مشكلة خطيبي وحبه القديم :(

[هموم]

السلام عليكم ..

بدخل بالموضوع بسرعه انا م سجلت بالمنتدى الا عشان

اشكي لكم همي :( واتمنى منكم تساعدوني او ع الاقل افضفض

لكم !

خطيبي احسه مايبيني ومغصوب علي !!

بقولكم السالفه ومافيها

ان خطيبي كان يحب وحده مده اربع سنوات !

وكان يعشقها موت حتى تقدم لها بس تركو بعض والسبب

ان البنت قبل التحليل بفتره داقه عليه ومخليته يجيها بييت

اختها وطلبت منه انه يدخل عليها - ماقدر اوضح اكثر-

هو ماوافق وتركها وهو معصب !

عقب ارسلت له رساله وقالت له فيها ( خلاص مابيك ولاتحرج اهلك ويرجعون مره ثانيه)

عقب شهر من هذا دقت عليه واعتذرت وبكت وهو مارضا

يسامحها !

الحين ندخل بالموضوع حقي ومشكلتي انا

مشكلتي انه محسسني انه وجودي ماله داعي كلش مو معبرني ولامعطيني وجه !!

سويت كل شي يقربني منه بس مافي فاييده !!

قلبه مع هذيك مو معي !

طبعا هو م تركها عشان انه كرهها هو تركها يوم درا انها

قليلة حياا وم ظن في رجال بيرضا بوحده كذا !

تخيلو طبعت صورته على قلاده ولبستها مافاد وياه

رسمته -انا رسامه- هم بعد مافاد وياه

اهتم فيه وكل اسال عنه -مافاد وياه

يعني شسوي له !!

تخيلو مره كتبت اسمه ع يدي وصورته طبعا مكشخه الصوره

وكذا كنت متحمسه اشوف رده

قالي : حلوه !

بعدين ع طول غير الموضوع وسالني طلعتي مكان اليوم ؟

احس انقهرت حيل وربي

وامس كاتبه له 6 سطور كلام وحب ووو

يوم دخل م كانه شاف الكلام و كاااتب لي كيف الحال ؟

والله ودي اصيح من القهر !!

انا خطيبته ماسوا لي ربع اللي سواه حق هذيك

تخيلو كل اسبوع كان يجيب لها هديه وجوالاتها منه هو

ومعطيها رقم فاتوره-شريحه جوال- ويسدد لها اخر الشهر وكله يحول لها

فلوس ب حسابها كل شهر !!

وانا خطيبه !!مو معبرني انا مابي هدايا الحمدلله شايفه نعمه بس

م بي يحسسني ان وجودي ماله داعي !!

قبل يومين كلمته فون اخر الليل وجلس يقولي كلام حلو

وقالي احبك فرحت مره بس حسيت انه كلامه كان شهوه

يعني وهو يكلمني كان مشتهي ! يعني مو من قلبه

اليوم الثاني رجع الحال زي قبل واخسسس !!

امس اكلمه يقولي انتظريني بتعشا برجع خلاني انتظر 4

ساعات ويوم رجع قرا الكلام ولا رد علي !

خلاص انا هالانسان فقدت املي فيه حبه كله خلصه ع حبيبته

هذيك م عنده شي يعطيني ياه مشاعره نساها مع هذيك

المششكله ليه خاطبني اجل عشان يعذبني ؟

انا بصراحه خلاص مابي اذب نفسي عليه اكثر !

كرامتي صارت بالارض !

بالله قولو لي حل ي جماعه الخييييير

لاحد يقولي انفصلي منه لانه مستحيل لاسباب كثيره

تعبت تعبت :(

[Nonii_11]

__

والله الحل الوحيد الفسخ
وعيال الحلال كثيرررر .

مشكلتك معقدة اذا مافي فسخ ، الله يحنن قلبو عليكي '

[هموم]

المشاركة الأصلية كتبت بواسطة NOVA

__

والله الحل الوحيد الفسخ
وعيال الحلال كثيرررر .

مشكلتك معقدة اذا مافي فسخ ، الله يحنن قلبو عليكي '

اميييييييييييييييين

[إيـمـان]

شو بتقصدين بمخطوبة يعني خطوبة بس ولا كتب كتاب؟؟
اذا بس خطوبة كلميه بصراحة واسأليه سؤال واضح وصريييح
تحبني و تريدني عنجد زوجة الك ولا لا؟؟ و أكسيدي من جوابه رح تعرفين اذا بيحبك عنجد
كل اللي قلتيه ما يعني انه ما يحبك
يمكن مايعرف يعبر بالكلام
و اذا تأكدتي انه مابيحبك و قلبه لسه متعلق بالتانية لااا تترددي بالانفصال
الانفصال الحين أهون من بعد الزواج ولا لما يكون في أطفال
اولاد الحلال كتار و الف واحد يتمناكي

الله ييسرلك أمورك يااارب ويسعدك

[بلح الشام]

صلي استخارة لان الله وحده هو اللي يعلم الغيب ويعلم باللي جاي
زوجي كان يحب وحدة قبل الزواج وتركها في فترة الخطوبة ورد لها عقب الزواج
بس مع الصبر والدعاء رد لي ونساها تماما
راح يكون الموضوع صعب عليكي مثل ماكان صعب علي
بس كل شي بالوقت بينحل
والحب مستحيل يجي بسرعة فلا تستعجلي الأمور
هو فقد الثقة بالحريم عقب اللي صارله
يباله وقت لين ترجع الثقة
الله يسعدك يارب

[احاسيس ورده]

انتي لزم تشيلينها من بالك واذا جاب طاريها قفلي الموضوع لا تسمعين شي عنها
وفكري بزوجك انها هذي شخصيتو وحاولي تتعاملين معاه علي انو مايعرف يعبر حاولي يوم تنشغلين عنو ولا تسالين
شوفي نفسك عليه خليكي وثقه من نفسك لا تخلين كل جوك رومنسيه وكذا خلي مكالمه ضحك وتكلمي فيها عن نفسك وعن مواقف مضحكه لا تعطينو فرصه يتذكر الماضي
وعليكي بلاستغفار
وغير كذا اذا جابلك طاريه قولي لو سمحت ماحب اسمع عن شي ماضي وانت رميتو انت مقتنع

[هموم]

المشاركة الأصلية كتبت بواسطة إيـمـان

شو بتقصدين بمخطوبة يعني خطوبة بس ولا كتب كتاب؟؟
اذا بس خطوبة كلميه بصراحة واسأليه سؤال واضح وصريييح
تحبني و تريدني عنجد زوجة الك ولا لا؟؟ و أكسيدي من جوابه رح تعرفين اذا بيحبك عنجد
كل اللي قلتيه ما يعني انه ما يحبك
يمكن مايعرف يعبر بالكلام
و اذا تأكدتي انه مابيحبك و قلبه لسه متعلق بالتانية لااا تترددي بالانفصال
الانفصال الحين أهون من بعد الزواج ولا لما يكون في أطفال
اولاد الحلال كتار و الف واحد يتمناكي

الله ييسرلك أمورك يااارب ويسعدك

مخطوبه وكاتبين الكتاب :(

[هموم]

المشاركة الأصلية كتبت بواسطة بلح الشام

صلي استخارة لان الله وحده هو اللي يعلم الغيب ويعلم باللي جاي
زوجي كان يحب وحدة قبل الزواج وتركها في فترة الخطوبة ورد لها عقب الزواج
بس مع الصبر والدعاء رد لي ونساها تماما
راح يكون الموضوع صعب عليكي مثل ماكان صعب علي
بس كل شي بالوقت بينحل
والحب مستحيل يجي بسرعة فلا تستعجلي الأمور
هو فقد الثقة بالحريم عقب اللي صارله
يباله وقت لين ترجع الثقة
الله يسعدك يارب

ان شاء الله والله يحنن قلبه علي :(

[هموم]

المشاركة الأصلية كتبت بواسطة احاسيس ورده

انتي لزم تشيلينها من بالك واذا جاب طاريها قفلي الموضوع لا تسمعين شي عنها
وفكري بزوجك انها هذي شخصيتو وحاولي تتعاملين معاه علي انو مايعرف يعبر حاولي يوم تنشغلين عنو ولا تسالين
شوفي نفسك عليه خليكي وثقه من نفسك لا تخلين كل جوك رومنسيه وكذا خلي مكالمه ضحك وتكلمي فيها عن نفسك وعن مواقف مضحكه لا تعطينو فرصه يتذكر الماضي
وعليكي بلاستغفار
وغير كذا اذا جابلك طاريه قولي لو سمحت ماحب اسمع عن شي ماضي وانت رميتو انت مقتنع

اغير طاريها يمه بس هي للحين بقلبه :) والله مب مقصره معه بالسوالف بس مب متقبلني عجز يحبني !!!

[ayato]

الله يعينك حبيبتي مادري،شقولك اصبري ان الله مع الصابرين