اللي معذبها غثيان الحمل تدخل وتدعيلي

[نعمة النسيان]

السلام عليكم ورحمة الله وبركاته ، تقريباً اول موضوع ومشاركه لي بالعاده متابعه فقط

طبعاً اللي خلاني اكتب لكم هو العذاب اللي مريت فيه عسى مايمر على احد فيكم يارب ،

انا حامل في الشهر الثالث تقريباً ومن دخلت الثاني شفت الويل غثيان واستفراغ ولوعه ماخليت شي مااستخدمته الموز والتفاح والبسكوت الناشف والشابوره ولا فيه نتيجه كلمت دكتورتي وعطتني نيفادوكسين ولا فاد معاي رجعت لها واعطتني بريمبران تقول اقوى ونفس الشي مافي نتيجه وجلست اتعذب دمعتي على خدي ماغير ادعي واستغفر لين الله هداني واثناء ماافتش في المنتديات لقيت مشاركه لوحده من الاخوات ماحفظت اسمها لكن الله يفرجها عليها وين ماتلقي ويجعلها في موازين حسناتها ، كاتبه جربوا التمر الهند لانه يريح المعده وبالفعل اخذته اكل وشراب صرت اخذ كسره احطها في فمي لين تذوب وانقع منه شوي في قارورة مويه واشرب منها طول اليوم
ياربييييييي ماصدقت اني ارتحت ونشفت دمعتي وفتحت عيوني وشفت بيتي وبناتي ، ياربي لك الحمد والشكر
طبعاً احساس الغثيان موجود على خفيف والطعم المر بحلقي موجود لكن العذاب اللي كان في بطني اختفى الحمد لله
طبعاً قرأت عنه بالنت انه مايضر الحامل ابداً ، اللي تعبانه تجربه بس لازم تبتعد عن الاكل الدسم والله يكتب اجرنا ان شاءالله
بنات اللي تجربه ويريحها تدعيلي بالولد الصالح المعافا

[mama to be]

شكرا لك عالمشاركه
واهلا وسهلا فيكي عضوه في منتدى حوامل
الله يتمم حملك
و يرزقك الطفل الصالح اللي بتتمنيه

[jojo 123456]

يعطيييييك الف عااافية ع الافااادة

[nour karim]

جعله الله في مزان حسناتك يااااااااارب مشكورة حبيبتي

[تفدآه روحي]

مشكورة بجرب يالغلا من جد متأزمه

[أسيرة زوجي]

يسلمو حبيبتي على افادتك

ان شاء الله البنات يستفيدوا

[قيثاره النور]

تسلمين حبيبتي الله يوفقك ويوفق الجميع

[حياتي توأمي]

يعطيكي العافيه يا اختي تسلمي عالأفادة

جعلها ربي في ميزان حسناتك