كيس مائي من الكلوميد ونزل والدورة متاخرة 9 ايام
يابنات انا قصتي طويلة وابغا مساعدتكم
صار ليا سنه وانا اعاني من التهابات مهبلية اتعاجل واخذ حبوب وتحاميل واخلص الكورس كامل تختفي اسبوعين وترجع حتى زوجي اخذ مضاد كم مره مافي فايدة ماني عارفة اش الحل
الشي الثاني اخر دورة ليا اعطتني الدكتورة كلوميد استخدمو من ثاني يوم الدورة لمدة 5 ايام
جا موعد الدورة الشهر هذا ومانزلت وبموت من الم ظهري اول مرة يصير لي زي كذا
رحت كشفت قالو في كيس مائي حجمو 4سم وحينزل من نفسو مع الدورة
قبل يومين نزلت علية موية كثيرة وانا نايمة استغربت اول مره لا لون لها ولا ريحة
قلت خلاص شكلو الموية اللي بالكيس يعني اكيد حتنزل الدورة مانزلت
رحت لدكتورة سوتلي سونار قالت الكيس اختفى مافي شي قالتلي لو اسبوع مانزلت تعالي اعيد لك تحليل الحمل
والى الان الدورة مانزلت ولسه احس بالم بظهري واسفل بطني بس اخف من اول
مين صار لها نفس حالتي ونزل الكيس بعد كم يوم جاتها الدورة
وهل ممكن يكون حمل بس لسه مابان يصير حمل وكيس مع بعض ؟
الدورة متاخرة علي 9 ايام والكيس طاح قبل ثلاث ايام كانت متاخرة 6 ايام
مع العلم اني ما قيد حملت قبل كذا واول مرة اخذ كلوميد
كيس مائي من الكلوميد ونزل والدورة متاخرة 9 ايام