تعبت معاه والله تعبت ؟؟؟

[اثيـريـآت]

السلام عليكم..
انا عندي مشكله تعبت فيها مع زوجي
وأبغى النصيحة والإرشاد بحالتي ؟

يابنات انا من ثلاث ايام قررت
ماعاد اكل مع زوجي
ولا اشاركه السفرة مطلقا اسوي له
الأكل واحطه وأخليه يأكل لحد مايخلص
وارجع أشيل وعايشه حياتي أقوم بالواجب
تجاهه وتجاه نفسي وتجاه بنتي المولودة
حديثاً ..
...
طبعا السبب لان زوجي مو راضي
يقربني من 3 شهور بدون سبب
بحجه انه حالته النفسيه سيئة
وماله رغبه بشيء لافيني ولافـي العمل ولافـي
اي شيء اخر
مات اخوه وانا بالأربعين
وتأثر بموته بس وقفت معاه وشاركته ألمه وحزنه
قدرته وقلت مسكين ماينلام حالته النفسيه
تعبانه بس شفته بعد فتره رجع لحياته الطبيعيهً
والحمدالله صاير افضل كثير
كل شيء رجع معاه تمام
الا انا ؟؟ تخيلوا من يوم
ولدت اول مولودة ليا من خلصت الاربعين
لحد ماصار عمر بنتي 3 اشهر
وهو ماقربني والله
تكلمت معاه بكل الطرق والله
كتابيا - وجه لوجه وترى مو اول مره
مره تصير حتى قبل الولادة
الفترة الاخيرة ماقبل الولادة
صار كذا ما يقربني
بالتدريج بدأها وأغلبها والله انا اللي أبادر
ولاهو مافكر
اول مره كانت مره بالأسبوع
بعد كل 10 ايام
بعدين بالثلاث أسابيع مره
بعدها بالشهر مره
وبعدها كل شهرين
والآن معدومة تماما
ليش يهجرني وش سويت له
مالنا الا سنه ونصف ماخذين بعض
وعن حب اخذنا بعض ماهو بغصب
كم مره قلت انا فيني شيء
قال لاوالله
المشكله فيه وواضح انها فيه
مو ضعف كل شيء يدل فيه
انه مو ضعف بس كذا إهمال
انا اشهد انه طيب وفيه مميزات حلوة
ومايقصر بس تعبت من إهماله وتقصيره
العاطفي ليا إنسان صامت
جاف بمشاعره ماكان كذا تغير
والله من نفسه حاولت بكل الطرق
اصلح بكل مااقدر عليه
وألف مره تكلمت معاه وتناقشت
بهذا الموضوع ولاحياة لمن تنادي
وآخر مرا يوم كلمته قبل 3 ايام
بهدوء وانا حاظنته
يقولي مالي رغبه
قلت طيب انا يعني مالي رغبه ؟!!
وقعدت افهم فيه ساعه انه مايصير هال جفاء
ويجرحني بهذا البعد ..الخ وساكت اقوله تكلم معايا يقولي اش اقولـ والله كأني أتكلم مع جثه ..!
استحقرته صرت ابكي خانتنني العبرة اقوله وش
المشكله قولي ما يتكلم ساكت تخيلوا
بالأخير قلت خليك لاتتكلم تبغاها حرب أبشر
وتركته ونام بدون مايحس فيني
انا رحت الصاله ابكي تعبت والله
لدرجه ان قلبي عورني من البكا
وذحين صرت مااتكلم معاه للضرورة
واحط غداه وعشاه لإطلبه مني
ويقول لي يعطيك العافيه وشكرا
يحاول قصده انه يرضيني بطريقه غير مباشرة
ولا يجي يقول نطلع كعادته طبعا اعرفه
عشان يمشيها عليا بحركاته قصده رضاني كذا
وانا مطنشته وعايشه حياتي وأقوم بالواجب
لانـي فعلا تعبت من صده وهجره لفراشي بلا سبب

ممكن تيجي وحدا تقولي طيب الأكل ؟

زوجي والله لو اظن يأكل فياغرا راح يبقي
على بروده القاتل هذا
وغير اصلا انا نفسي يجيني من نفسه

ولا ابغى اطلق منه طبعا مستحيل
اطلق وانا عندي بنت أضحي فيها عشان كذا
كل اللي ابغاه ابغى زوجي الاول يرجع لي
ابغاه هو ابغاه زي ماكان لي اول
عالاقل لو يحظني
لو يحسسني بانوثتي بديت احس
اني غير مرئية كل هالكلام قلته لزوجي بس مافادً
إذن من طين وأذن من عجين !!!!

انا تعبت والله يوم اشوف غيري تقول ماشاءالله
شكل زوجك بيطير فيك اليوم وغيرها من التعليقات
تعورني بقلبي اقولـ بنفسي
الحمدالله على كل حال محد درى عنه !!
طلعت من النفاس احسب اني مثل غيري
بيشتاق ليا قدرت ظرف وفاة اخوه وقلت مسكين تعبان
ماالومه بس انتظرت وانتظرت يعطيني وجه
ولا هو حولي ؟؟!
وش الحل مع هالانسان ؟!
واش رأيكم بتصرفي معاه ؟! شوروا عليا