هل ممكن التهاب بول بدون اعراض ؟

[أنوار الولاية]

السلام عليكم

انا اليوم اتصلت فيني الدكتوره وقالت لي عندي التهاب بول واروح لها اخذ علاج

حتى قلت لها ان موعدي لاثنين الجاي بعد اربعة ايام قالت لي لا لازم تجي بسرعه لهدرجة ان للتهاب الي عندي شديد مع ان ماعدي اعراض ؟

انا خفت ماعندي اعراض ابدا قبل الحمل بشهر كان عندي التهاب لكنه راح قبل لا احمل

هل ممكن التهاب بول بدون اعراض ؟

[TETA]

انا صارلي التهاب بول بدون اعراض وماكنت عارفه
وكنت زايره الدكتور لغرض ثاني ومع التحاليل طلع عندي التهاب بول
قال معقوله اانتي ماتحسين بحرقه او شي مزعج ، لان التهاب شديد عندج
قلت والله ابد ماحسيت اصلا تفاجئت

[υм вtℓαα]

اي ممكن بدون اعراض وانتبهي ترى يضر الحامل والجنين
روحي لها خل تعطيك مضاد وان شاء الله مافي الاالعافيه

الالتهاب تجي مع الحمل وقبل الحمل وبعده

[أنوار الولاية]

شكراً لكم طمنتوني قلت فيني شي مو طبيعي لا سمح الله

الحمد لله

إن شاء الله بكره بروح اخذ الدواء

[slyl]

انا اقول احتياط عيدي التحليل
لان اوقات يغلطو بالتحاليل خصوصا الخاص

صار وحده اعرفها قالو فيها هربس مدري ايش بالضبط وقالت دكتورتها لازم تاخذي الجرعه وقويه كمان وهي حامل وراحت عادت التحليل بحكومي مرتين وقالو لها مافيك شي يعني لو استعجلت وخذت العلاج كان راح فيها جنينها ورجعت للمستشفى الخاص واعتذرو قالو خطأ بالتحليل خربطوه مع وحده ثانيه

[أنوار الولاية]

المشاركة الأصلية كتبت بواسطة slyl

انا اقول احتياط عيدي التحليل
لان اوقات يغلطو بالتحاليل خصوصا الخاص

صار وحده اعرفها قالو فيها هربس مدري ايش بالضبط وقالت دكتورتها لازم تاخذي الجرعه وقويه كمان وهي حامل وراحت عادت التحليل بحكومي مرتين وقالو لها مافيك شي يعني لو استعجلت وخذت العلاج كان راح فيها جنينها ورجعت للمستشفى الخاص واعتذرو قالو خطأ بالتحليل خربطوه مع وحده ثانيه

انا في حكومي لكن شكيت قلت يمكن غلطانين

بطلب منهم يعيدوه لان من كلامها ببين انه شديد

انا من قبل صار لي التهاب بول كان مزعج وحرقه وألم بالخاصره

[متفائلة بالخير دوما]

مش لازم حرقان أثناء التبول ممكن تحسى بألم أسفل البطن وكثرة تبول
الف سلامه عليكي
ممكن تكتبيلى اسم العلاج اللى هتكتبهولك الدكتوره

[أنوار الولاية]

المشاركة الأصلية كتبت بواسطة متفائلة بالخير دوما

مش لازم حرقان أثناء التبول ممكن تحسى بألم أسفل البطن وكثرة تبول
الف سلامه عليكي
ممكن تكتبيلى اسم العلاج اللى هتكتبهولك الدكتوره

انا صار لي من قبل التهاب بول ما كان في حرقه لكن كان في الم فقط اذا ادخل الحمل تكرمين

وماعندي الم اسفل البطن

إن شاء الله اذا اخذت العلاج بكتبه لك

[جنون الحب]

استغفر الله انا من وصلت الشهر الرابع وهو لاصق بخلقتي الالتهاب

دوخني اروح طوارئ يعطوني مضاد اخلصه اسبوع بالكثير ويرجع الاعراض واروح وترجع تكتب لي مضاد اخر مره شكله شديد لأن صرفت لي حبتين بنفس الوقت

تو خلصت اخر كورس والله يستر يارب ويتمم هالحمل على خير دخت

[أنوار الولاية]

المشاركة الأصلية كتبت بواسطة جنون الحب

استغفر الله انا من وصلت الشهر الرابع وهو لاصق بخلقتي الالتهاب

دوخني اروح طوارئ يعطوني مضاد اخلصه اسبوع بالكثير ويرجع الاعراض واروح وترجع تكتب لي مضاد اخر مره شكله شديد لأن صرفت لي حبتين بنفس الوقت

تو خلصت اخر كورس والله يستر يارب ويتمم هالحمل على خير دخت

الله يكون في عونك كثري شرب الماي وسمعت عن الشعير انه زين حقق للانهاب وعادي للحامل

انا ماعندي اعراض وللحين مارحت للدكتورة انشغلت بكرة ان شاء لله بحاول اروح لها

اذا شديد باخذ مضاد واذا عادي بكتفي بالسوئل

ماعليك شر كثري من شرب الماي