طريقتي المجربة و المضمونة للحمل !

[برحمتك استغيث]

بسم الله الرحمن الرحيم
السلام عليكم ورحمة الله وبركاته
انا من متابعات هذا من المنتدى مُتابعه عن بعد :)
من فترة كانت محاولاتي بالحمل تفشل ودايما تحليل الحمل سالب حتى بدأ يدخل قلبي خوف من انه مستحيل يجي اليوم الي أشوف فيه التحليل موجب صابني تقريبا نوع من الاحباط وقررت اروح لدكتورة نساء شاطره عشان اعرف ايش مشكلتي بالضبط !!
بعد التحاليل والفحوصات اللازمه تبين ان عندي تكيس في المبيضين ولله الحمد :) وعندي ارتفاع بسيط في هرمون الحليب كان 26 .. الدكتوره كانت سلبيه وقالت بعد ماتجيك الدوره راجعينا نشوف ايش الاجراء اللازم ..
رجعت من عندها متضايقه حيل خاصه بعد ماعرفت ان هالاشياء الي طلعت معي ممكن تاخر الحمل ؟
بعدها بيوم قررت اتوجه لربي بيقين تااام وايمان بان الله هو القادر على كل شيء والله يقول للشيء كن فيكون ..
بدات اقرأ سورة البقرة بمعدل شبه يومي او كل يومين وقريت سورة مريم واكثررررت من الاستغفار وانا انظف وانا اشتغل اذا جيت انام بكل وقت تقريبًا ..
بديت اوثق يقيني بالله ، استشعرت كلام الرسول عن الله بانه احن من الام على ولدها ؟ تخيلت اني وقفت عند امي وبكيت وطلبتها شي بالحاح بتردني ؟ والا بتحن علي ؟؟ كيف برب الارباب وهو احن من هالام علي .. استشعرت هالشي وصرت ابكي بين يدي الله من قلب ارتجي عطفه ورحمته بي ..
اكثرت من الدعاء ونذرت الصيام و القيام لله اذا قبل دعائي ورزقني بالحمل السليم ..
استشعرت عظمت الله في كل شيء ..
بنات ..
بديت احس اني قريب من الله واستشعرت توجهي له وحده بعيدًا عن هذا العالم باسره ؟
بنات ..
والله
والله
والله العظيم
بنفس الشهر هذا حملت .. من غير علاج ولا ادويه ولا زيارات للاطباء ؟
يا بنات .. الله قال ( استغفروا ربكم انه كان غفارا يرسل السماء عليكم مدرارا ويمددكم بأموال وبنين )
ربي قال كذا بكتابه وعدنا اذا لزمنا الاستغفار بنيه صادقه راح يرزقنا ؟ وينا عن هالوعد !!!! لو يجي شخص ثقه ويوعدك بشيء معين بتتيقن من انه راح يوفي بوعده وهو بشر ؟ كيف بخالق هالبشر ؟ كيف اذا وعدنا بشيء ؟
خلاصة كلامي يا بنات
استشعروا
استشعروا
استشعروا ضعفكم امام الله وبين يديه
استشعروا حاجتكم لله
وتيقنوا با الله راح يستجيب لكم
الله عند حسن ظن العبد به فاخسنوا ظنكم به ؟
من اليوم حطي في بالك ان الله ماراح يخيب ظنك وثقي فيه ثقه كامله وادعيه وابكي بين يديه وتصدقي واستغفري وراح تشوفين فضل الله عليك ..
كتبت هالموضوع لاني كنت اتخبط بعيد عن الله
نسيت انه من بيده كل شيء
ولاني كنت قريب من هالقسم من بعيد
حبيت اذكركم كلكم بالشيء الي نسيته فتره .. يمكن مانسيتوه بس تيقنوا بالله انه ماراح يخيبكم وراح تبشرونا كلكم قريبا بالحمل ..
دعواتكم ،