تخثر الدم

[بنت الدلال]

اهلين كيفكم ان شالله بخير
حبيت اسئلكم لاني كثبر خايفه
انا احمل واسقط وسويت تحاليل خاصه للتسقيط وطلع عندي نقص في البروتين وتخثر بالدم بصراحه اول مره اسمع فيه ويقول الدكتور لازم ابر تحت الجلد واسبرين مع الحمل اللي مخوفني ابش هو تخثر الدم وهل هو خطير انا مرره خايفه طمنوني الله يريح بالكم ويسعدكم

[ام صـالـح]

ما تشوفين شر
ان شاء الله اللي عندها فكره تفيدك غلاتي
دمتي بخير

[دمعه غلا]

ماهو تخثر الدم :

تخثر الدم هو ردة فعل الجسم على إصابة ألأوعية الدموية والنزيف وهو يشمل جهدا متناسقا بين الصفيحات وعدد كبير من بروتينات التخثر في الدم (أو العوامل) من ضمن ذلك “العامل النسيجي” الذي يؤدي إلى حدوث تجلط الدم.

تخثر الدم الزائد يمكن يسبب كل من : ولاده جنين بحجم اقل من الطبيعي وعدم نموه بشكل كاف
موت الجنين في رحم الام
انفصال المشيمه عن جدار الرحم
تسمم الحمل
الغاليه علاج تجلط الدم الاسبرين وابر الهيبارين تحت الجلد حبيبتي الاسبرين لوحده مو كافي انا هاي المره راح اخذ الاسبرين والهيبارين معى ان تحاليلي كلهم سليمه
وبنت خالتي نفس حالتج عندها تجلط دم ويموت الجنين ببدايه الرابع 3 مرات وهاي المره اكتبولها الاسبرين والهيبارين
والله يعوضج يارب

[يارب عفوك]

اخذي الاسبرين من بداية حملك لإنه يعمل على سيولة الدم

وتوصيل الدم للجنين

وابر الهيبارين

وفي ناس عندهم تخثردم وخلفو عيال

بس اللي يموت ببطنهم اللي يكونو مو عارفين السبب الإ متأخر

ربي يشفيك يالغلا

[~~لحن الحياة~~]

حبيبتي دمعة غلا ما قصرت
وانت تعالجي عند دكتورة مختصة وخلي حملك يكون تحت اشراف طبيبة
وان شاء الله خير
اله يطعمك الذرية الصالحة غاليتي

[ماء زير]

وانا مثلك غاليتي يكون عندي تجلط في الدم مع اني جبت ثلاثه سليمين من دون تجلط

بس بعده صار يجيني التجلط وقت الحمل مات لي بنت في الخامس بسبب انفصال المشيمه وولد في الشهر الرابع

وكانو توام مات الاول قبله في شهرين ولا عرفت السبب

دكتوره الاهلى تقول لازم اخذ الاسبرين من اول الحمل ودكتوره الحكومي تقول مو لازم اخذ

الاسبرين وقالت لي اتركه مو محتاجتله مع ان كان حملي قبل الاخير اخذ ابر الهيبرين

ودكتوره الاهلي تقول لاتسمعين كلامها وخوذي الاسبرين وقي نهايه الرابع مات الجنين

وبكره عندي موعد مع دكتوره الحكومي وراح اشوف وش بيسوون لي من تحالين

وسبب موت الاجنه علشان اذاحملت مره ثانيه مايتكرر لي نفس الشي

الله يشفيني ويشفي كل مسلمه

اللهم امين

[بنت الدلال]

جزاكم الله كل خير
والله يطمنكم مثل ماطمنتوني
واشكركم على المرور والرد