يحسدوني إني ما عندي عيال.؟؟!!

[اتمنى اصير ام]

السلام عليكم خواتي ..
ادخل بالموضوع على طول.............
و الله أنا مستغربة من هالناس.. يوم عندج عيال حسدوج و قالوا عندها عيال و مستانسة .. و يوم ما عندج قالوا يا حظها مفتكة من عورا الراس ..

و الله خواتي كل ما أروح مكان قمت أسمع كلام غريب ..
يقولولي لأني دائمة الابتسامة - ما شاء الله - طبعاً إنتي مرتاحة و ما تشيل مسئوليات .. تنامين على كيفج .. و تصحين الصبح على راحتج .. ما عندج عيال اتحاتينهم ! ..
و ما اتذاكرين حق العيال .. ويومتروحين السوق تصرفين على نفسج بس .. ونحن فلوسنا ما اتكفينا .. مصاريف العيال وايد ..
كل صيف اتسافرين .. تسكنين أحسن الفنادق .. مو شايلة هم ..
يوم اتصلين محد يزعجج .. البيت هادي و رومانسي .. أكيد ريلج يحبج وايد لأن عندج وقت تهتمين بنفسج .. تلبسين أحسن لبس .. دايماً شكلج مرتب .. ريحتج حلوة مو نحن زواع اليهال ..

ما يدرون ( لا تحسبوا ضحكي دليلاً لفرحتي .. للناس أضحك و الأحزان مهجتي )

ما يدرون كم عانيت من الحرمان .. كم قلبي يعتصر يوم أشوف وحدة تحضن ولدها ..
ما يدرون شكثر اتمنى اسمع كلمة ماما (((مع العلم انا سليمه ومافيني شي بس زوجي عنده الحيونات المنويه صفربسبب وارتفاع هرمون الحليب))

ما يدرون كم بكيت لين نشفو دموعي وكم احترق قلبي و كم زعلت .. و كم و كم و كم .. إنتو تدرون ..
بس الناس ما ترحم و خاصة الحريم ..


الله يحفظنا بحفظه من الحسد و كلام الحريم ..
خواتي اللي ما عندها عيال تقرى على نفسها و ريلها ترى العيون عليج ..

:
:
ما اعرف شسوي

[O R Ċ H I Đ]

الله يرزقك بالذريه الصالحه يارب
والي يقولون تركيهم والله لو ماجابو عيال كان راحو
وتعالجو وصااحو
انتي استغفري ربك كثير وادعي لنفسسسسسك
ولاتخلين كلامهم ياثر عليييك
الله يوفقك ويسعدك يارب

[شموسه]

ياعمري

انتي ان اء الله تسمعين كلمه ماما


بس شنو السبب اللي مايخليج تجيبين اعيال وكم صارلج متزوجه

انا مثلج اول اول مره لقط وحملت وجبت وبعدهااا مااحمل الا بعد سنه وفي حركه سويتها وحملت

نتي شنو مشكلتج

انا بالاول لما جبت فرحت وبنفس الوقت حزنت

افكر فيهم بكره شيصير معاهم لما اموت
والله اني احاتيهم

من كثر مااحاتيهم تمنيت اني ماحملت

صدقيني لا تتعبين وتفكرين

اللي ربي كاتبه لج بيجيبه

[اتمنى اصير ام]

اشكركم خواتي على المرور
اختorchlt تسلمين يقلبي على الكلام الطيب
:
اختي شموسه انا المشكله مو فيني بزوجي الحيوانات المنويه عنده صفر وصارلي متزوجه سنتين

ولاتحاتين عيالج الله يخليج لهم ويخليهم لج يارب..

[دلوعة بالحيل]

انتي حضني نفسك واقري المعوذات
ربي يحميك ويحرسك من عيون الناس
و ربي يرزقك الذريه الصالحه عاجلا غير اجل

[شموسه]

مشكوره على الدعوه

ياعمري

طيب خليه يعالج

واهم شي انه يرقي نفسه كل يوم ويسمع صورت البقره 3 مرااات كل يوم

واهم شي الاسنغفارررر

ميه مره كل يوم

وكل يوم الصبح او على الريق 7 تمرااات ظروووري

يبعده عن العين والاسحار وتفيده

صدقيني سويله لمده شهرين او 3 شهور وشوفي ان شاء الله تحملين
وربي يرزقكم بتوام يارب

واما الحركه اللي اسويهااا


لما يجامعج زوجج خليه يجي من ورى وانتي على شكل لما تصلين وتقولين سبحان ربي العظيم شفتي الحركه هاذي وخليه يجي وراج بس يدخله في المهبل

وخليه يطول وادعي الدعاء الجماع

وبعد ماتخلصون حاولي زوجج يمسك ارجولج ويحطهم فوق على الطوفه


يعني ايدينج تحت وظهرج على الطوفه وارجولج فوق وخليه يثبتج لمده 5 دقايق صبري ماعليه

وتحملي

زوجي سواها لي بليله الدخله

ههههههههههههههه

وامه اللي علمته


وتخيلي على طول حملت

كان يجاهد بليله الدخله وشد حيله


شدوووووو حيلكم

وطمنيني عليج

[اتمنى اصير ام]

هلا اختي دلوعه اشكرك على النصيحه الحلوه والدعاء والله يسمع منج
تسلمييييييييييييييين

[اتمنى اصير ام]

اختي شموسه فديتج وفديت كلامج الطيب
واشكرج على النصايح وان شاء الله راح اسوي الي قلتي لي عليه

وراح اقول لزوجي عشان نسوس هالحركه لووووووووووول=<<<<استحيت

بس زوجج ماشاء الله عليه حده شايشههههههه الله يخليكم لبعض

[شموسه]

ههههههههههههههه

حده شايش

بعد العمر 31 كان يفكر بالعيال

وانا كان عمري 20

تخيلي الحين عمري 27

والشيب دارس شعري

الله يكون بعوني

[اتمنى اصير ام]

شدعوه شدعوه الي عمرها 27 الشيب تارس راسها؟؟!! حيل مكبره نفسج
توج ياحظي
لا تقولين هالكلام جدام زوجج ديري بالج

ايييييييه فهمت يمكن الشيب الي براسج من ورا زوجج وحركاته الخطيره هههه