هل الحمل يتاخر بعد عملية التنظيف وكم تحتاج بطانة الرحم بعد التنظيف

[واثقة بربها]

هل الحمل يتاخر بعد عملية التنظيف وكم تحتاج بطانة الرحم بعد التنظيف
هل الحمل يتاخر بعد عملية التنظيف وكم تحتاج بطانة الرحم بعد التنظيف



بنات ابقولكم قصتي .. انا متزوجه من اربع سنين وما صار حمل الحمدالله على كل حال

كل شي سليم عندنا ما شاء الله ، فقررنا نعمل تلقيح صناعي لكن فشلت ، عملنا اطفال انابيب

مرتين و فشلوا !! اللهم لا اعتراض ، بعدها بفضل الله ثم ردودكم بهالمنتدى اكتشفت في امراض للرحم

مثل : البطانة المهاجرة و اللحميات بالرحم و تشوهات و و و الخ .. المهم بعد فشل المرة الثانية

من عملية اطفال الانابيب قالي الدكتور نعمل المحاولة الثالثة بعد كذا شهر ، عاد انا هنا على نياتي قلت له

طيب دكتور اذا احنا سليمين و الاجنه ترجع تمام للرحم ! معناه المشكلة في التعشيش و الانغراس داخل الرحم !!

مافي تحليل شي يبين اذا عندي شي بالرحم يعيق التعشيش !! .. قال طيب بنسوي لك منظار رحمي و نشوف

الرحم من داخل و اشوف كل شي ( عاد انا هنا طنقررررت !! خير كل همكم فلوس فلوس !! ياخي كان قلت لي من

الاول والله اعطيك القروش بس عالج بضمير !!! يعني لو ما سألت كان تركني اعيش عمري كله اجرب في الانابيب !!! )

المهم .. سويت المنظار الرحمي قبل اسبوعين و طلعت عندي 4 لحميات بالرحم ( حسبي الله و نعم الوكيل بس ) و تم

استئصالهم و عمل تنظيف للرحم ( لحد يسألني شلون تنظيف لاني كنت مخدره تخدير كامل و ما شفت الدكتور و المفروض

موعدي معه بكرة بس سافر اضطراي وتأجل الموعد :( ) ، عاد بعد العملية نزل علي دم تقريبا 3 ايام و بعدها جاتني الدورة

في موعدها بس الغريب انها من بعد ما كانت تجيني 7 ايام ، نزلت بس 4 ايام ! ما علينا ، الحين اليوم 12 من الدورة

( اللي هي مفروض ايام التبويض ) نزل دم علي مثل الدورة بس خفييف !! استغربت دقيت على الدكتور قالي " شي

متوقع انها تصير دورة هرمونيه جديده لان احنا شلنا جزء من الرحم ( قصده البطانه ) " عاد انا ما فهمت بصراحه !! :/ .. رحت منتدى

طبيبي استفسرت و رد علي دكتور جزائري قال : هذا دليل فشل العمليه !!! بصراحه ما ارتحت لكلامه لان احس مافي

علاقه بين دم و فشل عمليه ! يعني انا ماسويت عملية تجميل او ربط علشان تفشل !! الزبدة ما اقنعني بصراحه !! :/


المهمممممم اسألتي هي :

1- صحيح ان الحمل يتأخر بعد عملية التنظيف ؟؟

2- و كم ممكن يتأخر الحمل ؟؟ و وشهي اسباب تأخيره " علمياً " ؟؟ ودي افهم وش السالفة

3- و كم تحتاج بطانة الرحم لاعادة بناء نفسها بعد التنظيف ؟؟


** للتوضيح : يوم اكلم الدكتور و قالي طبيعي احنا شلنا جزء من الرحم ، قلت له كحت يعني ! ، قال ايه ( زي الكحت ) !! عاد انا هني انلحس مخي بس نا قدرت اخذ و اعطي معه كثير لان كان بالعيادة و عنده مريض و مستعجل :(




و بالتخير دعواتكم لي و لجميع المتمنيات الذريه الصالحة !