هل هذا إجهاض؟!

One O'Clock · 10-23-2014, 02:17 PM

السلام عليكم ورحمة الله وبركاته
كيفكم يآجميلات،!

خوآتي أنا بسألكم عن شي غريب صار لي الشهر اللي فات واللي هو:
إنه حصل جماع من بعد الدورة وفي أيام التبويض .. ومن وقتها وأنا بس أحس بآلام في الظهر ونغزات أسفل البطن وصرت بعدها أروح للحمام (وأنتوا بكرامة) كثيير ..
المهم،
سويت تحليل منزلي قبل موعد الدورة بيوم وماطلع لي خط ثاني قلت رح أصبر .. وتأخرت علي 6 أيام وسويت تحليل طلع لي خطين وماصدقت

..
هالكلام كان يوم جمعة وأقول لزوجي تكفى أبي أحلل دم قال لي مافي مستوصف فاتح اليوم جمعة ..

اليوم اللي بعده -السبت- سافرنا الفجر وأنا طالعه للطيارة شلت شنطة أم زوجي ووقتها حسيت بألم فظيييييع وأحس شي ينزل ، لما شفت طلعت افرازات لونها بني على أسود وقليلة .. قلت يمكن من أعراض الحمل ..
بنفس اليوم مانمت إلا ساعة ومع التجهيز للزواج ولما وصلنا الزواج غصبوني أرقص وقتها زاد الألم وماعدت أتحمل .. رحت الحمامات شفت وإلا افرازات بنية على أسود كثيييييرة وتخوَف..

اليوم الثاني ألم فظيع وعلى المغرب كذا نزل دم أحمر .. بس هالدم جلس 3 أيام بعدها صار ينزل نقاط فقط ..

لما رحت للدكتورة في اليوم السادس من نزول الدم طلبت تحليل حمل وطلع سالب، وقالت لي هذي دورة وماكشفت علي ولا شي،!

آسسسسفه طولت عليكم بس سؤالي:
هل هذي دورة عادية أم إجهاض؟!
وإذا كان إجهاض هل ممكن أحمل من الشهر اللي بعده لأني سمعت إن الإجهاض يسبب مناعة عن الحمل،!

فديييتكم انتظر ردودكم لآحد يسفه

Nonii_11 · 10-23-2014, 02:49 PM

هذي دورة
الاجهاض تنزل قطع وكيس الجنين ينزل
ولا احكيلك على الالم كانو ولادة

أم أحلى بنوتهـ · 10-23-2014, 10:07 PM

اقتباس:

المشاركة الأصلية كتبت بواسطة nova

هذي دورة
الاجهاض تنزل قطع وكيس الجنين ينزل
ولا احكيلك على الالم كانو ولادة

مو شرط قطع وكيس لانها بالبدايه

والدوره دم فقط

لكن الدم الاسود هذا علامة اجهاض والله اعلم

لكن مع احترامي لك ياصاحبة الموضوع تصرفاتك كانت خطأ

طالما عندك شك واحد بالمية بالحمل المفروض ماشلتي الشنطه ولارقصتي

الله يعوضك خير

ريحانة الجنة · 10-23-2014, 11:15 PM

الله يعوضك خير
يغلب ع ظني انه اجهاض والعلم عند الله
ايه عزيزتي ممكن تحملين بسرعة ومو صحيح ان يتاخر الحمل
ع المسقطة
ربي يقر عينك

One O'Clock · 10-26-2014, 08:48 AM

اقتباس:

المشاركة الأصلية كتبت بواسطة NOVA

هذي دورة
الاجهاض تنزل قطع وكيس الجنين ينزل
ولا احكيلك على الالم كانو ولادة

يازينــك يختي أول من رد على مواضيعي إنتي

أنا مدري قلت يمكن مانزلت قطع لأني كنت ببداية الحمل،
وبالنسبة للألم كان ألم فظيييييع حتى زوجي انهبل من شكلي قاعدة أتلوّى

ههههه
ويعطيك العافية على الرد،

اقتباس:

المشاركة الأصلية كتبت بواسطة أم أحلى بنوتهـ

مو شرط قطع وكيس لانها بالبدايه

والدوره دم فقط

لكن الدم الاسود هذا علامة اجهاض والله اعلم

لكن مع احترامي لك ياصاحبة الموضوع تصرفاتك كانت خطأ

طالما عندك شك واحد بالمية بالحمل المفروض ماشلتي الشنطه ولارقصتي

الله يعوضك خير

أختي أم أحلى بنوته <~ الله يحفظ لك بنوتتك

يعطيك العافية ع الرد، وبالنسبة لاستفساراتك:

1- أنا شلت الشنطة لأن أم زوجي سافرت معانا وجابت شنطتين .. زوجي شال شنطتين وبقت شنطة ومستحيل أخلي أم زوجي تشيلها ( هي كبيرة وتعبانه الله يشفيها)
2- بالنسبة للرقص .. كنا جالسين في العرس على طاولة مليانه (خالات زوجي وعماته وغيرهم) وعمتي قامت ومدت لي يدها مع إني رفضت بالبداية بس بعدين وافقت لأني ماأبي أحرجها قدام الحريم ..
يعني كل شي صار غصبن علي والله .. وهذا اللي ربي كاتبه

اقتباس:

المشاركة الأصلية كتبت بواسطة ريحانة الجنة

الله يعوضك خير
يغلب ع ظني انه اجهاض والعلم عند الله
ايه عزيزتي ممكن تحملين بسرعة ومو صحيح ان يتاخر الحمل
ع المسقطة
ربي يقر عينك

ياربي يسسعدك ياشيخة عطيتيني أمل

ويعطيك العافية ع الرد والدعاوي الحلوة،

أم أحلى بنوتهـ · 10-26-2014, 11:33 AM

لاياعسل ماهو غصب عنك

بخصوص الشنطه بامكان زوجك يشيلهم كلهم

وبخصوص الرقص كان قلتي لهم علي الدوره وتعبانه

سهله جدا اختلاق الاعذار المهم صحتك ولاعاد تعيدينها مره ثانيه لانه لو لاسمح الله صار لك شي محد بينفعك

One O'Clock · 10-26-2014, 11:46 AM

اقتباس:

المشاركة الأصلية كتبت بواسطة أم أحلى بنوتهـ

لاياعسل ماهو غصب عنك

بخصوص الشنطه بامكان زوجك يشيلهم كلهم

وبخصوص الرقص كان قلتي لهم علي الدوره وتعبانه

سهله جدا اختلاق الاعذار المهم صحتك ولاعاد تعيدينها مره ثانيه لانه لو لاسمح الله صار لك شي محد بينفعك

هههههههه يازينك وإنتي تهاوشيني

ياأختي حاولي تتذكرين كيف كنتي ببداية زواجك .. بالله عليك ماكنتي تجهلين بعض الأمور؟!
أنا ترا محد كان يدري عني غير زوجي .. وأنا وياه كل واحد أفهى من الثاني،!

بعدين ماتأكدت إني حامل وإلا كان ماسافرت من الأساس،!!
إنتي تقولين هالكلام سهل عليك بس لو كنتي في نفس موقفي بتحسين فيني،
يعني سالفة الشنطة، كان وراي ناس بيركبون الطيارة وزوجي طلع الدرج أخذت أنا أصغر شنطة وطلعتها وش تبيني أقول؟!

أنا صح المفروض إني أكون أكثر اهتمام بس جد والله ماكنت أعرف ولااا شي ولا كنت أدري إنه هالأشياء البسيطة ممكن تسبب لي مشاكل!!

مشكوورة على ردك وتفاعلك،
وبس خلاص لا تحسفيني ترا خلقه ضايق صدري

أم عبد العالي · 10-26-2014, 07:21 PM

اختي في الله للاسف هذا اجهاض في بدايته الله يعوضك خيرا منه لانه صار معي نفس الشيء في اجهاضي الاول اما الثاني كان لدي ثلاثة اشهر و كان بداية الاجهاض دم اسود و خيوط دم سوداء الله المستعان
اللهم اجرنا في مصيبتنا و اخلف انا خيرا منها
اللهم آمين

ام جوري&& · 11-05-2014, 01:18 AM

ماعندي علم ان شاءالله تلقي الافاااده عند البنااات..

ندى الوردة · 11-08-2014, 08:29 PM

ما أطيب قلبك اختي الله يعوضك بألف خير يارب ولاتزعلي نفسك حتى لو كان حمل اكيد كان ضعيف ورح ينزل اذا نزل من شنطة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
إجهاض الجنين بدون ألم ، إجهاض الحمل بدون ألم ، الاجهاض	بنت الوادى	منتدى الولادة المبكرة والإجهاض	0	09-20-2012 04:01 PM
هل هذا إجهاض....	تـوووجي	منتدى الولادة المبكرة والإجهاض	6	05-01-2012 01:46 PM
هل هو بداية إجهاض	حكاية	منتدى الولادة المبكرة والإجهاض	4	04-27-2012 11:41 PM
هل أنا حامل بعد إجهاض ..!!	أشتقت ان اكون أم	منتدى أعراض الحمل والوحام	8	12-31-2011 05:05 PM