اخواتي العزيزات ساعدوني بحيرتي ..

[ملاك بين الزهور]

السلام عليكم
اخواتي العزيزات .. كل عام وانتم بخير وتقبل الله منا ومنكم صالح الاعمال ..
حبيباتي .. انا استمتع كثير بمتابعتكم دائما وان لم اشارك دائما ..
بسآلكم عن شي اتمنى تقدرون تفيدوني فيه .. ودعواتكم لي بالحمل والذريه الصالحه عاجلا غير .. اللهم امييين ..

الوضع والسؤال : انا متزوجه من 8 سنوات بدون حمل و دورتي ما تجي الا بالحبوب .. و جاتني بشهر شعبان ببدايته فحبيت ارتاح من الحبوب وما اخذتها وظليت اغلب شهر شعبان الى نص رمضان .. لما جا نص رمضان اخذتها .. يمكن قبل الحبوب او بعدها مو متذكره شفت نقاط بنيه خفيفه اول مره اشوفها مره او مرتين وكان صدري يعورني وظهري وبطني كأن الدوره بتنزل فتره وراحت وبعدين حاولت انسى الموضوع وما افكر فيه ..الى امس وانتوا بكرامه شفت نزل عل بقعه بنيه غامقه وواضحه ومغص خفيف جدا ببطني يروح ويجي .. انا تفاجئت لان ما اتذكر انوو ينزل علي بهالطريقه .. مين عنده خبر ايش ممكن تكون هالبقعه .. انا اتوقع انها لخبطة هرمونات .. انتوا ايش تقولون ؟؟



اسفه جدا جدا ع الاطاله .. بس حبيت اشرح وضعي عشان تعرفون ايش ترودون علي .. دعواااااااااااتكم ..

[ملاك بين الزهور]

واحيانا تجي الام ع الجنب الايمن واحيانا ع الجنب الايسر

[سـآرا]

عزيزتي الله يرزقك الذريه الصالحه وكل من يتمنى
والله ماادري اقولك بس انتظري كم يوم وحللي تحليل منزلي
لانك تقولين الم يمين ويسار اعتقد البويضه اليمين واليسار وهذا
والله اعلم حمل اما بالنسبه للدم ماعندي خلفيه عن هالموضوع
اتمنى البنات يفيدونك والله يسعدك اختي

[ريڤان]

يارب يفرحك وتكوني حامل ان شاء الله
لان ماعندي خلفيه عن بقع الدم هذه
لكن ان شاء الله الأخوات يفيدوك
ولا تنسي تعملي تحليل وتبشرينا

[Rancy]

اولا حبيت ادعي لك بالذرية الصالحه وسبحان الله لاتستبعدي الحمل
صديقتي لها 21سنه وفجاءه حملت قبل شهر تقريبا سبحان الله حللي منزلي ويبان معاك اذا حمل او لا

[ملاك بين الزهور]

الله يسعدكم اخواتي على تفاعلكم وردودكم ..
بس بوضح هي بقع بنيه غامقه مو بقع دم حمرا..

انا الصراحه مو حابه افكر ولا يجي ع بالي فكرة الحمل لاني تعبت
وانا انتظر الحمل وما يصير ( الحمد لله على كل حال ) عشان كذا
اميل انها لخبطة هرمونات بس طبعا مو متأكده و حابه اعرف من خبرتكم
بهذا الموضوع .. ياااااا رب يكوون حمل و يفرح قلبي اخيرا .. بس خايفه حتى
اني افكر مجرد تفكير انو ممكن يكون حمل .. وبالاخير كل شي بقدرة رب العالمين
اذا اراد شيئا قال له كن فيكون .. بالنسبه للتحليل المنزلي ما في شي يثبت
عندي انوو ممكن فيه حمل عشان اسويه .. ما ادري محتاره..


دعوااااااااااتكم ..

[روح طهر]

طيب اختي موعد دورتك فات؟؟؟
حاولي تسوي فحص عشان يرتاح قلبك

[ملاك بين الزهور]

لا ما فاااتت .. وقتها الاسبوع الجاي !!!

[ملاك بين الزهور]

اخواتي ما حد مر عليه الوضع !!!!!

[كتكوته سعوديه]

لا والله مامر علي الله يريح بالك ويبشرك