نصيحة لكل مقبلة على عمليه أطفال الانابيب ..

[همس الآمومة]

السلام عليكم ورحمه الله وبركاته
انه عملت عمليه اطفال انابيب مرة وحدة و ( مستحيل ) اسويها مرة ثانية ..
مو معناتها قاطعه الأمل بربي ..
بس الا صار فيني مو شوية .. صادني احتباس سوائل وعدم التنفس و ترجيع واغماء وووو
سويتها عند دكتورة خلود الدرازي في البحرين الله يسامحها ..
كنا نبي بس علاج وعالجي الموضوع ودائما كانت تحبط فينا انه وزوجي
مع اني مافيني شي
زوجي السبب الرئيسي
و اذا اسالها سؤال نفس اللي مو عاجبها وترد علي بغير نفسية
يوم تصير طيبة و عشره ايام تقلب وجهها عليك
ما اكتب هالكلام لانها فشلت العملية
بس بصراحة اللي في خاطري بقوله
حتى لو نجحت بقول نجحت بس اسلوب الدكتورة مو حلو نهائيا


ولما فشلت العملية وش قالت " زوجش السبب لانه الحيوان المنوي ما يعيش " دام تدرين يا حرام يسمونك دكتورة ليش الحين قايلة والقهرررررررررر تقول روحو لدكتور محمد الدرزاي شاطر في هالشي ؟؟؟؟؟


يعني السالفة نصب في نصب تبي فلوس وتالي قالت اول زوجك يتعالج!!!!!

عجل شكنا نقول في البداية مانبي علاج !!!!



المهم ما اطول عليكم وافضفض الا في خاطري كامل لانه ما راح اكمل من القهر الا فيني

اهي حبطت فينا بما فيه الكفاية وفقدت الامل وقلت يلا بجرب ...

نصيحتي لكل مقبلة على هالتجربة وخصوصا اذا كانت توها متزوجة
1) اولا اذا كنتي متزوجة نصصصصصصصصصصييييييحة لا تستمعين للناس هااااا متى ؟؟؟ صار شي ؟؟ كلش طنشي
2) اذا كان السبب من الزوج اول عالجي المشكلة الا فيه يعني دوالي الخصيتين او اي شي فيه بيطلع عند دكتور التناسلي للرجال ...
3)لا تنحبطون وتستسلمون للعملية ..

والله يوفقكم جميعا يارب ...

[وطن.]

ي حياتي اناي
وربي حاسه فيك

بس صدقيني فيه الشاطر وفيه اللي همه الماده

وللاسف اغلبهم تكون اخلاقهم مع اللي يتعالجون زفت
والدكتور الشاطر يعرف انهم مو ناقصين
المفروض يحترمهم ويعطيهم جرعات من التفائل
وانهم ماجو عنده الا بعد مافقدو الامل من العلاجات

ونصيحه لاتقولين مابسويها مره ثانيه

انا اتكلم عن تجربه في مستشفى سمير عباس في الخبر
عند الدكتور سعد الدين قناوي
اتعب وانا اتكلم عنه قمة ب الاخلاق
والتعامل .. ويسمع لك ويجاوب ع كل الاساله


وربي يفرح قلبك ويكرمك ب الحمل

[همس الآمومة]

اي والله صدقتي اختي "وطن."
كفايه اللي فينا ويجون يحبطون فيك ويعاملونك باخلاق مو حلوة
الله كريم
الحين حاليا زوجي اللي راح يتعالج
واذا الله رزقني الحمدلله
واذا الله كاتب لي ما احمل بعد الحمدلله رب العالمين

[متفائله خير]

حبيبتي لا تقولين مستحيل ماتعرفين الخير لج وين ولا تزعلين نفسج للاسف بعد الاطباء عندهم جهل بالتعامل مع المرضي او يتاجرون بمهنة الطب ذكرتيني بطبيبه عندنا بمستشفي حمد اسمها ريم الكردي للاسف ماعندها اسلوب رحت لها مرتين وكانت عصبيه وماتتحمل اي اسئله تخيلي طلعت من عندها اصيح خوفتني وهونت بسببها عن العمليه لكني فكرت وقلت في نفسي ما اخلي طبيب يضيع علي كل شي ويكرهني بالعمليه ورديت احاول من جديد مع دكتورة ثانيه لاتخلين احد يخرب عليج احلامج وخلج قويه وتحدي كل شي واللي الله كاتبه راح يصير سواء كان بالعمليه او طبيعي سبحان الله تفائلي خير وتحدي كل الصعوبات والله يوفقج ويرزقج بالذريه الصالحه انشالله عن قريب بس اهم شي لاتياسي من المحاولات

[Orchid109]

والله ياقلبي
مادري من وين تليقنها من ذا الاطباء اللي مايخافون الله والا من ذا الناس اللي ماترحم

الناس سبحان الله وفي هالموضوع صارت ماتؤمن انو قضاء وقدر من الله وانه كاتب هالشي عليك عالجتي والا ماعالجتي
قضاء الله واقع لا محالة

والاطباء حسبي الله ونعم الوكيل مايشوف الحالة النفسية للمريض عينه على جيب المريض اخر همه صحة المريض
حسبي الله ونعم الوكيل

معليش حبيبتي
انتي خلي زوجك يعالج وانتي اخذي الفيتامينات والفوليك اسيد وكثري شرب ماء
ماتدرين يمكن ربك يجيب الخير

اياكي توقفي العلاج انتي وزوجك !

اختي ترى البحرين قريبة من السعودية مشوار ساعة او اقل

فيه مستشفى المانع بالشرقية فيه احد الاخوات هنا لها تجربة ناجحة بالمستشفى
وفيه مستشفيات بالسعودية ومراكز عقم كبيرة وموثوقة
حاولي تجربي حضك يمكن ربك يكتب لك الحمل في هالديرة الطيبة !

[مسك أبيض]

انا معك والله العملية متعبة نفسيا وجسديا انا الحمدلله مانجحت العملية وهذا قضاء وقدر اللهم لا اعتراض وصار لي مثلك طبعا الله يعزك اسهال و ترجيع واغمي علي ليلة الارجاع وكل ماتذكر اموت من الخوف والقلق بس لازم اعيدها حتى اكون ماما ان شاءالله ان العملية تكون سبب من بعد الله سبحانه وتعالى و ربنا يرزقني ويرزقك وكل اخواتنا المتاخرات .

[سوزان الرياض]

ياحياتي الله يعوضك
قولي الحمدلله ماتدرين وين الخيره فيه
الله الرازق مو هي ولا اي دكتور ثاني
صلي استخاره وتوكلي على الله واعملي الاسباب
وتعالي للسعوديه مركز ذريه عند الدكتور حمد

[ام ارجواااااان]

الله يريح بالك ويحقق لكما تتمنيه يااارب

[طفلة خذت قلبي]

يعطيج العافية

[ملكة بإحساسي]

مرحبا .. بصراحه في موضوع الدكتورة خلود انه اشهد احيانا اخلاقها حلوه و 10 ايام اخلاقها زفت

وفي المادة صدقتي الدكتوره ماااااديه الف

مره دخلت عليها عاطتني ابرة توقف النزيف بعد ما عطتني ابرة تنشط البويضات علشان السحب

انتكست حالتي وصابني نزيف 4 شهور مع العلم اني سليمه مافيني شي وكتشقت ان عندي لحميه
وقالت لازم اشيلها


وقبل العمليه عطتني ابرة توقف النزيف وقالت الابرة بتوصل الرحم لسن الياس لمدة 3 شهور وبعدها بيرجع الرحم لحالتة الطبيعيه

بعد العمليه رحت الها اوقل الها الم مو طبيعي قالت ما ادري شنو اعطيج وسحبة من عندي بيزات

وبدون ماتعالجني ولا تكشف عليي