نهاية التاسع ومافي طلق !!!

[استغفر الله 333]

السﻻم عليكم خواتي

انا بكريه وبقى لي يومين واخلص التاسع وابد مافي طلق وﻻ اي الم

رغم اني مشيت كثير وطلعت ونزلت ع الدرج كثير و آكل تمر

شنو اسوي عشان يجي الطلق وتتسهل الوﻻده بصراحه تعبت من اﻻنتظار

عطتني الدكتوره مهله ليوم 6 محرم وبعدها اذا ماولدت بتعطيني طلق صناعي وبصراحه خايفه كثير

احس كل شيء سويته بس مافادني شيء فيدوني الله يجزاكم من خيره

وشنو تنصحوني آخذ معاي للمستشفى لي وللبيبي

دعواتكم لي بتسهيل الوﻻده وتكون طبيعي ﻻني خايفه جدا الله يعديها على خير

[أم أحلى بنوتهـ]

الله يسهلك ياعسل

مالك الاتنتظرين

واستمري بالمشي والدعاااااء

[حامل بطفله حبيبي]

اخ حبيبتي أنا نفسج شوي واخلص التاسع مابقى لي شيء واحس تعبب من كثر المشي وطلوع الدرج وانسدت نفسي مالي خاطر امشي ولا اسوي شيء حتى مشروبات هلكت عمرري ولا حسيت شيء فادني لكن قبل فتره كان عندي موعد وقالتلي الرحم مفتوح شوي وبحاول اشرب اشياء تساعد الله يكون بعونا ويسهل علينا ولادتنا وتكون طبيعيه ياررب
اليوم جاني اسهال الله يكرم السامعين وغازات كثيرررره فبطني مادري إذا هذا بادر ولاده او شيء وعندي وجع بظهري واحس براس البنت ما اقدر اركع بالصلاه شيء يمنعني متحجر احس راسها يارب يعجل بولادتنا ويسهلها علينا

انتي تحسي بشي اختي يعني راس البيبي نازل بالحوض او لا ؟؟؟
والرحم عندج فاتح او لا

الله يسهل علينا يارب ونولد ونفرح بشوفه اطفالنا يارب

[استغفر الله 333]

تسلموا حبيباتي الله يسهل علينا و ع الجميع

انا الراس نازل بالحوض بس مافحصت كأن الرحم فاتح او ﻻ صراحه مدري

ﻻنها تسألني الدكتوره كأن فيني الم او ﻻ اقولها ﻻ تقولي امشي كثير

قلت لها تعبت من المشي ومافادني قالت انتظري واستمري ع المشي وان شاء الله ربك بيفرجها

صراحه خﻻص تعبت بدأت تتقلص اﻻيام مابقى شيء ع يوم 6 محرم ويوم عن يوم يزيد خوفي

ﻻن ماعندي اي بوادر وﻻده الله يجزاكم خير اللي عندها خبره ترد

قلت بشرب دارسين بس شفت في النت مكتوب مو زين اﻻ اذا بدأ الطلق ﻻنه يحميه اما غيره ﻻ

خﻻص بطلت اشربه خفت يجيب لي شيء بتوكل ع ربي والله يسهل ان شاء الله

الله يعطيكم العافيه اللي تعرف كم حاجه تفيدنا والله يجعلها في ميزان حسناتها

[مكتومه]

خليك على المشي والحركه والله يكتب لك الولاده السهله انتي بكريه لازم اول ولاده ماتجي بسرعه زالله يهون عليك

[استغفر الله 333]

تسلمي حبيبتي ع الدعوه الحلوه

الله يعطيك العافيه و يسهل ع الجميع ان شاء الله

[Ray00m]

وانا معاكم وخلاص طفششت زهققت يارب متى نولد
انا الان بالاسبوع الاربعين
واخر موعد لولادتي ٥ محرم يعني ٢٩ اكتوبر
اليوم راجعت قالت افحصك من تحت قلت لا خفت
انا الي اسويه امشي وافطر تمر كل يوم واشرب عصير اناناس ..
الي تولد تطمنا ...عشان نتحمسسس

[استغفر الله 333]

وانا مثلك ماغير فالحه في اكل هالتمر اصبح وامسي عليه هههههه

و ركبي انهدت من المشي خخخخ

ياااارب ياااااارب ياااارب مايجي بكرا هالوقت اﻻ كلنا حاضنين البيبي بين يدينا

[ندى الايام]

غريبه يابنات اش قصة ٦ محرم معانا هههههههه
وانا مكان موعد ولادتي ٦ محرم لكن مامشيت للاسف عندي الام بالحوض شديده
وراس الجنين كل ماله يضغط غير عن تورم رجولي من جد تعبااانه لكن صابره ومتحمله
ويارب لاتحرمنا الاجر
اليومين هذي زايد ضغط الجنين حاسه الراس نازل
وفيه الام مغص وبظهري تجي وتختفي بالساعات وترجع
وبطني يتحجر كثير
يلا يارب يسهل علينا جميعاً ونجي هنا نتباشر ونحمس بعض

[حامل بطفله حبيبي]

هلا بنات شكلنا كلنا نفس المواعيد بالولاده يارب نجي ونبشر بعض بالولاده ياررب يجينا طلق طبيعي ونولد بالسلامه ونشوف اطفالنا وهم بخير يارب
أنا احس بضغظ راس البيبي احسه ضأغظ لتحتتت عساها تجيني الطلوق أنا شربت دارسين وايد وما احس جاب نتيجه معاي بس بضلني اكل تمر ان شاءالله يجيب نتيجه