مين صار معاها ززي !

[منتهى آلرقه]

يابنات انا حامل بشهر ونص تقريبا قالولي في كيس بس مافي جنين .. اعطوني موعد سونار بعد اسبوعين


من كم يوم كان يوم سبت كنت احس بالام مغص وتقلصات اسفل البطن ومن الجنبين وكنت اتحمل واقول عادي من اعراض الحمل اكيد ولو رحت المستشفى ايش حيسولي مثلا حيقولو حامل مانقدر نسوي شي .. تحملت ليين يوم الثلاثاء وبعدها دخخلت الحمام الله يكرمكم اتبول دم .. استغربت قلت يمكن من المهبل .. لكن تاكدت انو الدم ينزل مع البول الله يكرمكم ومو خفيف لا دم دم كل ما ادخل الحمام اتبول ددم .. صرت احس اني بس ابغا اتبول واحس بحرقان .. كلمت زوجي واخذني ع طول المستشفى ورحت الطوارى والدكتوره كشفتلي ع الحمل وقالت كل شي تمام الحمد لله واخذو مني دم للتحاليل وطلبت بول للتحليل ولما عملت تحليل البول الدكتوره انصرعت قالت مرره مره بلاك ماتوقعته كذا* كله دم قالت اكيد هذا عندك حصى بالكلى .. نادت استشاريه ثانيه وورتها عينه البول وماصدقت قالت يمكن من المهبل ملخبطين وانا قلتلها لا من مجرى البول قالت خليني اكشف ع الحمل من تحت وكشفت ولقت مافي دم .. المهم كتبولي تنويم وقالو لازم يشوفك الاستشاري .. وتنومت بالمستشفى وجاني الدكتور بعد يومين وسال عن حالتي طلب مني تحاليل دم وبول ..* بيسويلي مزرعه وسويتها بس ماكان في دم بالبول راح لاني كنت اشرب مويه كثير وبيره شعير وراح .. كنت استنى النتيجه تطلع الا جاني يوم الخميس وقالي عينه البول اتلفوها لازم نعيد التحليل يوم الاحد لان الجمعه والسبت مافي دوام .. ياناس والله خوفوني من صار معاها كذا وايش طلع معاها انا اول سويت تحاليل لما كنت بتابع حملي والدكتوره قالت عندك صديد شديد ف البول هل ممكن يكون الدم منه او زي ما قالو اشتباه حصى بالكلى والله خايفه .. الالام تروح وتجي لكن الدم وقف .. انا حتى طفشت من المستشفى بيصير لي اسبوع متنومه ولا صار شي ولا عرفت ايش فيني وتركت ولدي عمره 3 شهور بالبيت مع حماتي وكاسر خاطري مره وعندي اختبارات* بالجامعه تبدا يوم الاثنين .. ايش اسوي اسحب ع المستشفى واطلع ع مسؤوليتي لاني خلاص اتحمل* احس اني تعافيت والا ايش اسوي