مقبله على التلقيح الصناعي ومحبطه جدا .. رايكم بنات

[soso_BH]

سلام عليكم
بدش في الموضوع دايركت
انا يابنات تأخرت عن الحمل سنتين بالضبط وكان زوجي عنده دوالي وتعالج وسوا العمليه صار له سنه وبين التحسن بعد 9 اشهر
صرت اتابع عند دكتورة وكل مره تطلع لي مشكله وتنحل بعد ماكنت سليمه
الحمدلله على كل حال
هالشهر مقبله على تلقيح صناعي والحين اخذ ابر مينوغون واليوم سوت لي سونار وبين عندي بويضات ماشاء الله العدد زين والحجم زين بس قالت ان المبيض اليسار مو مبين وانه عارفه هالمشكله من قبل
ان قناة فالوب طويله بحيث المبيض صاير بعيد بس المبيض اليمين سليم
وهالشي قالت يأثر في نسبه نجاح التلقيح
وحبت تطمني قالت ان هالحاله مرت عليها وكانت حاطه نسبه نجاح التلقيح صفر بس البنت الحمدلله حملت وجابت ولد

عندي اسئله وياريت تطمنوني وتدعون لي الله ييسر لي

1- من مرت بهالحاله لان بصراحه بحثت عنها ومالقيت عنها شي؟
2- من سوت التلقيح الصناعي وحملت وهل نسبه نجاحها عاليه؟
3- انا عندي تبويض من الجهتين يمين ويسار .. هل ممكن احمل من جهه معينه في الشهر او عادي احتمال تكون من اي جهه
4- عدد الحيوانات عند زوجي 25 مليون في المل الواحد والمجموع في 2.5 مل حوالي 60 مليون والحركه 50% .. تحسون ان العدد والحركه كافيه للحمل الطبيعي ؟؟؟
5- هل أأجل التلقيح الصناعي او اتجه للخقن المجهري ابي رايكم

اللي ماعنده علم يدعي لي يارب يسهل لي اموري ويرزقني ويرزق كل محروم الذريه