حمل بدون وحام واستفراغ

[أم الحسين]

مساء الخير أخواتي الحوامل..الحمدلله دخلت الشهر الرابع..بس في شغله محيرتني اني للحين ولا مرة استفرغت بس مجرد غثيان ولا احس نفسي توحمت نفس الحريم بس مجرد تعب وارهاق هل هالشي طبيعي بليز طمنوني

[إيـمـان]

عادي حبيبتي احمدي الله على انك ماتشوفي الوحام
تعبه لا يستحمل
الله يتمم بخير يارب

[توفيا]

ياقلبي عادي انا ماشالله ماتوحمت ولاحسيت بشي الله يتمم علينا اللهم امين

[WAFA MAROC]

chi 3ady ana kaman matwahamt wala chi bas ta3ab w 2alam ra2ss alah yetamim lik w lina 3la khir

[golden eye]

نفس الشي و كنت بس ابكي اقول اللي في بطني مات ،، استغفر الله لاني حملت ما شاء الله بعد عشر سنين و رحت المستشفى قالت الحمدلله كل شي سليم بعد الكشف ، قالت اهم شي ما في دم ينزل عليك ،،، و لين الحين احيانا انسى اني حامل و لا اي اعراض من اللي البنات يقولو عليها ،، و لا اي شي ،،

[ماء حياتي]

انا مثلك مايجيني وحام ابد يادوب غثيان خفيف
وانسى كثير اني حآمل
لاتخافي ولاشي
الله يتمم عليك يارب

[عشرينية]

قولي الحمدلله
فيه بعض حريم مايتوحمون
تبارك الرحمن

[ريمي العالي]

الحمدالله انو ماجاك اكبر نعمه من رب العالمين
انا شهر رمضان والحين وانا ذبحني الغثيان والاستفراغ جوع وعطش ابد مانفع معاي اي شي ونفسيتي تعبت من الاستفراغ والغثيان
الله يديم عليك هنعمه

[أم الحسين]

مشكورات حبيباتي على ردودكم طمنتوني الله يطمن بالكم ويرزقكم اللي يسركم ويسهل حملنا يارب

[عبير اسماعيل]

عادي انا بحملي هاد مافي اي وحام عكس الحمل الماضي