السلام عليكم ورحمه الله وبركاته ..
ساكتب لكم سطور من حياتي.. من نافذت شرفتي وبحبر التفائل ساسرد قصتي ..
انا امراه تزوجت مبكرا وحملت بعد الزواج مبكرا وانجبت بنت فرحتى الاولى الحمدلله ولما كبرت اشوي قررنا نجيب معاها اخت لو اخ وماطولت وحملت باجمل ولد ولله الحمد .. وبعد ثلاث سنوات ايضا الله اكرمني وحملت بولد ايضا الحمد لله عندي الان
3 اطفال بنت ووالدان كانت ولادتي بهم طبيعيه والحمدلله ..
وانا كنت اشتغل .. فحبيت ان ناخذ اشويه راحه .. ولما صارت اربع سنوات احببت ان يكون لنا طفله او طفل ولكن كنا نحاول طول سنتين وما كان في نتيجه ذهبنا للدكتور وفحصنا وطلعت نتائج زوجي كلها سليمه وانا طرشني على دكتوره ثانيه وسوت لي التحاليل وطلعت كلها سليمه بس هرمون الحليب مرتفع وكتبت لي دواء اخذته شهرين اسمه الفوليتاب.. ورجعت لها بعد شهرين وسوت لي تحليل وطلع تمام فكتبت لي فيتامين دال علشان تحفير للبيبي وصحته ولما اخذته ورجعت لها بعد شهر قالت لي تمام وصارت نسبته53 والحين نبتدي كورس علاج الكلوميد ..فقلت طيب الدكتوره كتبت لي الكلوميد .. واخذته اربعه شهور متتاليه ومافي اى نتيجه وبعد رجعت لها يوم ثاني الدوره وقالت لي كل شي تمام .. هالمره راح اكتب اك ابره تفجيريه .. واخذت الابره تاريخ 20_3_2016.. وبعدها نزلت الدوره عادي تاريخ 8_4 _2016..
تركت العلاج للراحه
.. قبل الدوره باسبوع حسيت بالم فضيع في رجلي اليسار يمتد من الحوض للركبه .. رحت يوم الاجازه تاريخ14 _5الجمعه للمستشفى الحكومي. شرحت للكتوره الالم اللي صاير في رجلي .. فكتبت لي على طول ابره .. فسالتها دكتوره الابره هل توثر على الحمل .. فسئالتنى انتي حامل قلت لها الدوره ماخرتنى .. فقالت لي انه الان لايوجد تحليل بايام الاجازه راجعي المستشفى الحكومي بعد الاجازه .. وماكتبت لي اى شي وطلعت وانا خبرت زوجي وعلى طول الصيدليه سويت التحليل وطلع ايجابي حسيت بفرحه كبيره وزوجي فرحان ودموع الفرح .. ما وقفت من السعاده .. طيب رحت المستشفى تاريخ 16_5_2016 .. وسوت لي الدكتوره تحليل البول .. طلعت النتيجه حامل مبروك .. ورجعت العمل .. وبعدها البيت وكنت محتاجه ادخل الحمام وانتون بكرامه .. انصدمت شفت نقطه دم فاتحه اللون .. اتصلت بزوجي وخبرنى اخذ موعد من دكتوتى وفعلا رحنا الها في نفس اليوم العصرالساعه اربع كان الموعد وخبرتها انه الدوره تاخرت علي .. وسويت حليل وطلع ايجابي .. وعطيتها النتيجه .. دكتوتي حسبت لي من اخر دوره اجتني طلعت في خامس اسبوع طلبت تسوي اتراساود وقمت على السرير وعملت الاتراساوند الداخلي .. والشاشه اقبالي اشوف كل شي .. بس الدكتوره قامت تحرك بشكل حسيت انه في شي ..
فقالت لي مو مبين كيس .. فقلت لها اشلون يعنى يمكن صغير والحمل متاخر .. قالت لازم نتطمن تروحين الحين ..وتسوين تحليل دم هرموني في مستشفى النور التخصصي ورحنا على طول وطلعت النتيجه بعد ثلاث ساعات يعني الساعه 7 المساء .. ورجعنا للدكتوره .. الدكتوره تقراء النتيجه وانا على اعصابي تقول لازم نعيد التحليل بعد بكرا .. فقلت لها في شي غير طبيعي قلبي ناغزني .. فقلت الها دكتوره اذا في شي صارحيني انا اتحمل الخبر .. فقالت لي انه احتمال يكون الحمل خارج الرحم نسبه الهرمون2284 .. وعطتني تنويم المستشفى خوف على صحتي ..زوجي اخذني للتنويم ودخلونى الجناح كمتابعه لحالتى ..تاريخ 17 ...
وفي يوم 18 اعادوا لي الاترساوند والتحليل وطلعت نسبته 4096 وماكان عندي اعراض كلش ..
كنت جدا طبيعيه بس كانوا بشكل يومي يسون لي اتارسوند لما بين اشوي الحمل في قناه فالوب اليمين .. وتاريخ 23_5_2016 الساعه 11 مساء دخلونى العمليه .. ونظفوا الانبوب لانه حجم الجنين كان كلش صغير سانتي في سانتي الحمدلله على كل حال كنت دايما استغفر ربي واتحمده واتشكره بكل لحظه الله عطانى قوه ولكن اللي افجعني صوت دقات الجنين قبل العمليه ودخلوني العمليه و بعد البنج الساعه 12 ونص صحيت .. لقيت الدكتوره والدكتوره جنبي وطمنوني انه كل شي تمام ولا كان في نزيف وسوا لي تنظيف للانوب وخبروني مايصير في لقاء زوجي الالما اروح الموعد وبعد ثمانيه اسابيع كان عندي موعد وكل شي كان بخير وهذي تجربتي .. الان انا انتظر .. للشهر القادم وراح اسوي اشعه الصبغه علشان سلامتي وصحتي .. ودمتم بخير ..❤