تجربتي مع التحليل الرقمي وعدم الوحم و الافرازات البنية

[Dody-lody]

السلام عليكم
اليوم حابة اشارك الحوامل الجدد خلاصة تجربتي الفترة اللي فاتت لان هدا اول حمل الي وبعيده عن اهلي وكنت وسوس من كل شي والنت كان بيزيد وساوسي احتجت حدا يطمني بالفترة الماضية ولذلك كتبت هالموضوع لحتى اقدر طمن غيري ..
اولا : بخصوص تحليل الحمل الرقمي
مش بالضرورة يتضاعف الرقم كل 48 ساعة المهم انه بيزيد انا كان بيزيد كل 72 ساعة بمعدل 50% يعني مثلا يكون 1900 بيصير 3000 بعد 3 ايام بدل ما يكون 4000 بعد يومين ولو على كلام النت وبعض الدكاترة مفروض لانه ما تضاعف بيكون الحمل ضعيف وكيس الحمل فاضي او متوقف نمو البيبي . بس الواقع انه المهم بيزيد بمعدل 50% او 60%
و الحمد لله النمو كان طبيعي و حملي عادي وبين البيبي بكيس الحمل بالاسبوع السادس وشفت نبضه بالاسبوع الثامن .

ثانيا : الافرازات البنية بالشهر الثاني مفروض معناها اجهاض حسب كلام النت ،، لكن ماهي الا مؤشر انك عم تبذلي مجهود ولازم ترتاحي ومع الراحة ولو عم تاخدي مثبتات بتصيري احسن مع العلم اني ما ارتحت راحة تامة لان انا وزوجي مسافرين وانا عم بدرس بس حاولت خفف مجهود قدر الامكان ونام على ظهري وخفف مشي وجلوس كثير .والحمد لله استمرت الافرازات يوم فقط بعدين اختفت
مع تحاميل برونتوجست .

ثالثا : ما عم تتوحمي يعني حملك مش سليم او نمو البيبي توقف او مافيه نبض ،، خرافات انا ولا غثيان ولا دوخة ولا كرهت شي ولا عم حس اني حامل اصلا والحمد لله البيبي بخير والحمل عم يكمل طبيعي .

الخلاصة خزعبلات النت وتعقيدات الدكاترة في ما يخص التحاليل الرقمية كلها كلام فارغ وضغطت على نفسيتي ووترتني وخلتني وتر زوجي بدل ما انبسط بحملي .
الحل هو الاتكال على الله واستيداع الجنين للحي القيوم الذي لا تضيع ودائعه وادراك ان الحمل ليس له قواعد وان جسم المرأة وتفاعلها مع هرمونات الحمل بيختلف من حالة لأخرى .
ادعو الله ان يثبت حملي وحملكم ويقر اعيننا برؤية اطفالنا ويجبر بخاطر كل مشتاقة للحمل

[ام رنوشتي]

انتي قلتيها بلسانش
كل امرأه تختلف عن الاخرى
مو معناها حملش سهل يعني الكل مثلش
يعني مانقدر نسميها خزعبلات نت و دكاتره
لكن اللي حصل معش ان الامور تسهلت
عموماً حلو التوكل على الله دائماً في كل الامور
و ربي يتمم حملي و حملش على خير

[Dody-lody]

المشاركة الأصلية كتبت بواسطة ام رنوشتي

انتي قلتيها بلسانش
كل امرأه تختلف عن الاخرى
مو معناها حملش سهل يعني الكل مثلش
يعني مانقدر نسميها خزعبلات نت و دكاتره
لكن اللي حصل معش ان الامور تسهلت
عموماً حلو التوكل على الله دائماً في كل الامور
و ربي يتمم حملي و حملش على خير

حبيبتي وانا هيك حكيت انطلاقا من مبدأ مش لازم اذا حدا صار معه هيك انا بيصير معي هيك
الفكرة من يللي عم بحكيه انه مافي قواعد للحمل والاجسام تختلف في تفاعلها مع هرمون الحمل وان اسوأ شي لما تعيشي نفسك في توتر وتتوقعي الاسوأ مثلا انا كنت على يقين ان البيبي ميت لان مافيه وحم ولا عم يتضاعف الهرمون بس عم بيزيد وصولا للافرازات البنية ..
الي بدي وصله التوكل على الله وما نسلم نفسنا للوسواس.. واكيد فيه ناس بيفقدو الحمل بس بيكون لان الله لم يريد ولا عمره كان قلة الوحم دليل على نمو غير سليم ،، وبالنسبة للتحليل الرقمي كتير حالات ما تضاعف وكمل حملهم ،،زمان ماكان فيه تحاليل رقمية وكانو عم بيحملو ويولدو عادي جدا او بيسقطو لان الله اراد ،، وفيه يلي لازم بكل حمل ينزل معها دم وبيكمل حملها عادي وفيه يلي بتسقط وهيا عم تتوحم وبشدة ومافيه عندها اي دم او تعقيدات ..
البيبي هدية من الله ومها صار من تعقيدات حمل لو الله كاتب بيكمل الحمل ولو مو كاتب بلا ولا شي بينزل البيبي.
لاني توترت بسبب هالقصص حبيت خفف توتر غيري والفيصل بيكون بالمتابعة مع الدكتورة بالالترا ساوند ولما نحس باي شي مو مريح مثل دم او افرازات ما نستنى بنراجع على طول والاتزام بالدواء ان وجد وبالغذاء المتكامل والاتكال على الله قبل كل شي ،،ومعرفة انو ومش ضروري يلي صار مع غيرنا بيصير معنا .
هي الفكرة اللي قصدتها اختي الكريمة مش عم حط تعميم ..
امين يارب ربي يتمم لنا على خير ..

[نسائم الفجر]

كلام جداً جميل
اكيد مش قاعدة ع الكل لكنه باعث للطمأنينة والبعد عن الوساوس
الله يقر عينك برؤية مافي بطنك سليما معافى

[nour karim]

من تجاربنا السابقة ومن كلام النت نتوسوس ولكن كما قلت يختلف الامر من حمل لاخر ومن امراة لاخرى الله يتمم حملك على خير يارب

[أم حمودي وعبودي]

شكراً على تجاربك يا قمر

ربي يثبت حملك وتقومي لنا بالسلامة

[حياتي توأمي]

شاااكرة لك روعة طرحك للموضوع تسلممممي على نقل تجربتك

وربي يتمملك ع خيرررر

[Dody-lody]

المشاركة الأصلية كتبت بواسطة نسائم الفجر

كلام جداً جميل
اكيد مش قاعدة ع الكل لكنه باعث للطمأنينة والبعد عن الوساوس
الله يقر عينك برؤية مافي بطنك سليما معافى

تسلمي يارب ،، كلك ذوق اختي الغالية

[Dody-lody]

المشاركة الأصلية كتبت بواسطة nour karim

من تجاربنا السابقة ومن كلام النت نتوسوس ولكن كما قلت يختلف الامر من حمل لاخر ومن امراة لاخرى الله يتمم حملك على خير يارب

مزبرط كلامك ،، ولو وقعنا تحت ضغط التجارب السابقة واللي بنقراه بنخسر من اعصابنا كتيييير
تسلميلي يارب على هالدعوة الحلوة ..

[Dody-lody]

المشاركة الأصلية كتبت بواسطة أم حمودي وعبودي

شكراً على تجاربك يا قمر

ربي يثبت حملك وتقومي لنا بالسلامة

ربي يبارك بعمرك ويحفظلك حمودي وعبودي ،، كلك ذوق