تجارب الحمل

[بدرية الحلوة]

السلام عليكم ورحمه الله وبركاته ..

انا أول مرة أشارك في المنتدى .... وتوني بس مسجلة ...

حبيت أكتب لكم موضوعي :


طبعا الموضوع 100 بالمية من ربي سبحانه وتعالى ... يعني احنا مالنا دخل فيه ..في بعض الاحيان لنا دخل لو مهملين ولا ماناخذ بالاسباب.. ولكن بعض الأشياء تساعد على الحمل بشكل طبيعي فمثلا / منو من الحريم شربت شيء معين لفترة وحملت من بعدها ... او اعشاب معينة ... أو كانت مثلا سمينة وضعفت وحملت ... وكيف الوحده مثلا لو كانت هي وريلها سليمين شو لازم اتسوي عشان تتأكد انه الغلط مب من تصرف ( الجماع في وقت غير التبويض ... أو الجماع بكثرة مما يؤدي لضعف في الحيوانات المنوية او الجماع بقلة وممكن يكون وقت التبويض بس اتكون الحيوانات المنوية مشوه وتعبانة) او مثلا عيب فيهم ... يعني عطونا طرق حلوة وسهلة من مشروبات و اساليب الحياة يعني مثلا رياضة .... أو اي شيء ممكن يزيد من هرمون الاستروجين ( بشكل طبيعي ) غير الادوية ... والاشياء الي ممكن تمنع الحرمة من الحمل بسبة الالتهابات مثلا ....... شو انواعها وكيف نعرف لانه الدكتورة مثلا اتقول خلاص انتي بخير ولكن لا يحدث حمل ... فمثلا كيف الوحده بنفسها تعرف من الالتهابات الي فيها او في ريلها؟ شو الاعراض ... يعني نبا ملف تجارب عملية وناااااافعة لبنات المنتدى ... نفيد ونستفيد ...


تجربتي :


أنا كنت واااااااايد سمينة وتكيسات فضيعة و شعر في اماكن غير مرغوبة يعني اكتئاب ودمار ( كنت اقول لو تزوجت مستحيل أحمل لأنه عادي لين 6 شهور ماتيني الدورة!!!!) بس ع اخر شيء قررت اني اغير من حياتي وكان عمري 24..... سويت ريجيم ونزلت تقريبا 22 كيلو ماشاءالله تبارك الرحمن بس طبعا لازلت متينة جدا يعني يبالي 30 كيلو عشان اكون في الوزن المثالي... وطبعا هذا كله قبل الزواج ولين قبل الزواج بيوم وانا اسوي ريجيم عشان ماطلع وايد متينه ... المهم سبحان الله قبل الزواج ب 4 شهور انتظمت الدورة لاني وايد كنت اشرب ماي و شاي اخضر و قرفة واكل صحي جدا..... ( خذ مني سنتين تقريبا قبل الزواج ) .... وبعد الزواج (26 سنة) ماشاءالله حملت وربيت ... ( بعد النفاس انتظمت الدورة لمدة 4 شهور وعقب ) من الاكل الغير الصحي و عدم الاهتمام وزاد وزني 10 كيلو ووقفت الشاي الاخضر و الاعشاب كلهااااااااا والتونة والسمج ( لانه الدياي فيه هرمونات يخرب جسم الحرمة ويطلع شعر غير مرغوب فيه و اللحم يرفع الكوليسترول وكنت لازم اضعف فوقفت الا كل فتررررررة اخذ قطعة عن خاطري ) حتى لو اشتهيت وايد فاست فود كنت اخذ برجر سمج بدون مايونيز وهالسوالف هههه ... المهم الدورة الحين مب منظمة وماتنزل وتعبت نفسيا لأنها تتأخر .... لأني اتمنى أحمل ... ورا بعض اذا الله اراد ... لأني مب مانعة الحمل بالحبوب او اي شيء ... بس الدورة جدا متلخبطة ...وما أدري اذا عملياتي ( عمليات خياطة لانه صار نزيف 3 عمليات من بين كل عملية 5 ايام تقريبا) بعد الولادة لأنه صارت لي مضاعفات هل لها علاقة لأني رحت برع البلاد وقالت لي الدكتورة اني الحمدلله بخير ... وحتى دكتورتي في بلدي قالت نفس الكلام .. مع اني مرات احس بالالام !




المهم نبا تجارب الحريم :

( الدورة منتظمة : / كم طول الدورة : / متى موعد التبويض: من يوم إلى يوم )

1- كم سنة متزوجة :
2- عندج عيال:
3- كم :
4- ضعيفة و لا متوسطة ولا سمينة :
5- شو الطريقة الي نفعت وياج لتسهيل الحمل او للوصول للحمل بإذن الله:


نبا كل شيء طبيعي و مب مشكلة لو اشياء مثل جل ( كونسيف جل مثلا الي يساعد في الحمل باذن الله ...... يعني نفس هالسوالف بس طبعا احنا بنستشير الدكتورة قبل الاستخدام المهم مب دوا يلعب في هرموناتنا ... ) و شو الفحوصات الي تخبرنا شو الي ناقص او شو محتاجين عشان نقدر نحمل ... لنا وللريــال وشو بالنسبة للالتهابات وكيف نعرف انه شيء التهاب ولالا للريـال وللحرمة ؟
نبا تجارب صاااااااادقة ... لأنه الدكاترة يلعبون فينا ... نبا نعرف انتوا شو استفدتوا ... الخ ..

( هالمرة احاول اخذ القسط الهندي وارجع اشرب شاي و قرفة ..........الخ وبحااااااااول اني ارد اكل تونة وسمج وابعد عن الدجاج و اللحم هذا بالنسبالي لانه يضرني كل وحده وجدولها)


وحاولت انقص 4 كيلو ... هم قالولي أقل شيء أقل شيء 15 ... ف بحاول.... وشو من الادعية الي ساعدت ...!!!!!طبعا كله بإذن ربي


وأنتوا شو تجاربكم؟ يا حلواااااااات ... ( انا جدا استفدت من موضوع لوبي وحبيت سوالفها مع خاتونة زوجها ههههه حبوبين مع انه موضوعهم من سنة 2012 اعتقد ... ويالسة افكر في تطبيق الفكرة ( الرقية ) ... وان شاءالله ابدا قريبا )

[υм вtℓαα]

وعليكم السلام
اهلين فيك نورتي المنتدى

هههههههههههههههههه الدوره جننتنا والله شهرين تنتظم والشهور الباقيه لخبطه
ياما هرمونات او سمنه او نقص فيتامين د*هـ

انا من قبل لااتزوج دورتي مومنتظمه وتجيني بالشهر مرتين ولاكنت افكر اروح دكتوره
بس بعد ماتزوجت ب3شهور رحت لااستشاري وسوا لي سونار وقالي عندك تكيسات ولازم تنزلين وزنك
اعطاني جلوكوفاج 3علب لمدة3شهورواستخدمت خلطة عبد الباسط للتنحيف
وقال عقب ماتخلصينها تجين عشان ابد التنشيط
انا مارحت له ولااخذت تنشيط اتكلت ع الله وشربت مراميه وطلع النخيل واخذت هدال والحمدالله حملت بنتي
وبحملي الثاني فقط نزلت وزني وسبحان الله حملت
واللي يلخبط الهرموونات كثرالتفكير بالحمل والتوتر والقلق

[υм вtℓαα]

الالتهابات سبحان الله علاجها التحاميل لاكان مرات ماتفيد
مرات استخدم غسول المره سبحان الله تختفي
انا اخذ اعشاب من ممرخه لالالتهابات الحمدالله ارتحت

[ايلاف]

هلا بدريه منورة معانا ماشاء الله
والله يفرحك ويحقق ماتتمنينه وان شاء الله من كل يشاهد ردي

بدريه احنا في المنتدى نسعى ونترك كل شئ لله سبحانه
وطريقه وضعنا اختلفت عن 2012 لاننا صرنا نبغى تعم الفائده

صارت ممنوع التجمعات في موضوع معين ننقاش في قضايا داخل موضوع احد نزله بالقسم
فصار الاختلاف اننا نعطي الوحده الفرصه تضع مشكلتها تشوف منو مثلها وتشاركها بالرد على نفس المشكلة


يعني مثلا انا عندي الدوره مو منتظمه ومتاخره بالحمل استعملت كذا وكذا وكذا
هل يعني بمشيئة الله في حمل راح ترد عليك احد والله اوكي بس استعملي كذا وكذا وكذا

اهو استفسارات تحطين مشكلة تسفسرين عن شغله معينه عن دواء او اكله او طريقه معينه يجي العضوات يردون عليك
فما ودي اغلق موضوعك لانه مخالف لاكن راح اتركه اليوم على شان تعبك في كتابته

ومنورتنا

[حياتي توأمي]

الأخوات ماقصروا


ربي يرزقك الذريه الصالحة من واسع فضله وكرمه


اللهم آمين

[سومي 93]

للحين ماحملت بس نزلت وزني ٩ كيلو مع ان وزني مب ذاك الزود زياده ... المشكله اني فيني تكيسات
قلت هالشهر بعد ماتنزل الدوره استخدم خلطه حق التكيسات والهرمونات وان شاء الله خير
احسن من المستشفيات اللي مافادتني ف ولا شي
ويارب ماتنزل الدوره هالشهر

[بدرية الحلوة]

تسلمون يا حلوين ع المعلومااات الحلوة منكم.... بس ليش ممنوع حبيبتي انا مب مسوية تجمع بس تجارب تفيد مانبا تجمعااات .... وسامحوووني لأني يديدة