السلام عليكم ورحمة الله وبركاتة
خواتي مادري من وين ابتدي او شلون اوصف شعوري
المهم بدخل بالموضوع بدون مقدمات
انا خايفة محكمة الطلاق يوم الاثنين ومش عارفة شنو اقوول
راح اقولكم مشكلتي باختصار وابي تكتبون لي كلام مرتب ومثقف
عشان اقولة للقاضي
مشكلتي اني للاسف اكتشفت اني لازلت احب زوجي بس راح اتركة رضاء لله سبحانة بعدين اهلي
انا حامل وبالشهر السادس بس لما صار الخلاف كنت بالشهر الاول
بذكر لكم عيوب زوجي بس ابي احد يرتبه لي ويكون لابق بحيث ان القاضي
يتاثر من كلامي
اول شي زوجي للاسف المعاشرة الزوجية كان ياخذها بس من طريق ثاني
اتمنى تكون واضحة وصدقوني بنات اقسم بالله كنت غصب عني ولاتقولون لي ليش ماقلتي حق اهلك اهلي مع الاسف ناس جاهلين تفكيرهم محدود وكنت خايفة اقول حق من ويمكن يكونون ضدي بس قدرت اسيطر على الوضوع لانه قال انتي اصلا عقيم انا طبعا بكون عقيم لان زوجي ماكان ياخذ الشي الحلال بس من شفته قال لي هالكلمة لجات الى الله سبحانة وكان سلاحي الدعاء وفعلا حسيت في تغير انه امتنع شهرين وكان يطلبني وكنت ارفض بس مع ذالك اثناء الجماع كان يجامعني جماع حلال بس اثناء الجماع يدخل اصبعه في ال ......
طوال الشهرين اللي ابي اعرفة هل اذكر هالشي للقاضي ؟؟ معنه تاب
بس لازال يستخدم اصبعه ...؟؟ بليز حاولو تفهموني وربي ضايعه ؟؟
وانا اسفة اني تعمقت فالشرح
النقطة الثانية يضربني وكنت اتالم من الضرب وكانت على اشياء تافهه وساعات في اماكن عامة
ثالث شي مش ملتزم بالصلاه يوم يصلي وعشرة ايام مايصلي
رابع شي اتوقع انه يشرب لان ايام عيونة تصير حمرا
ولسانة يكون ثقيل ويقولي في ناس تشرب بس تعرف تضبط نفسها
وفيه ناس يبين عليهم ولقيت لبس كجول كامل فالسيارة
لان معروف محد يدخل هالامكان بلبس تقليدي لازم كجول
ويوم واجهته فيه قال يلبس هاللبس عند اهله
وكلمني مره وربي لسانة ثقيل مايعرف يقول كلمتين عل بعضها
فلما صارحتة انت شارب يقولي انا مش شارب وكان ملوز معن الجو مش بارد
قال لي امشي اروح انا وياك احلل
عشان تتاكدين بس قالي الوقت متاخر خليها بككره لما اصبحنا صار بيني وبينه خلاف فالسياره عشان هالموضوع وداني على طول البر وقعد يضربني :(
بس بالاخير قعد يتاسف وسمحت له لانه قال راح يغير من نفسه
وللاسف ماشفت اي تغير لازال هو هو
بليز بنات لاحد يلوموني اعتبروني اختكم الصغيرة وانا فعلا صغيرة
جهلتني امور كثيرة حتى المحكمة خايفة مادري شنو اقول
مع العلم انا اللي رافعة قضية الطلاق بواقع الضرر :(