افف بنات تعبت مو راضيه احمل

[ابي بنوته]

السلام عليكم ورحمة الله وبركاته

طبعا انا كنت كاتبه قبل موضوعين واحد منهم
كان حساب ايام التبويض
وللاسف لي اللحين قريب السبع شهور احاول احمل مو راضيه احمل
مادري ليش شنو السبب
مع ان انا وزوجي الحمدالله مافينا شي وعندي ولد من قبل
والايام تمر ولدي قاعد يكبر وانا ودي احمل عشان مايصير فرق كبير بينه وبين اخوه
بس الله ماكتب لي حمل الى اللحين وباقي عالدوره يمكن اسبوع
فأذا عندكم شي يساعدني وينشط المبايض هالفتره اكيد مو حبوب ابي اشياء طبيعيه
انا دورتي 17 دايما تجي ب17 منتظمه حيل او 16 مو اقل ولااكثر وتظل خمس ايام بس واطهر تكفون رجعو حسبولي متى ايام التبويض بالضبط وانا ابي بنت انشالله والله كريم ...وابي اشياء طبيعيه منشطه ..
مشكورييييين

[الجوريه]

الله يرزقك ويرزق كل محروم يااااارب

[ندى السعوديه]

الله يرزقك يالغلا ويرزقني ويرزق كل محرومه

اللهم آمين


استغفروا يالغاليات /

استغفر الله الذي لا اله الا هو الحي القيوم واتوب اليه

اللهم اغفرلي ولأمة محمد

اللهم اغفرلي ولأمة محمد

[امنيه تتحقق]

اختي اولا هداك الله
لاتياسين من رحمة الله وانتي الحمد لله معاك طفل من اول وش تقولين لي ست سنوات ماحملت وماعندي عيال
اولا ارضي بما كتب الله لك
ثانيا اوصيك ونفسي بالابتعاد عن التفكيررررررررر بالحمل
ثالثا انا جالسه استخدم مطحون القسط الهندي يمدحونه مره وكل شي ع الله استخدميه واقري عنه بقوقل واختاري الطريقه اللي تناسبك واكثري من الاستغفاررررررررر

[ابي بنوته]

مشكورين بنااااااااااااات والله يعطيكم الف عافيه
والله يرزقني ويرزقكم ويرزق كل محرومه بالذريه الصالحه

[chokolatah]

راجعي عند دكتورة تشوف لك هرموناتك
هرمون الحليب والغده
وزوجك خليه يسوي تحليل للسائل المنوي ممكن تغير فيه شيء
واشربي من اول يوم الدورة بردقووووووش يوميا كوب او اكثر احسن
من اول الدورة الين تجيك الدورة اللي بعدها
واستمري عليه
وكمان الزنجبيل مرة كويس لو تخلطي مع البردقوش كمان كويس
وانسي الحمل وعيشي حياتك سبحان الله الشيء اللي ننساه يجينا على طبق من ذهب
((تمنى الموت توهب لك الحياة ))
انا كنت مثلك وجلست ست سنوات احاول وماخلينا شيء ماسويناه ودايم نطلع سليمين الين اخر شيء
قررت اسوي اطفال انابيب بس سبحان الله كنت دايم ادعي ربي يرزقني بالحمل
من غير اي شيء اسويه
ونسيت الموضوع بس كنت ادعي كثير والح على الله بالدعاء واتصدق بنية الذرية الصالحه
الصدقه والدعاء والاستغفار والله مثل السحر بعدها الحمد لله ماشاء الله حملت والحين بالسابع يارب تمم علي وعلى الجميع
عيشي حياتك وانسي الموضوع ووكلي امرك لله ..

[دمعة حرمان]

انا حالتي مثلك
حملت بولدي الوحيد من اول شهر
وبعد ما فكرت احمل بالثاني توقعت من ال او ثاني شهر
لكن الله ما اراد ظليت 9 اشهر تقريبا بعدها رحت لدكتورة نساء سوت لي تحليل طلع كل شي سليم
طلبت من زوجي تحليل السائل المنوي وكانت الطامة الكبرى
عنده ضعف في الحيوانات المنوية

سووا التحاليل لك وله حتى تطمنوا ولو كانت فيه مشكلة لا سمح الله تتعالج بسرعة قبل ان تتفاقم

عذرا ع الاطالة اختي

تحياتي

[ابي بنوته]

chokolatah يعطيك العافيه حبيتي انشالله اجرب البردقوش والله يتمم لج على خير وتولدين بالسلامه

دمعة حرمان مشكورة حبيبتي الله يرزقج يارب بالذريه الصالحه ..

[تعبت اعاني]

الله يرزقك ان شاء الله احسك ضاغطه على حالك بالتفكير وموتره نفسك.
انسي الموضوع وكل ماجاء على بالك استغفري علشان تبعدينه من تفكيرك وان شاء الله تحملين خلك متفااااااااااائله دوم وادعي الله وانتي فرحانه وسعيده ومطمنه بان الله راح يرزقك ولا راح يخيب رجائك..

[ابي بنوته]

مشكورة تعبت اعاني الله يوفقك حبيبتي
بحاول اشغل نفسي مع ان شاغل كل تفكيري بس بحاول اللهي نفسي