سويت تلقيح صناعي .. هل أنا حامل ؟؟

[حبيبة عزوز]

السلام عليكم ورحمة الله وبركاته ..

بنات أنا وزوجي سليمين مافينا شي .. بس ما حملت ..

قررت الدكتورة تسوي لي تلقيح صناعي لما ما ضبط معاي الطبيعي ..

المهم اليوم 15 من يوم سويت التلقيح ..

وموعد الدورة ..

بس ما نزلت .. والأعراض اللي أحس فيها كأن علي الدورة بس بدون لا ينزل شي ..

تعب على عوار ظهر على شوية غثيان ونغزات بالجنب اليمين ..

تعتقدون حامل ؟؟ وإذا أحلل الحين يبين معاي ؟؟

منو عندها نفس أعراضي وحملت من التلقيح .. والله يجزاكم كل الخير يارب ..

[أم التوأم]

ياااااااااااارب حامل وانا معاكي طيب متى وقفتي حبوب التثبيت الي يعطونها بعد التلقيح ولو حللتي الحين بيبان بحول الله انا مثللك مسويه تلقيح صناعي لي اليوم 3ايام بس ومن اليوم حاسه بغصيان وجوع غريب وكسل ومدري حاسه اني محتاسه مدري اشفيني بالضبط طبعا اكيد بدري وغالبا من هرمون الحمل الي ياالابره التفجيريه بس يارب لا يضيع لنا تعب ونطلع حوامل انه على كل شيء قدير انا ثالث محاوله والحمدلله على كل حال ..

بتابعك ويارب تبشريني وبتفائل فيكي ان شاء الله يالله توكلي على الله وحللي حتى لو منزلي بيبان بحول الله تشوفين الخطين

[سموة الشوق]

انتي مسوية تلقيح صناعي ولاأطفال أنابيب؟؟

اللي اعرفه بأطفال الأنابيب
بعد الترجيع ب14 يوم تسوين تحليل الحمل ويبان معاكي


بس التلقيح الصناعي ماعندي معلومة بالضبط متى تسوين التحليل

ان شاء الله البنات اللي مروا بتجربتك يفيدوكي اكثر

والله يكتب لك الحمل السليم بالذرية الطيبة من عنده

وعلى الأعراض اللي قلتيها كثير حريم يكونوا حوامل ومثلك يحسون بأعراض الدورة ويطلع حمل

ان شاء الله حامل
يارب يارب يارب

ولاتنسين تبشرينا يالغلا

[حبيبة عزوز]

أم التوآم .. الله يرزقك يارب ..

أنا بأول أسبوع تعبت حيل وكله ظهري يعورني ..

وثاني أسبوع أختفى كل العوار والتعب عادي جداً ..

أمس بالليل بلش الألم يشبه ألم الدورة لما تنزل علي من عوار ظهر وغيره ..

وخذيت تحاميل مثبتة خاصة بهرمون البرجستون أعتقد لمدة 14 يوم بس ..

والله يرزقنا إن شاء الله .. :)

[حبيبة عزوز]

هلا حبيبتي طيف ..

لا يا عمري أنا مسوية تلقيح صناعي ..

إن شاء الله يارب ..

ودي أسوي تحليل بس زوجي ما يرضى لأنه تعب من كثر ماسوي تحليل وما يطلع شي ؟؟ :(

[somia]

أختي انتظري وان شاء الله حامل ولو قدرتي حتى تجيي تحليل المنزل جيبيه واطمني وطمنينا

[نسمة الصباح]

والله ما عندي فكرة ان شاء الله تكونين حامل واتبشرينا حللي نحن بلانتظار

[*رحمه*]

انا كمان عملت تلقيح صناعي مرتين و اول مرة ما نجحتش معايا و لسه مستنيه اشوف نتيجة تاني مرة يااااااااااااارب ارزقنا من واسع فضلك يارب العالمين ولا تحرمنا

[حبيبة عزوز]

بنات أشكركم على ردودكم الحلوة ..

والله يرزق الكل يارب ..

وزوجي أمس ما رضا أسوي تحليل ولا حتى منزلي ..

وناطرة والله كريم ..

ادعولي بنات بليز .. :)

[ندى السعوديه]

بنات ايش هو التلقيح الصناعي ؟؟

وكم تكلفته ؟

ومن متى اسويه ؟؟؟؟


والله يرزقك بالحمل يالغاليه عاجلا