مشكلتي الي تمنع حملي + فضفضه

[؏ـذبھ]

السلام عليكم ورحمة الله وبركاته

حبيباتي من زمان مادخلت المنتدى
اشتقت لقرائة مواضيعكم والله
كنت كل يوم الصباح افطر وانا اقلب مواضيع المنتدى

مافي جديد عندي
غير اني مثل ماتعرفوا حملت وسقطت نهاية السنه الماضيه 2014
ومن وقتها وانا احاول احمل واحسب ايام التبويض واروح عند الدكتوره كل شهر عشان تتابع تبويضي وكان ممتاز
واخذ فوليك اسيد واخذت الابره التفجيريه و صرت العب رياضه وعملت تحاليل منها الغده والحليب ووالخ

وكل تحاليلي سليمه
بس تحاليل زوجي كانت سلبيه
عنده ضعف فحركة الحيوانات المنويه و العدد جدا قليل بس 5 ملايين وبعض الحيوانات المنويه ميته

مادري شقول
ومادري شسوي
الله كريم
والله حاولت انسى الموضوع شوي
وحطيت املي يرب العالمين
وزوجي ماله ذنب يعني وهم عطوه فيتامينات وادويه وهو مواضب على اكل العسل كل صباح
لعل وعسى الله يكتب لنا الذريه
انا ابدا مااحاول اطري الموضوع قدامه ولا علمت احد بالسالفه كلهم يضنون ان المشكله فيني
لانه بالفتره الي ظنيت ان المشكله مني كان يقولي انتي اهم من الاطفال بالنسبه لي

الناس ماتخلي الواحد بحاله
وبعضهم يتعمدون يحروني
ويرمون الكلام بوجهي
وبعض الحوامل بدون احساس الي تتكلم عن وحامها والي تتكلم عن حركة الجنين ببطنها
والي تتكلم عن تجهيزات الولاده

امس كنت بعرس شفت بنات عايلتي ياكثرهم الحوامل ماشاء الله
وكلهم معرسين بعدي واصغر مني
وغير الي تعيد نفس الكلام كل ماتشوفني
عن تحاليل الحمل وشكثر زوجها يساعدها بشغل البيت لانها حامل وووالخ

الله يهنيهم
والله اتمنالهم يفرحون بذريتهم
بس ياريت يراعون الي متاخرات في الحمل
وكله بيد رب العالمين

خلصت فضفضتي هههههه
ادري ثقلت عليكم بس ماقدر اقول هالكلام لحد حتى لزوجي حتى مايحس ان هو سبب حزني


المهم
اي وحده زوجها كان عنده نقص شديد بعدد الحيوانات المنويه وحملت؟؟؟
ووممكن تخبرني ايش العلاج الي زوجها اخذه وساعدهم؟

طبعا كله بقدرة رب العالمين
لكن احنا بعد مايمنع ناخذ بالاسباب

وشككررررررا مقدما
والحوامل يارب تقوموا بالسلامه
ادعولنا الله يحقق اكبر امنياتنا للسنه الجديده
هي ان مايعدي 2016 الا وكلنا حوامل

[يارا 30]

ان شاء الله يارب ما يعدي 2016 الا وضنانا بين ايدينا ياااااااااااااااااااااااااااااااااااااارب

[jojo 123456]

هلااااااااااااااااااا منووورة لا تقلقي يا الغلااا ان شااء الله تحملين قريباا بما انك سبق وحملتي العدد عند زوجك ممكن يرتفع

انا زوجي كان 2 مليون وبعد شهرين من العلاج صارو 17 مليون ووقف العلاج ورجع العدد نزل وهو هلا رجع ياخذ الادوية وخلطة العسل وان شااء الله تكون نتيجة تبشر

بالمختصر خلي زوجك يواضب على خلطة العسل والفيتامينات ورح يتحسن مدام العدد يطلع وينزل في امل كبير ان شاء الله يصير حمل

[ccaady]

طيب ياقلبي ليش ماتفكري بالتلقيح الصناعي او الانابيب ؟!
راح تفيد بحالتكم

[أم مـــاريا]

الله يرزقك باالقريب العاجل ..




استغفري انتي و هو بـ نيّة ان الله يرزقكم الذريه
و حطي سورة البقره بجوالك وشغليها او حطيهافي فلاش ميموري واشبكيها باالتلفزيون بغرفة نومك ونامي و هي شغاله عليكم

والله معك

[؏ـذبھ]

المشاركة الأصلية كتبت بواسطة ccaady

طيب ياقلبي ليش ماتفكري بالتلقيح الصناعي او الانابيب ؟!
راح تفيد بحالتكم

والله ياحبيبتي هو تكلفته العاليه اكبر مشكله خصوصا ان المشكله فجاه طلعت وماكنت عامله حسابها
وبعد يعني مامضمون ينجح التلقيح ميه بالميه

بس حطيت الفكره براسي
والدكتوره قالتلي يمكن العدد يرتفع عنده دامك حملتي قبل
فعطوا نفسكم فرصه

بس ان شاء الله احمل طبيعي
واذا ماحملت لشهر مارس القادم يمكن بسوي التلقيح

[التائبة لله(ام محمد باذن الله)]

حاسة فيكي حبيبتي لان عندي نفس المشكلة تقريبا
انا كمان حاولت و عالجت بس كل تحاليلي سليمة و المشكلة من زوجي بس مو راضي يتعالج
رحت عند اخصائي اعشاب عمله خلطة عسل و زوجي كل ما اقله انت شربت دواك يقلي شربت امس مو كفاية
مشكلته ما يواضب
و لكن املي في الله كبير و ان شاء الله رح يجي يوم صير ام
و الله يرزقك و يرزقني و يرزق كل مشتاقة في القريب العاجل

[أم حمودي وعبودي]

أنا زوجي عنده ضعف والحمد لله حملت
بصراحة تعبت من كثر كتابتي لقصتنا
دقيقة أبحث عن موضوعي

[أم حمودي وعبودي]

http://forum.hwaml.com/t310880.html

هذا موضوعي

[؏ـذبھ]

المشاركة الأصلية كتبت بواسطة أم حمودي وعبودي

http://forum.hwaml.com/t310880.html

هذا موضوعي

يالله
تاثرت وانا اقرا قصتك وقريتها كم مره
والله عطيتيني امل اني احاول واحاول واتوكل على رب العالمين

الله يرزقنا ويرزقك كل محرومه
يارب