بطانة الرحم والحمل خارج الرحم

[امي تاج راسي]

السلام عليكم
انا حامل تقريبا في الاسبوع الخامس قبل امس نزل علي افرازات صفرا على بيج خفيفه لما امسح بالمنديل فقط ورحت الطواري طلبو تحليل هرموني وطلع فوق الالف وقالو عيديه بعد بكره وسويته وطلع ضعفه الحمد لله وقالت كذا كويس وطلبت اسوي اشاعه علما اني سويت اشاعه في الاسبوع الرابع عند مركز خاص وطلبت مني اشاعه علشان لو احتاج مثبت تعطيني وهي متطمنه انه داخل الرحم وسوتها وقالت الحمد لله بطانه الرحم سميكه هذا يدل على الحمل وورتني نقطه صغيره مره قالت هذا بداية تكون الكيس او الحمل مااذكر بصراحه المهم المستشفى الحكومي سوو لي اشاعه قالو مو مبين يمكن خارج الرحم لازم اشاعه ثانيه عشان نتاكد وعطوني موعد وانا خايفه من كلامهم واحس لما اقوم من النوم بالم في ظهري والم في اسفل بطني على اليمين يمغصني شوي ويروح واليوم كله مغص خفيف مثل الدوره
ادري قرقت عليكم كثير
سؤالي هل بطانة الرحم السميكة تدل على الحمل داخل الرحم او لا
وهل الالم الي احس فيه في جهه وحده يدل على شكوكهم ؟؟

[H.s.h]

تطمني حبيبتي ولا تفكرين الالم هذا طبيعي ان شاءلله
الاسبوع الخامس ماراح يبين اصبري اسبوعين و راجعي مره ثانيه بتلاقينه كبر كثري استغفار و حاولي ما تفكرين
الحمل خارج الرحم حسب معرفتي انه يجيك الم ما يحتمل باحد الانابيب و نزيف مو بس افرازات الافرازات اغلب الحوامل تجيهم شي طبيعي بس التزمي الرااااحه

[أم مـــاريا]

خلتك توسوسين



باقي بدري يبين اي شي
انه داخل او خارج الرحم
انتي دوبك باالاسبوع الخامس
انا يوم رحت الاسبوع الخامس قالت لي الدكتورة ماراح اتعبك و اشوف الجنين لانه باقي مابين
خليه بعد اسبوعين و بااشوفه لك ان شاءالله
انا انبسطت .. احسن ماااشوف شي مايريحني واقعد شايله هم و انا لسى بدري ....



لا تفكرين كثير ... من رأيي انه باقي بدري على كل الكلام ذا
و الله يتمم لك حملك ..

[nour karim]

الله يتمم حملك على خير ان شاء الله خير

[υм вtℓαα]

لسه يالله يبين ع السابع او الثامن
ريحي نفسك ولااتقلقين
الله يتمملك ع خير يارب

[أم حمودي وعبودي]

تطمني أساساً في الإسبوع الخامس يظهر الكيس صغير والجنين ما بيكون واضح
والحمد لله شفتي الكيس داخل الرحم
أما بطانة الرحم فهي لازم تكون سميكة عشان تستقبل الجنين