افيدوني الله يسعدكم :(

[أم خالد7]

انا عمري 27 سنه متزوجه لي 8 سنوات لم انجب السبب من زوجي عنده ضعف شديددددددد المهم قررت اعمل حقن مجهري لما بدات في ابر التنشيط جلست تقريبا 9 ايام اخذها وبعدها فحصالدكتور حصل بويضتين بس والمفروض اقل شيء 5 بويضات ورفض الدكتور يكمل العمليه ..
سوالي؟
ليش ابر التنشيط ماجابت نتيجه معاي مع اني صغيره وسليمه؟

[ملاك الليل]

الله يعينك ويساعدك ، كل طبيب له طريقة في بعضهم عادي يكملون مع البويضه والثنتين ولو انه يصير الاحتمال بعدين بسيط يمكن ما يصير تلقيح أو شي ،،،وتخسروا المبلغ اللي دفعتوا على ولا شي، كل شي في خير من رب العالمين

ما أدري عن السبب والله ، كيف تغذيتك ؟ وعطاك الطبيب فيتامينات ؟
أو يمكن المنشطات ما اخذتيها في وقت محدد يأثر ،

ان شا لله يجي اللي يفيدك أكثر ، وبالتوفيق

[kamimi]

حبيتي انا عملت اطفال انابيب مرتين و في كلتاهما كان يطلع عندي 8 بويضات و في المرة الاولى اتلقحو 2 و المرة التانية اتلقحوا 3 و مانجحو العمليتين .. و لهاد انتي لما طلعولك 2 مارضى الدكتور يغامر و ربما في المرة الجاية رح يزودلك جرعة المنشطات تفائلي خير و ان شاء الله المرة الجاية ربي يوفقك و يتبتلك اجنتك و يرزقك بتوام تاممين الخلق و الخلق و يرزقنى و يرزق كل محروم ان شاء الله

[نونة البحرين]

في عوامل كثيرة لازم تحطينها في عين الاعتبار مثلاً تحليل الهرمونات
الحالة الصحية لك قبل و اثناء التنشيط و تحاليل الدم الشاملة بعد
عدد مرات التنشيط اذا كانت اول مرة يمكن جسمك ما تقبلها بالشكل الصحيح
لأن مع التكرار تتحسن النتائج بشكل ملحوظ (مجربة ٣ مرات)
و في المرة الجاية اسألي الدكتور اذا في طرق او ادوية تحسن من الوضع و تساعدك
الله يوفقك و يسهل امورك جميعاً
يا رب يرزقنا كلنا آمين

[مسك أبيض]

اعتقد والله اعلم ان في عندك تكيس حللي هرمونات ثاني الدورة والله يعوضك ويعوضني ويرزقنا يارب

[انثى تكره الظلم]

والله انا ما عندى اى فكره عن اطفال الانابيب
بس حبيت ادعيلك
اسال الله العلى العظيم القادر على كل شىء
ان يشفى زوجك ويكرمك بالحمل السليم المعافى عاجلا غيرا جلا
امين يارب العالمين انك انت على كل شىء قدير

[الغربة صعبة]

الله يرزقك يا رب
ويرزقني ويرزق كل وحده محرومه ...

[ward22]

عادي اللي حصلك .. ولعله خير
احيانا نوع التنشيط يناسب وحدة ومايناسب الثانية
الدكتور وقفها وماكمل معك لانه البويضات ماتطلع سليمة كامله فلازم العدد اكثر من 5 والافضل اكثر من 8 خصوصا انك صغيرة وبإذن الله سليمة وممكن تنتجي هالعدد ..
والفرصه افضل للتجميد ايضا ..
فهو بيعيدها بتغيير النوع والجرعات اكيد ..

انصحك قبل بدء التنشيط باسبوع تاخذي فيتامين سي ورويال جيلي والفوليك مرة باليوم
واسالي طبيبك اذا عادي تاخذين جلوكوفاج اقل جرعه مرة باليوم ..
هالاشياء تاخذيها لحد يوم السحب بس وتفيد بجودة البويضة باذن الله ..

اشربي ماء اقري عليه بنفسك
والله يكرمك ويتمملك خطواتك ع خير وتبشريننا ♥