نزول دم لونه أحمر فاتح وانا حامل في الأسبوع العاشر

[Baghdad]

نزول دم لونه أحمر فاتح وانا حامل في الأسبوع العاشر
نزول دم لونه أحمر فاتح وانا حامل في الأسبوع العاشر


مرحبا بنات..ان شاء الله تكونون بخير
اني حامل بالاسبوع العاشر و الحمدلله كل شي جان تمام
دايرة بالي على نفسي احاول ما اتعب و لا احمل شي ثقيل..و العلاقة الحميمة طبيعية و آمنة..
البارحة الصبح قبل ما اگوم من الفراش حسيت شي حار اندفع مني فجأة..جنت متوقعة مي او افرازات (( للعلم وضعي كان جدا طبيعي لا افرازات زايدة ولا التهابات و لا اي شي))
تفاجئت انو هذا دم و كميته جانت بحدود ((فنجانين))
لونة احمر فاتح و بدون اي قطع ولا كتل..و بدون اي وجع او مغص بالبطن
انقطع الدم بس بعد ساعات نزلت قطرات..
رحت سويت سونار الحمدلله الجنين طبيعي و النبض طبيعي
و ماكو نزف داخل الرحم..
سويت تحاليل مال التهابات و مطلع عندي اي شي بحيث الطبيبة استغربت و نطتني دوفاستون و گالت تعالي بعد عشرة ايام نعيد السونار..
اني قبلها بليلة زوجي تقربلي بس جان كل شي امن مثل كل مرة
اليوم صباحاً نزل الدم وية الادرار و كأنما كان محبوس..و لحد الآن ماكو دم بس مجرد ما امسح بكلينكس اشوف دم فاتح
للعلم موعد الدورة فات صارله اسبوعين و الدم لونه احمر فاتح وبدون اي كتل او تجلطات و ماكو اي وجع بالبطن
ما اعرف شنو السبب و ليش دينزل الدم..كُلش خايفة يصير اجهاض..
ياريت الي عدها معلومة او مارة بمثل حالتي تحجيلي شنو سوت و شنو اخذت
طمنوني الله يطمنكم...