وحامي ببيت اهلي وبيتي + الغثيان مرتبط بزوجي

[حبيبةة امها]

مرحبا .. من زمان ماشكيت لكم هههههههههههه .. راح اطووووول عليكم لان بفضفض الاشياء الجديده اللي طلعت روحححي ....

طبعا من دخلت الشهر الثالث زاد الوحام كثير و نزل وزني ...

الشي اللي مستغربه منه .. ان عند اهلي تنفتح شهيتي تخيلوا وانا اتعشى أو وانا اطلب عشا من المطعم اخلي اختي تقوم تطبخ عشان ماتمر ساعتين الا اكون ضامنه .. وقبل تقفل المحلات اتصل ع البقاله و اطلب كل شي للسهره .. ومايجيني غثيان .. والصباح عند اهلي يجي غثيان خفييف أول ما اصحى وبعد نص ساعه افطر وما استفرغ عاااادي و اتغدا بعد .. ومن احط راسي عالمخده انااااااااام ع طووول بدون مافكر ثانيه وحده ..

أما عند زوجي .. ما انام بسرعة يعني اضل ساعتين ثلاث اتقلب وافكر بالماضي والحاضر والمستقبل والخيال وكل شي يخطر لي هههههههههههههههه

وما اكل ولا شي و اذا اكلت ع طووول ارجعه من يوصل معدتي .. وطول ما انا نايمه غثيان و اقوم من النوم استفرغ مررر بقوه .. وما اطبخ لأن ما اتحمل ريحة طبخي اكره بيتي بعد الطبخ اجلس اعطر و ابخر ومستحيل اكل منه وحتى لو زوجي جاب من برا ع طووول تقلب معدتي من ريحة الاكل اللي معاه قبل اشوف وش جايب اروح ركض عالحمام ..

هذا كله كوووم .. والغثيان من زوجي كوووم لحاله ..

هاليومين لاحظت ان الغثيان يجي من يجي هو ههههههههههههههه

لما يكون بالدوام .. اشتغل بالبيت و اشتغل شغلي < بالتصميم > و اتفنن و مروقه و اكل جلكسي أو أي شي حالي .. ومن يدخل هو !! اشيل حوستي لأن من يجي اوقف شغل .. واروح استقبله وماتمر دقيقتين من جيته الا يجي ذاك الغثيااااااان والحراره ترتفع من قوته و حيلي ينهد و النشاط يختفي .. ومن يطلع !! ارجع مثل اول اكمل شغلي ويرجع نشاطي والغثيان يختفي .. مع ان ما اتضايق من ريحته ولا شي بالعكس بس مدري ليه الغثيان والتعب من اشوفه ..

وفيه نقطة بعد و اعذروني ع الجرأة بس انتوا خواتي و متعودة افضفض لكم .. من تزوجنا ولا مره نمت بعيده عنه دايم بحضنه... بس هالفتره ابعد ل اخر السرير ويقول تعالي وين مبعده . استحي اقول مابي .. واقرب له ومن اجي عنده ع طول غثيان بس انتظره متى يغفى عشان ابعد عنه .. وحتى وقت الجماع يجيني غثياااان قوي .. و لأن الغثيان صار مرتبط فيه ودي اروح عند اهلي هالفتره بس هو يرفض ومستحيل يخليني اكثر من يومين .. ادري طولت عليكم بس حبيت افضفض لكم معاناتي الجديدة