نزول السدادة ومافي طلق

[أم تركي2]

السلام عليکم ورحمة الله وبركاته

اخباركم ي حلوات....الله يسعدكم عندي استفسار وياليت تجاوبوني

نزلت علي سدادة الرحم ومن امس بطني متحجر بس مافي آﻵم طلق
وقبلها نزول افرازات بنيه وانتو بكرامه واحيان مع دم او قطره دم وحدها
طبعت هذا كله بعد كشف الدكتوره لي ( يعني هي السبب )
وانا اول ماشفت السداده فرحت وقلت ع طول للمستشفي
بس بحثت بالنت وقريت انه لو ما في طلق راح يعطوني طلق صناعي
وانا مجربه الطلق الصناعي عشان وقف نبض الجنين في اﻻسبوع9
ابغى آرآئكم اروح المستشفى وﻻ استنى وفي شي اشربه يحمي الطلق وﻻ

[أم زياد و أميرة]

حبيبتي الله يفكك على خير وولادة سهلة ان شاء الله
نزول السدادة لا تعني انك ستلدين بنفس اليوم ولكن هي علامة على قرب الولادة
ماتشربي شئ يحمي الطلق الا لما تتاكدي ان باب الرحم مفتوح نصيحتي ليك اتمشي كثير و خدي دش دافي بتولدي ان شاء الله

[ام دحومي1]

لاتروحي المستشفى اذا حركت البيبي طبيعي،اتمشي وكلي تمر

[حياتي توأمي]

والله يا أم تركي أنا مثلك
نزلت سدادة الرحم وللحين طلق جدًاً بارد
بين فترات متباعده
الله يسهل أمورنا يارب
شكلي خلاص بعد بكره موعد تحديد ولادتي وراخ آخذ طلق صناعي ربي يسترها معانا

[sukar]

عادي ياقلبي
مو معناته راح تولدي لو نزلت

بس يعني قرب موعد ولادتك
كلي تمر وامشي بخطوات متباعدة

تروشي بموية دافية الظهر والبطن وتدهني بزيت زيتون سخنيه مع حبة البركة

ربي يسهل عليكم

[وردة ابريل]

اشربي اشياء دافيه مثل الحلبه والقرنفل تساعد في فتح الرحم

انا مثلك شربتها بس تفرق من وحده لو حده

وامشي مشي سريع لو نص ساعه باليوم ويكون ع رمل احسن واستغفري كثير

الله يسهل ولادتنا ع خير

[demoshka]

لازم تروحي تشوفي اذا الرحم فاتح ولالا

في حوامل مابجيهم الام طلق قوية

[أم تركي2]

الله يسعدكم ويحقق امانيكم يارب
رحت المستشفى ﻻن خفت ع البيبي ﻻن بطني مرا متحجر كان والم بسيط ببطني بس ظهري مرا يألمني
وحسيت الجنين حركته مو كثيره المهم فحصتني قالت الرحم سميك ومو مفتوح غير 1 صانتي
قالت كثري مشي وﻻ تشربي شي وقالت لساتك بدري باﻻسبوع 38
ماادري اللي رحمها سميك تولد عادي طبيعي وﻻ

[أم القمر فيصل]

حبيبتى الله يقومك بالسلامة والبيبى
اعتقد اول البوادر نزول السدادة
ثم يلين رحمك شوى شوى ومن ثم يحصل التوسع لأثنين سنتى ثم ثلاثة وهكذا
واكيد لو ما توسع رحمك بعد الاسبوع 39
هتساعدك الدكتورة بتحاميل كل 7 ساعات تليين الرحم وتتابع التوسيع والطلق وتولدى وترجعى تبشرينا

[أم تركي2]

الله يسهل لي ولكم يارب
انا ماكنت ابغی طلق صناعي بس دحین مو مشكله الله يعين
واللي كاتبه الله راح يصير