تعالو اقولكم قصتي مع محاولة الحمل الي مضت سنتين كامله ونا اتخبط من علاج لخلطه ومن خلطة لعلاج
المهم راح ابدا قصتي بعد ولادتي بولدي علاوي الي قررت ما احمل بعدها الا ويصير عمره 4 سنين بعدها
قدر الله سبحانه اني في خلال هاذي السنين اصيب بالقولون التقرحي عندها قررت اني اركب لوللب هرموني
وجلس فيني الولب تقريبا سنتين اوسنه ونص ونا ما ركبته الا لاجل العلاج الي استخدمه لانه ماينفع احمل ونا اتعالج فيه
المهم الحمد الله شعرت بتحسن كبير وقررت اني اشيل اللولب عشان احمل وتركت علاجات القولون بعدها تقريبا ب7 شهور بعد ما تركت الولب
ماحصل حمل ورجعت انتكست حالت مرضي القولون بعدها قررت اخذ علاجات القولون بدون ما استخدم اي مانع للحمل واستمريت عالعلاج وصرفلي الدكتور مع
العلاج حبوب الكورتيزون الي سببتلي ضرر كبيييييييير جدا استخدمت الكورتيزون لمدة 6 شهور المهم هنا تاخرت مسالت حملي يمكن مضا علي بعدما تركت الولب
سنه ونص تقريبا وابد ماكان في بالي اني اروح اتعالج الا بعدما طلعت حماتي حامل هنا انهبلت لاني انا وياها ركبنا الولب بنفس السنه وشلناه بنفس الوقت
مع بعض وهي كتبلها الله سبحانه نصيب بالحمل قبلي بدون اي علاجات المهم هنا قررت اني اروح واسوي فحوصات بمجمع خالد الطبي وللاسف الشديد اني انصدمت ججججدا
لانو طلع عندي ضعف تبويض شديد جججدا لدرجة انقلبت علامات وجه الدكتورة يوم شافت التحاليل وقررت بعدها انو كمان زوجي يسوي تحليل عشان اشوف يمكن يكون
عنده ضعف او شي لا سمح الله بعدها للاسف كمان زوجي والحمدالله طلع عنده نسبة الحيوانات المنويه مشوهه نسبه 40 في الميه وطلع عندو ضعف في الحركة
كانت نسبة الحركه بين 20 و30 في الميه بصصراحه هنا انصدمت جدا ودارت فيني الدنيا ضعف عندي وعند زوجي بس كنت ضد الادويه ضد الكلوميد لانها تضعف اكتر واكتر
قررت اتعالج بالخلطات انا وزوجي تخبطت عاد بين خلطه وخلطه وكل فتره وفتره استخدم شي جديد وامل منه واتركه احيان اشرب عصير الاناناس وقت الدورة
احيان اشرب البردقوش والخلطه حقت الكمون والحبه السودا والحلبه استخدمتهاشهرين وقت الدوره والشهر الثالث مليت وتركتها بصصصراحه مليت من الاعشاب
وزجي سويتله خلطة العسل وحبوب اللقاح ومره ياخذها مرة وعشرة لا هنا قررت اروح للدكتورة واستخدم علاججها ...
رحتلها وصرفتلي فيتامينات وحبوب الكلوميد وقالتلي:
استمر على هالعلاج لمدة شهرين واخذ الكلوميد حق دورتين بعدها استخدمت العلاج لمدة شهر فيتامينات ويوم جتني الدورة اخذت الكلوميد بعدها تقريبا تاخرت دورتي بشكل موطبيعي
انا عادت تجيني الدورة كل 19 يوم لا هنا الحاله تغيرت ومضى 25 يوم الدورة ماجتني هنا عاد اتوهملي اني حامل واخذت جهاز تحليل الحمل وحللت وياخيبتي طلعت النتيجه سلبيه
عاد هنا تحطمت من جججججد وعلا كذا الدورة مانزلت الا بعد طلوع الروح هنا تاكدت انو اللكلوميد ضرني مانفعني وجلست اشرب البردقوش عشان تنزل الدورة ونزلت الحمدالله بعدا اصبت
باحباط شديد كل مابغيتها يمين جت يسار...
رحت لعمتي وقلتلها كل السالفه وعمتي iاذي كنت اثق فيها وانها على امل تلاقيلي حل لمشكلتي هاذي ....
حكيتلها كل السالفه بعدها ناظرت فيني وابتسمت قالتلي بالحرف الواحد حبيبتي انا مثلك انسانه لا بقدم ولا باخر انتي طرقتي كل باب ولاكن هل طرقتي باب الحي القيوم؟؟؟ كل الشكوى
الي قلتيها لي قوليها للرحمن الرحم وانتي في سجودك واطلبي من الله المعونه ربك رحيم كريم التجئي الى الله فانه خير معين وماراح يخيبك ...
المهم انا فكرت بكلام عمتي وعرفت اني فعلا غلطااااانه انا لو قدر الله لي بحمل راح احمل غصبا عن جميع المعوقات التي لدي وان لم يقدر لي ذلك ماراح احمل حتا لوماعندي اي مانع
سبحانه الحي القيوم الذي بيده امر كل شئ عندها تركت جميع العلاجات والتجئت لله وححده عز وجل والله يا بنات نزلت في نفس الشهر مكه اخذت عمره واليوم اللي بعده نزلت فقط للصلاه
والدعاء والصدقه متامله بان الله راح يشفيني من عنده وان يكرمني بالحمل ودعيت عند الملتزم وصليت بصحن الكعبه ودعيت وتوسلت لله عز وجل بعدها رجعت وكنت اقوم بعض اليالي بمنتصف اليل
وادعو الله وابكي واتوسل اليه بالدعاء واحمد الله الحي القيوم بعد تقريبا مرور شهر من نزولي الحرم ودعائي للحي القيوم استجاب لي الله فاحمده واشكره الي ماخيب رجائي ولا ضني فيه ونا الحين
حامل بنصف الشهر الثاني اسال الله ان يرزق كل محرومه الذريه الصالحه وان يتمم لكل حامل حملها وان يقر عيوني وعينكم برؤية احبابكم انه على كل شي قدير المعذره حبايبي انا طولت عليكم
بس حبيت افيدكم وتعيشو تجربتي الي عشتها ولو اني اخفيت بعضا من التفاصيل ولا كان قلبت روايه ..
حبايبي اي وحدة استخدمت علاجات ولا نفعتها تطرق باب الرحيم الرحمان لاتلجئي لغير الله سبحانه ...
اختكم " اطياف الورود