ثلاث سنين اعاني وتزوجت وزاد همي نفسيتي زفت ومشكلتي مالها حل

[بنتو لعلي]

السلام عليكم..
انا متزوجه وباادخل بالشهر التاسع من زواجي.. تزوجت انسان يعشقني يحبني ومهتم وكل شي عنده انا مو هنا المشكله
المشكله انا ..وقلبي..
قبل ثلاث سنين وأنا بثالث ثنوي ..صديقاتي كثير من بين صديقاتي وحده اسمها امل دايم تحكي عن اخوانها فلان سوا وووو زي اي بنت عندها اخوان كلنا نحكي عن اخواننا..
بدون مااحس حبيت واحد من اخوانها وربي يعلم مااحد يدري بهالحب الا انا وقلبي وربي
انا عائلتي محافضه جداً وامل كمان ملتزمين..
كنت احب بصمت الين وحده من صديقاتي كنا نتكلم وعلمتها..
قالتلي اصحي ويلك وسواد ليلك احد يدري خليها بيننا
ذا شي مو بسيط تخيلي امل تعرف بتطيحي من عينها انك تحبي اخوها
وماتكلمت ابببد صرت اسحب الهرج منها عشان تجيب سالفته حبيته مرا قلت يمكن اعجاب وفتره وتعدي..
وجت الأجازه الكبيره ورحت الرياض عند اهل ماما وانسرق البلاك حق اخوي عمره14
اعطيت امل بن اخوي تعطي اخوها عشان يعرف مين سرقو وفكرت اعطي اخوي بن اخو امل ويتعرفو مرت الايام وتعرفو وصارو مرا واشترا اخوي جوال جديد وضافه بالبيبي
صرت اتابعه ب البيبي واخذت رقمه بالصدفه من اخته وغيرت اسمه بجوالي
عشان مااحد يشكك ومرت ايام وانا اتعلق واتعلق اكثر الين انخطبت من ولد خاله ماما ووافقت والحين تزوجت لي تسع شهور صح حبيته بس دايم افكر ب اخو صديقتي واحبه اكثر احيان اكره زوجي وادري ماله ذنب وش اسوي حبيته مرا اشيا كثيره ماحكيتها بس وربي انا شريفه ولاعمري غلطت..
يمكن يكون كلامي كثير وطولت بس نفسيتي تعبانه ويمكن الفسم الخطأ بس ابي ححححل احيان افكر بالطلاق اجرح زوجي كثير تعبت تعبت تعبت كككثيييييييييييييير ساعدوني جعل الجنه داركم وربي نفسيتي حيل تعبانه وربي ظلمت زوجي كثير خدعته بحبي له..
ساعدوني بليز بدون تجريح ..مو بكيفي حبيته لو بكيفي مافكرت من اابدايه ..حاولت اتواصل مع شيوخ وطنشوني الله يخليكم ساعدوني ودي اترك زوجي بس مافي اي طريقه صعب حيل.. ظلمته م يستاهلني ابد..
الله يخليكم لاتطنشون تعبانه حيل

[بنتو لعلي]

قسم بالله حيل تعبانه نفسيتي وش اسوي احب اخو صديقتي بشكل ماهو طبيعي..
ظلمت زوجي ..عمري19وباادخل20وزوجي26
وربي تعبت

[بنتو لعلي]

لاحد يطنش ارجو الرد10مشاهده ولارد:(

[!اميرة الورد!]

حبيبتي هذا مو حب هذي احلام مراهقة

الولد مايعرفك ولا بادلك هذي المشاعر

واستغرب كيف ماتعلقتي بزوجك يمكن عشان انتي ماحبيتية

لكن انا بقولك شوفي اول شي صلي وادعي ان ربي يمسح هذا الشعور من قلبك

ثاني شي لاجا على بالك هذا الولد استغفري الله وانشغلي بالاستغفار لين ربي يشيل هذا الشعور من قلبك


ترا كله من الشيطان



وبعدين اجلسي مع نفسك جلسة صريحة


لو لو تطلقتي من زوجك الله لايقولة بتزوجين الولد اللي انتي متعلقه فيه

اكييييييييد لا لانك اولا مابينكم علاقة وثانيا بتكونيين مطلقة وتعرفين نظرة مجتمعنا للمطلقة

حاولي تعالجين عشان تحملين الطفل هو اللي بينسيك كل شي

وادخلي تحفيظ دورات اي شي يشغلك الفراغ مو زين

يدخل عليك الشيطان من خلالة

والله يصلح حالك ويهدي بالك ويحنن قلبك على زوجك

[بنتو لعلي]

لا مو فترة مراهقه ثلاث سنين لو مراهقه كان نسيت..
فكرت كثير بس دايم اجرح زوجي تعبت وش ذنبه تونا متهاوشين ع اتفهه سبب
اسلوبي معاه مخيس مرا احبه عادي بس مو زي ذاك تعبانه وربي

[الأمورة سوس]

فعلاً هذا حب مراهقة وانا مرت في شي ادمر منكماتتصور كيف لكن الحمد لله
تخلصت من هذا المشاعر العابره و لا كأن صار شي
ذكر الله و محاسبة المفس هذا الي بيخليك تنسي
و ثاني شي لا تثقي ان هل تحبيه راح يلتفت لك و يمكن عنده وحده بيحبها او بيتزوج او تزوج
يعني بالاخير مو لازم انك صغيره يعني راح يلتفت الرجال لوحده مطلقه لان الرجال مايفكرو كذا
خاصه الي توهم شباب
و حكم نفسك هذي خيانه و رب يحاسبك عليه
إذا حابه تقوي علاقتك بزوجك و تحبيه اكثر جربي فراقه وتشوفي هل الانسان مافي زيه بعينك

وفكرت الطلاق تركيها عنك لانك راح تكوني الخسرانه مامن سالفتك أمل
وانا تكلمت كذا بقساوة عشان توعي على نفسك
و حقيقه هذا حب مراهقه لان ماعديتي حتى العشرين
و يش ثلاث سنين و لا شي من معاناتي إلا إني في قمة السعادة مع زوجي مو مع الي كان حبي
و آسفه قسيت لكن أنا أدرى بحالنك

[ام نرجوسه]

ما عندي ما ازيد على كلام اﻷخوات اكثر من اني اقولك. لو تطلقتي من زوجك. ما ا رح تستفيدي شيء ورح تحسي بعدها بالندم ورح تخسريه.
أنتي بس حاولي تتخيلي انك تطلقتي وان الي تحبيه قالك انا ما أحبك وما وعدتك او ان أقل شيء رح يقول لك انه ما رح يرتبط بوحدة أتزوجت من قبل وهوه لسه ما تزوج وهذا. التفكير موجود في اغلب شبابنا أنه يفضل أنه يرتبط بالبكر حتى ولو كان متزوج يا بال أنه مو متزوج فوقتها أيش رح يصير فيك رح تاكلين اصابعك من الندم ﻹنك ما رح ترتبطي بي الي حبيتيه وياريت حبيتيه ﻹنك عرفتيه شخصيآ وبادلك نفس الشعور لا انتي بس حبيتيه من كلام أخته عليه وممكن تكون أخته تهول في اﻷمور وما حكت لك عن شخصيته الحقيقية وتكتشفي أنك حبيتي شخصية خيالية دمرت لك حياتك.
وبعدها رح تخسري هذا الزوج الي يحبك ويعاملك كويس ورح يروح يدور له على وحدة تانية تقبل فيه ورح يعطيها حبه وحنانه فما تتوقعي وقتها أنه رح ينتظر رجوعك.
ورح تصفي أنتي وحيدة لا طلتي عنب اليمن ولا بلح الشام

[بنتو لعلي]

الأموره سوس..

بالعكس كلامك حلو ماقسيتي وعارفه انه ماراح يفكر بي ..
تعبت والله ادعي ربي ع طول يبعد حبه من قلبي.
دعواتك ي قلبي لان تعبت والله من كل النواحي

[بنتو لعلي]

أم نرجوسه..
عارفه وربي اني ب اندم اذا تطلقت اصلا ماراح يصير لانه حيل صهب احيان اكوون مع زوجي زي العسل واحيان انقلب لما احن للولد يصير مشاكل بيني وبين زوجي
دعواتك لي ربي يحنن قلبي ع زوجي وينسيني الولد

[دموع الليل]

حبيبتى لا تخسرى زوجك لانه يحبك
وانتى ماشفتى منه اى شى يزعلك
حاولى انك تنسى هذا الحب ولا تفكرى فيه نهائى
وتتقربى من زوجك وان شاءالله تنسيه