تجربتي مع الكلوميد و الابر تنشيطيه و الابرة التفجيره

[hezom]

السلام عليكم

وحشتوني كلكم - غبت فترة مريت باشيا كثير والحمدلله ع كل حال

المهم بحكيلكم ايش صار معايا وان شالله ياااااااارب اني اكون حامل لاني متفائله باذن الله

انا زوجي عندة مشكلة في العدد ( قليل) و الحركة ضعيفه

وانا كمان عندي ضعف تبويض

المهم رحت للدكتورة واعطتني حبوب تنزل الدورة قالتلي استخدمها لمدة 13 يوم تقريبا ولما خلص الشريط قالتلي اصبري لين تنول الدورة- وفعلا نزلت ورحتلها- اعطتني كلوميد من 3 يوم بالدورة لين ال5 حبتين في اليوم - واليوم التاسع اعطتني ابرة منشطة وقالتلي تعالي اليوم ال13 عشان نشوف حجم البويضة- رحتلها وكان حجم البويضة 14 بس - زعلت انه ماكبرت- المهم زودتلي الابر المنشطة وخلتها لمدة 3 ايام- ورحت اقيس حجم البيويضة طلعت 16 - المهم الكتورة قالتلي تبغر تكملي ابر ولا نوقف وخلاص نزيد الجرعه الشهر الجاي- قلتلها لا بكمل- واعطتني الابر كمان 3 ايام- ورحت قستها الحمد للله طلعت 21- الحمدلله وقتها مع الابر اكلت اناناس وعسل - المهم في نفس اليوم كتبتلي ع ابره تفجيريه وقالت جماع بعد24 ساعه و حصل- المهم اني من اخذت الابرة التفجيريه وجنبي اليسار من تحت مرررة يعورني لو قمت لو اتحركت جلس معايا يومين كذا بس امس الحمد لله عادي- نسيت اقولكم انه زوجي كمان بيتعالج عشان الحركه والعدد الحمدلله صار كويس-


انا الحين 4 يوم من الابرة وماني حاسة باي عرض الا الم بسيط يروح ويجي في الجنب اليسار نفس المكان

قرات كثير وعرفت انه الالم بعد الابرة معناه اشارة كويسه لمفعول الابرة

كل يوم اجي اقرا عن حالات مشابهه لحالتي ولاحظت 50% حملو بعد ارادة الله وهذي الطريقه - و 50% ماحملو

حتى الدكتورة قالتلي انه 4 من 10 يحملو كذا بارادة االله

ضحكتني الدكتورة تقلي اذا حملتي رجعيلنا الابر اللي اخذتيها قلتلها برجعلك كل شي بس احمل ههههههههههههههههه

مستنية اليوم ال14 بفاااااااااارغ الصبر عشان احلل كع اني عارفه نفسي مارح اصبر وبحلل قبلها

بس من لهفتي

يااااااااااااااااااااااااااااااااااااااااااااااااا ااااااااااااااااااارب يا بنات موضوعي الجاي اقولكم فيه اني حامل

مرة متفائله

وحلمت بمطر وان شالله خير

من اخذت الابر وانا اقوم الليل والاستغفار انا اصلا مداومه عليه الحمد لله


ادعولي وقولولي اذا وحدة منكم زي حالتي


الله يفرجها يا ارحم الراحمين

[أم مؤيد بإذن الله]

ياااا رب تهون عليك الايام ويجي اليوم ال ١٤ بسرعه ^_^
اختي ثقي تماماً بأنك دعوتي الله سبحانه ووضعتي ثقتك كلها فيه
وسبحانه ما يخيب ظن عبده

بس انصحك لا تستني اليوم ال ١٤ بقوة
حاولي تنشغلي عنه
عشان الهرمونات لا تتوتر
اخرمي كثير وغيري جو
واشتغلي بالبيت
حاولي تنسي هالشي
لانه يأثر عليك


الا صحيح باقي كم ع اليوم ال ١٤ عشان نستناه معاك ^_^

[المتأملة خيرا باذنه]

ياعمري ان شاء الله يا رب تطلعي حامل ياااااااااا رب ،،،،،

[hezom]

ياااااااااااااارب - باقي 11 يوم ههههههههههههههههههههه كثير - بس من جد انكم صادقين بحاول اشغل نفسي

[نورندا احمد]

انا الحمد لله تبعت مع دكتورة اخدت الكلوميد اول شهر ماحصلش اى حاجة بالرغم انى ماعنديش الا بعض التكيسات الخفيفة جدا على المبيض بس حجم البويضة كان كويس 11 وبقى 16 وبعدين بقى 21 حتى الدكتور قالتلى كبرت فى وقت قصير وثانى شهر اخدت حقن وكلوميد والدكتور قالتلى مايحدث معاشرة لحد يوم التبوبيض وبعدين ماحصليش حمل
ولكن انا طول السنة اللى فاتت كانت الدورة مش منتظمة معايا لكن هى دلوقتى الحمد لله ابتديت تنتظم
وممكن باذن الله بعد الدورة ما تجى اعمل عملية تسليك الانابيب وتوسيع فتحت المهبل وانا مش عارفة اعملها ولا بلاش
لكن الحمد لله على كل شيئ يا رب تكونى حامل وكل اللى رايدة يارب يرزقها بتوام
يا رب لا تذرنى فردا وانت خير الوارثين يا رب

[اناهيد]

يااااااااااااااااارب تكوني حامل ياااااااااااااااااااارب وتجي وتبرينا

[مسك أبيض]

نصيحة حبيبتي لا تحللين الا بعد 14 يوم من الابرة التفجيرية لانها تعطي نتائج وهميه ويارب انك تطلعين حامل ويرزقك احلى بيبي يفرح قلبك ويرزقني عاجلا غير آجل وكل اخواتنا المتأخرات

[zainaby]

الله يفرجها ويفتحها في وجهك و يرزقك الذرية الصالحة قريبااا

[tota_2101]

ان شاء الله حااااااااامل و تيجي تبشرينا

[hezom]

ياااااااااااااارب يا بنات -- امس كانت معايا الاااااام دورة مررررة كانت قوية من الظهر لين العشا بس خفت بالليل واليوم الحين مافي شي

وكل ما اكل بطني يمغصصصصصني مرة