووووووبه..انا شفتها هيا تصير زبونه عند اختي(اختي تسوي مكياج)واختي تمدح لي فيها مررررررررره هيا استشاريه عيادتها في التخصصي بس بصراحه ماكذب عليكم التخصصي غااااالي عليا..بس الحمد لله طلعت تداوم يومين في الاسبوع في عيادات مستشفى الجامعه الحكومي بس انتبهو العيادات المسائيه الخاصه يومين بس الثلاثاء والخميس..

انا شفتها مره والحمدلله ارتحت لها وتحسيها خبره وان شاء الله حروح لها يوم الثلاثاء ...

الكتور هشام رمضاني كمان ممتاااااااااز انا اسمع عنه كثير..بس انا افضل النساء :

--------------------------------------------------------------------------------


حبيبتي ريشه,,اذا مفكره تولدين عند دكتوره لا تفوتك هبه و انا هذا اول طفل لي و الحمدلله كل شي تمام اقصد الخياطه و صحيح مستشفى المتحدون يعطولك مسكن و لا تحسين بشي

×××××××××××××××خخ

يابنات احــــــــــــــــــــــذرو من الجدعاني لان احد قرايبي يشتغل بهالمستشفى يقول شفت الهوايل بها لمستشفى

لانضافة ولا عناية ولا اهتمام والاهم من كذا يقول غرفة العمليات غير مجهزة
ويقول بعد انو الحوامل يبهذلوهم وعن نفسه يقول كذا مرة شفت حريم يولدون وانا ما
ودي اكشف عورات الناس لاكن قلة الاهتمام هو السبب
وبعد قال انو هالموضوع مؤلمة ودة انو يسوي شكوى
لاكن الكل نصحة وقالولة مالك شغل تقطع رزقك
قلت لكم لان انتو زي خواتي ما ارضى عليكم وخاصة
البنت الي سالت عنة حبيت انبها

×××××××××××××××خ

اول احب اقول لك فقيه كانت كويسه من ناحيه التمريض والغرف بس الان مرة اتغيرت تمريض الغرف كله مش كويسه

انا ولدت في بخش لان ماكان عندي اختيار اخر!!!! بس بخش مرة مستواه ضعيف يعني مش ذي النتوقع ما انصحك فيه؟؟


بس انا الان اتعلاج في الاطباء عند الدكتور هشام رمضاني بصراحة قمه في الادب والاخلاق والذوق

احس بالراحه وانا اتكلم معه انسان متعلم ومتحضر ومتدين ان شاء الله

انصحك نصيحه لالا تروحي عند دكتورة انا اتبهدلت لمل ولدت عند الكتورة حسيبه بن حمودة انا اسميه جزارة كانت في بخش مرة مش كويسه عشان كدة انا افضل الدكتور هذا راي انا

اتمني لك ولادة سهله ومريحه بس لا تنسي تدعي لنا بالذريه الصالحه وهدايه ولدي شكرا

--------------------------------------------------------------------------------
اخواتي الحبيبات السهاله من الله ... أسأل الله ان يسهل ولادة كل حامل ويفرج كربها

ولكن بالطبع لا يمنع أن نعمل بالأسباب .... ونعتمد على الواحد الأحد الفرد الصمد في تفريج كل أمر

أما عن تجربتي فلله الحمد والمنه ... جربت الولادة في مستشفى عرفان ما شاء الله لا قوة إلا بالله

( 5 ) خمس مرات ولدت فيها ثلاثة أولادي ..... وبناتي الأثنين بحمد الله

بالنسبة لتجربتي في الولادة كانت رائعة وخدمة ممتازة .... ويعجبني فيها ان جناح الولادة جميع الخدمات

الموجودة في المستشفى نساء .... وفي حالة زيارة دكتور الأطفال للأم بعد الولادة عشان يطمنئها عن حالة الطفل

يتم إخبارك قبل زيارة الطبيب بعشرة دقائق حتى تستطيع الأم ان تلبس الحجاب او غيره للإحاطة

وقبل كانت الدكتورة وسافرت والآن اتابع مع الدكتورة (( نورما محمد نور )) رائعة اخلاقها عالية وهادية

ودائما مبتسمة (( وإستشارية )) وجربت الولادة عندها في ابنتي الآخيرة عمرها الآن أربعة سنوات

والآن أنا في الشهر الثامن وإن شاء الله يسهل لي الولادة عندها وسامحوني على الإطاله

سهل الله لي ولكم ولكل حامل .... إنه سميع مجيب

××××××××××××××××××××خ

عن تجربه انا ولدت في شهر 8 في مستشفى سليمان فقيه عند الدكتوره سحر ملودي
من جد قمه في الاخلاق ولما تجينها ترحب فيكي كأنك جايتها في بيتها وبالها طويييييييييل
جيتها يوم الخميس الساعه 3 العصر وكان نهاية دوامها خلاص بتروح وكانت قايلتلي من
اول راح تولدين بطلق صناعي لأني عديت التاسع بعشره ايام يوم جيتها معي طلق خفيف
وقالت الرحم مفتوح 2 سم بس ....
المهم تخيلو جلست معي ولا راحت الين ولدت وخلصت وخلت امي تدخل معاي غرفة الولاده عشان
تكون متطمنه وتشوف الرعايه كيف اول مادخلوني غرفة الولاده اعطوني الكمامه على طول احس بالطلق
خفيف مرررررره يادوب تحسين فيه ولما قرب يطلع الراس اعطوني بنج كامل لأني انا اصلا ما ساعدتها
في الولاده طفشتها وكنت بنزل منن السرير ( ماكنت بوعيي _امي تحكيني ) واول ماطلع البيبي كان استشاري
طب الاطفال دكتور اسامه عند الدكتوره اخذ البيبي منها وعملو الفحوصات وكل شي ولبسوه وخرجوه من الغرفه
اما انا صحيت من البنج وكل شي تمام الغرفه فاضيه مافيها الا انا والضوء هاااااادي مره واول ما فتحت جاتني الممرضه و كلمتني تتأكد اني صحيت مضبوظ وراحت قالت لأهلي ...
اما بالنسبه للخياطه الحمدلله ماحسيت انه صار شي اصلا الحمدلله ( قولوا ماشاء الله ) ما كأني ولدت ولا شي
يعني خياطتها 100ِ% حتى اصلا مافيه الا غرزه واحد فوق داخل الفتحه مدري كيف مخيطه ؟!!!
اهم شي تستخيرون وربي يوفقكم..
هذي تجربتي

×××××××××××××××××××××××

اختي فوز عود الموز ماانصححك بمستشفى الجزيرة مرررررررررررررة والله في ولادتي الاولى ولدت عندهم وبهذلونى الله لا يوفقهم جيتهم الساعة 2 بالليل وقالوا الرحم مفتوح 2سم وحطوني في غرفة معفنة الله يكرمك الزبالة مليانة ونصها مكبوب في الارض والحقن مرمية في الارض واللحاف اعطوني مبقع دم يعني مستعمل وصرخت عليهم وجابولي واحد نظيف وحطولي جهاز قياس نبض الجنين وتركوني ولاحاولو يولدوني طبيعي لااعطوني طلق صناعي ولاتحاميل الشرجيه ماشفتهم الساعه 9 الصبح يقولو البنت وزنها زايدوحنولدك قيصري وعشاني اول مره استسلمت للامر ولما ولدة تخيلو ان البنت وزنها 3 كيلو يعني وزنها طبيعي وبعد الولاده انادي الممرضات يرسلو اي وحده اللي تنظف هيه تفك المغذي وتركبه هذي معاناتي مع الجزيره والحمد لله ان الله كتب لي عمر ثاني لانو في وحده سمعت انهاولدوها قيصري زودولها نسبه المخدر وماتت دماغياوخرجوها وقالو مالها علاج عندنا بعد 6 شهور توفت الله يرحمها مادرت هيه ايش جابت بنت والاولد.... اختي انا هالحين حامل ومحتاره وين اولد ............

×××××××××××××××××××××

انتي سألتيني عن الدكتورة سحر والدكتورة زهرة , بالنسبة لعياداتهم داخل المستشفى , ولمن تروحي وتخرجي من الدكتورة الافضل تحجزي من عندهم للموعد الثاني (انا دائما أسوي كذا وبالتحديد بالساعه ) وأجي على نفس الوقت لان مررررررررررره زحمه عند أغلب دكاترة سليمان فقيه ماشالله .
وبالنسبة لي لمن أجهضت قبل خمسة شهور , وكنت اتابع عند (زهرة) وهي استشارية , وسوت لي عملية التنظيف ( طول الوقت ماسكه يدي وتسلم علي وتقول لي لاتخافي ووو ) وما راحت من عندي الا لمن فقت من البنج تماما , وحتى عملية التنظيف كانت كويسه (ما نزل دم علي بعدها الاواحديوم ) لانها نظفت كويس ) ..
لكن بولادتي بولدي (واحد طفل عنديوعمره 5 سنوات) بولادتي عندهم قبل 5 سنين ..ولدت عند الدكتورة (ميري) مصريه بس دحين سافرت نهائيا .. (ياسلام على الولادة ورغم اني كنت خايفه من كثر ما اسمع من الناس ) بس وانا بكريه ماشالله ماحسيت باي شي على طول حطو لي الكمام وما فقت الا وزوجي يسلم علي ويقول لي (جبتي ولد ) ..
والخياطه (كل الدكاترة عندهم يسووها لك بدون ماتطلبي منهم ) ورجعت كاني بنت والله ومافيها آلام ولاشي (الاقليلة جداااااااااا) ..

لكن بالنسبه للمتحدون ما انصحك فيها ابدا ( اسمع ان الدكاترة ما يجو الا وقت نزول الراس ) وقبل هذا الوقت كله الممرضات ايلي جنبك بس ) ..
حتى وحده قابلتها في سليمان فقيه وهذا ثاني ولادة وحل لها (في الاول عند المتحدون عند امال شبكشي) وتقول انها ما تجي الا وقت نزول الراس , وقتها ينادوها الممرضات وتجي وان ولادتهم مو قد كذا , وكمان تعاملها مع المرضى مو مرررره ؟؟؟ وحرمت تولد عندهم بعد كذا ..
ودحين جآت تولد في سليمان فقيه..
وبالنسبه للولادة عندهم (4500) وتنامي (48) ساعه عندهم , طبعا مع الحضانه وغرفه درجة اولى بمرافق ..
لكن عملية التنظيف (2500) ونفس الشي غرفة درجه اولى


××××××××××××××××××
يابنات مستشفى سليمان فقيه في الاولاده مافي زيه في جده عن تجربه شخصيه مني وعند دكتوره رحاب والخياط مافي مثله ورعايه
ويقول مستشفي المستقبل ممتاز وفيه دكتوره اسمها دلال جدا رائعه
ولاخت لي تسال عن مستشفي الجزيره مانصحه فيه لانه تعبان:01:
بس يااخواتي هذي المستشفيات الخاص نبغا مستشفي حكومه مين عندها خبره فيه؟؟؟؟؟؟؟؟؟
وابغا انصح اخواتي لي يروحون عن دكاتر رجال انهم يبتعدون عنهم لانه مايجوز والله يعطيكم العافيه:26

×××××××××××××××××××

انا ولدت بنتي بمستشفى الملك عبد العزيز الجامعي
و**** انة مستشفى رائع وانا ولدت هناك عشان كان زوجي طالب جامعي
والحين انا ولدت بطفلي الثا ني في سليمان فقية
والحمد لله كا نت ولاداتي الثنتين ميسرة ومسهلة بامر الله
وحبيت كمان اقولكم انو وحدة من قريباتي ولدت بية الحين قالت ممتاز نفس ما كان
ومو لازم يكون زوجك بالجامعة عشان تولدين هناك
اما مستشفى الولادة فيا ساتر استر
لاحد يروح عندهم ابدن قمة الوصاخة والمعاملة يعاملونك معاملة سيئة بكل المقاييس والخدمة اخدمي نفسك بنفسك هاذي تجربة احد قريباني

××××××××××××××××××××××××

انا اعرف كثير ولدو بمستشفى خالد ادريس ومنهم خالتي ومرة عمي ..غير طبعا كثيييييير غيرهم..

يمدحو فيها ويقولو كويسه واحسن دكاتره ..الدكتور انور والدكتوره ميمي والدكتوره دريه مررره طيبه

انا ماقدر اقلك شي عنها لاني ماجربتها بنفسي بس كصير اعرفهم ولدو هناك ويقولو كويسه يعني لاتخافي الله يسهل لك يارب زي ماسهل على الباقيين....


ويارب يرزق كل محروم

××××××××××××××××××××

شجره الدر ام زوجي دايم تولد في خالد ادريس وتمدحه كثير وهي ما تولد الا عند انور
تقول مره ممتاز وكمان وحده ثانيه اعرفها تولد برضه في خالد ادريس وتمدحه وتقول
تولد عندهم ولاده بدون الم (ابره ظهر ) من اول طفل لها وماشاء الله عندها 7 اطفال
اكبرهم بنت في الجامعه الله يخليهم لها ويحفظهم يارب ...
لكن يا عيوني انا ماجربته لأن عندي طفل واحد و ولدت عند سحر في سليمان فقيه:

السلام عليكم

كيفكم يا احلى كروشات الله يهون علي وعليكم يارب

عندي سؤال محيرني ومخوفني ومطير النوم من عيني

انا الحين حامل في الشهر السابع واراجع في مستشفى خالد ادريس عند الدكتوره الفلبينيه جان

و***** الله حولد عندها

اثنين من قرايبي ولدوا في نفس المستشفى قبل كم شهر ومرررررررا يسبون الولاده يقولون من دون تخدير وتحسين بالالم كانك والده في البيت

انا طااااااااااار عقلي كله عندي ولا الالم

معقوله غيروا نظااامهم

انا جربت الولاده عندهم قبل سنتين صراحه لما فتح الرحم وبيودوني غرفة الولاده ضربتلي ابره

في فخذي والحمدلله الحمدلله ماحسيت بالالم

سؤالي اللي جربت الولاده فيه قريب

هل كلام قريباتي صحيح والا بيبالغوا

اللي جربت او احد عندها جرب تعلمني الله يجزاها بالخير يااااارب

عشان لو كلامهم صحيح الوحده تلحق عمرها وتنحاااش تدور مستشفى ثاني

وربي صرت كل ما اتذكر الولاده احس بخوف ومغص ببطني

جاوبوني وريحوني الله ينجيكم من كل شر

والله ما عندها معلومه
...............................................
كذابين اختي والدت3ولادات عندهم وتمدح فيهم وطبعا لازم الم مافي ولاده بدون الم بلاكذب ويدقو الابره اللي قلتي عليها والحلو فيهم يصبرون عليك ومايشقونك عشان كذا تتألمي وانا عن نفسي بولد عندهم ان شاء الله واحسن دكتوره عندهم ميمي وتسوي لك خياطه كبس ترجعين بكريه بإذن الله
.................................................. ....
والله اولدي في الجامعة احسن اذا كده تحسي بكل شي
الجامعة في تخدير و وقت الخياطة في بنج ونظافة واهتمام ورعاية
.................................................. ....................
لا تقولي كذابين الطاقم حق التوليد يختلف الصباح والمساء وأنا حضرت الإثنين لأن ولادتي كانت بالليل متأخر و ما ولدت إلا الصباح إلى كانوا بالليل ما في تفاهم أما في الصباح عسل ما شاء الله عليهم كلامي في مستشفى خالد إدريس....
.................................................. ...ز
وياليت يا أخواتي نبتعد عن ظن السوء مهما كان ونلتمس لأخينا سبعين عذر

[قمر جده]

الله يعطيكي العافيه حبيبتي