اعراض بعد الترجيع

[رهف D]

السلام عليكم ورحمة الله
كيفكم صبايا

حبايبي الله يسعدكم كان الترجيع يوم 17 جماد الثاني يعني 8ايام من الترجيع وما احس باي شي متغير الي احس فيه فقط مغص الدوره نفس كل شهر وموعدها بكره

فترة التنشيط صدري صار قاسي ويعورني والحلمات صارت بارزه ولونه اسود بس الحين خف هاذا كله
اش يعني خلاص مافي حمل
ومن صار لها كذا وطلعت حامل
طمنوني الله يسعدكم

[قوتشي]

عليكم السلام ورحمة الله
اهلا حبيبتي ماتقدرين تحكمين إلا بعد التحليل
فيه كثير نقرا لهم انهم مايحسون بأعراض بعد الترجيع ويطلعون حوامل
والتغيرات اللي تصير للصدر فترة الحمل يا اختي ماتظهر إلا في الشهور المتقدمة من الثالث وفوق
مو مع التنشيط او وقت التلقيح لأنه بدري ما امداه فماهو علامة حاليا.

الله يسهل أمري و اموركم.

[جوهرة البحر]

هلا عزيزتي
انا مثلك بالضبط اليوم رابع من ترجيع الاجنه وما احس بأي شي
وحتى بعد السحب ما حسيت بأي ألم ولا اعراض بعده

وكنت في فترة التنشيط اشعر بألم بالصدر وانتفاخ وبروز الحلمات والان لا شي يذكر

ننتظر التحليل وان شاءالله نشوف احلى بشاره
الله يحفظ اجنتنا ويبلغنا فيهم ياكريم

[رهف D]

المشاركة الأصلية كتبت بواسطة قوتشي

عليكم السلام ورحمة الله
اهلا حبيبتي ماتقدرين تحكمين إلا بعد التحليل
فيه كثير نقرا لهم انهم مايحسون بأعراض بعد الترجيع ويطلعون حوامل
والتغيرات اللي تصير للصدر فترة الحمل يا اختي ماتظهر إلا في الشهور المتقدمة من الثالث وفوق
مو مع التنشيط او وقت التلقيح لأنه بدري ما امداه فماهو علامة حاليا.

الله يسهل أمري و اموركم.

تسلمي حبيبتي جزاك الله خير
الله يعطينا من واسع فضله
ايوا انا صدري تغير من هرمونات التنشيط ولمن راح الوجع قلت خلاص هرمون التنشيط خلص بس اسمع بنات يقولون انه اذا في حمل الصدر يتغير وانا لمن رجع لطبيعته فقدت الامل
دعواتكم ليه باقي 4 ايام على موعد التحليل
عندي رعب من عوار الدوره الي يروح ويرجع

[رهف D]

المشاركة الأصلية كتبت بواسطة جوهرة البحر

هلا عزيزتي
انا مثلك بالضبط اليوم رابع من ترجيع الاجنه وما احس بأي شي
وحتى بعد السحب ما حسيت بأي ألم ولا اعراض بعده

وكنت في فترة التنشيط اشعر بألم بالصدر وانتفاخ وبروز الحلمات والان لا شي يذكر

ننتظر التحليل وان شاءالله نشوف احلى بشاره
الله يحفظ اجنتنا ويبلغنا فيهم ياكريم

امين يارب الله يرزقنا ويرزق كل مسلمه محرومه يارب العالمين
انا باقي على موعد التحليل 4 ايام ومو حاسه غير عوار الدوره الي يروح ويرجع جايب لي رعب الله لايورينا ياها ويثبت اجنتنا

احس بشي خفيف اليوم اجيت انضف البيت احس حالي،اتعب بسرعه مابغى اتوهم قلت شكله اشان تعودت على الراحه خلال العشر الايام الي فاتت فامن شان كذا احس بتعب

[رهف D]

الله يسعدكم يابنات الي سوة العمليه سواء نجحت او فشلت تعالو طمنونا اش حسيتو
واش صار معاكم
خلونا نعدي هالفتره والله حاسه اليوم مايخلص بسرعه
كل شويه اعد الايام كاني جاهل مستني الاجازه
حتى لو نمت ساعه وصحيت اقوم اعد الايام كانه في،شي بيتغير 😂😂

[υм вtℓαα]

الله يرزقك بالحمل السليم يارب

ماتناظرين الا الايام مشت الصبر زين

[Fetwn2016]

المشاركة الأصلية كتبت بواسطة رهف d

الله يسعدكم يابنات الي سوة العمليه سواء نجحت او فشلت تعالو طمنونا اش حسيتو
واش صار معاكم
خلونا نعدي هالفتره والله حاسه اليوم مايخلص بسرعه
كل شويه اعد الايام كاني جاهل مستني الاجازه
حتى لو نمت ساعه وصحيت اقوم اعد الايام كانه في،شي بيتغير 😂😂

اولا نامي على ظهرك ولا تتحركي ابدا لا تنظفي البيت ولا تسوي اي حاجه
انا سويتها عدة مرات وكل مره تفشل هالمره الشي الوحيد اللي كلن مختلف ان حلمات صدري كانت بارزه بس خذا الشي الوحيد
ومن وحده للثانيه تختلف الاعراض اكيد
استغفري طول الوقت وشغلي سورة البقره اقري سورة مريم وطة راح ترتاحي نفسيا كثير واصعب الايام هي الايام الاخيره يكون بدا صبرك ينفذ لكن عليك بالاستغفار واذا تقدري تكفلي طفل يتيم لوجه الله يرزقك ربي من حيث تحتسبي ومن حيث لا تحتسببي سواء بموضوع الحمل او غيره تقربي الى رب العالمين باحب الاعمال واللحي بالدعاء فالله يحب العبد اللحوح
عسى ربي يفرح قلوبكم كلكم يارب

[zo0on]

انا جاتني الام الدوره وطلعت حامل الحمدلله

الله يثبته ويرزقك يارب

[عايشه يوسف]

وقت جلوسك اشغلي نفسك بالاستغفار والدعاء
والله يرزقك يارب ثبات الاجنه وتفرحين